One Day Trip: ಬೆಂಗಳೂರಿಗೆ ಹತ್ತಿರದಲ್ಲಿರುವ ಬೋಟಿಂಗ್, ಕ್ಯಾಂಪಿಂಗ್ ಮತ್ತು ಟ್ರೆಕ್ಕಿಂಗ್ ಮಾಡುವ ಸುಂದರವಾದ ಪ್ರವಾಸಿ ತಾಣಗಳು...
ಸ್ವಾತಂತ್ರ್ಯ ದಿನಾಚರಣೆಗೆ ಸಾಲು ಸಾಲು ರಜೆಗಳಿದ್ದರೂ ಎಲ್ಲಿಗೂ ಹೋಗಲು ಆಗಲಿಲ್ಲ ಅನ್ನೋ ಬೇಸರವೇ? ಈಗ ವೀಕೆಂಡ್ ಬಂದಿದೆ. ಆದರೆ ಹೆಚ್ಚು ರಜೆ ಇಲ್ಲ. ಇರುವ ಒಂದೆರೆಡು ದಿನದಲ್ಲಿ ಎಲ್ಲಾದರೂ ಪ್ರಯಾಣ ಮಾಡಬೇಕು ಅನ್ನೋ ಮನಸ್ಸಾಗುತ್ತಿದೆಯೇ? ಹಾಗಾದರೆ ನಿಮ್ಮ ಮನಸ್ಸಿಗೆ ಇಷ್ಟವಾಗುವ, ಒತ್ತಡದ ಜೀವನದಿಂದ ಕೊಂಚ ವಿಶ್ರಾಂತಿ ನೀಡುವ ಸ್ಥಳಗಳ ಪರಿಚಯವನ್ನು ನಾವು ನಿಮಗೆ ಮಾಡಿಕೊಡುತ್ತೇವೆ.
ಬೆಂಗಳೂರಿನಿಂದ ಕೇವಲ 200 ಕಿಮೀ ಅಂತರದಲ್ಲಿರುವ ಈ ಸುಂದರ ಪ್ರವಾಸಿ ತಾಣಗಳು ನಿಮಗೆ ನಿರಾಸೆ ಮಾಡಲು ಸಾಧ್ಯವೇ ಇಲ್ಲ. ಈ ಸ್ಥಳಗಳನ್ನು ಕಾರಿನಲ್ಲಿ 2-3 ಗಂಟೆಗಳಲ್ಲಿ ಸುಲಭವಾಗಿ ತಲುಪಬಹುದು. ಹಾಗಾದರೆ ಆ ಸ್ಥಳಗಳು ಯಾವವು? ಎಷ್ಟು ಅಂತರದಲ್ಲಿವೆ? ಏನೆಲ್ಲಾ ಅಡ್ವಂಚರ್ ಇದೆ ಅನ್ನೋದನ್ನು ತಿಳಿಯೋಣ.
1. ಭೀಮೇಶ್ವರಿ
ಭೀಮೇಶ್ವರಿ ಬೆಂಗಳೂರಿನ ಅತ್ಯಂತ ಸುಂದರವಾದ ಪ್ರವಾಸಿ ಸ್ಥಳಗಳಲ್ಲಿ ಒಂದಾಗಿದೆ. ಇದು ಮೀನುಗಾರಿಕೆ ಶಿಬಿರಗಳಿಗೆ ಹೆಸರುವಾಸಿಯಾಗಿದೆ ಮತ್ತು ಬೋಟಿಂಗ್, ಕ್ಯಾಂಪಿಂಗ್ ಮತ್ತು ಟ್ರೆಕ್ಕಿಂಗ್ ಸೌಲಭ್ಯಗಳನ್ನು ಹೊಂದಿದೆ. ಈ ಸ್ಥಳ ವನ್ಯಜೀವಿಗಳು ಮತ್ತು ಸುಂದರವಾದ ಪಕ್ಷಿಗಳಿಗೆ ಹೆಸರುವಾಸಿಯಾಗಿದೆ. ಇದು ಶಿವನಸಮುದ್ರ ಜಲಪಾತದ ಸಮೀಪದಲ್ಲಿದೆ. ನಿಮ್ಮ ವಾರಾಂತ್ಯದ ವಿಶ್ರಾಂತಿಯನ್ನು ಪಡೆಯಲು ಇದೊಂದು ಅದ್ಬುತವಾದ ಸ್ಥಳವಾಗಿದೆ.
ಪ್ರಸಿದ್ಧವಾದದ್ದು: ಟ್ರೆಕ್ಕಿಂಗ್, ದೋಣಿ ಸವಾರಿ ಮತ್ತು ಮೀನುಗಾರಿಕೆ
ಬೆಂಗಳೂರಿನಿಂದ ದೂರ: 106 ಕಿ.ಮೀ ದೂರ
ಪ್ರಯಾಣದ ಸಮಯ: 2 ಗಂಟೆ 11 ನಿಮಿಷಗಳು
2. ಹಾರ್ಸ್ಲಿ ಹಿಲ್ಸ್
ಈ ಗಿರಿಧಾಮ ತನ್ನ ಆಕರ್ಷಕ ಸೌಂದರ್ಯವನ್ನು ಹೊಂದಿದೆ. ಪೂರ್ವ ಘಟ್ಟಗಳಲ್ಲಿನ ಬೆಟ್ಟ ಶ್ರೇಣಿಗಳ ಸುಂದರ ವಿಹಂಗಮ ನೋಟಗಳನ್ನು ಹೊಂದಿದೆ. ಈ ಪ್ರದೇಶ ಸಸ್ಯ ಮತ್ತು ಪ್ರಾಣಿಗಳಿಂದ ಕೂಡಿದ್ದು ವಾರಾಂತ್ಯದ ವಿಹಾರಕ್ಕೆ ಸೂಕ್ತವಾಗಿದೆ. ಸುಂದರವಾದ ದೃಶ್ಯಾವಳಿಗಳನ್ನು ಆನಂದಿಸಲು ನೀವು ಇಲ್ಲಿಗೆ ಭೇಟಿ ನೀಡಬಹುದು. ಹಾರ್ಸ್ಲಿ ಹಿಲ್ಸ್ ಬಳಿ 8 ಎಕರೆಗಳಷ್ಟು ಹರಡಿರುವ 'ವಿಶ್ವದ ಅತಿದೊಡ್ಡ ಆಲದ ಮರ'ವನ್ನು ಸಹ ನೋಡಬಹುದು.
ಪ್ರಸಿದ್ಧವಾದದ್ದು: ಬೆಟ್ಟಗಳು ಮತ್ತು ದಟ್ಟವಾದ ಕಾಡುಗಳು
ಬೆಂಗಳೂರಿನಿಂದ ದೂರ: 153 ಕಿ.ಮೀ
ಪ್ರಯಾಣದ ಸಮಯ: 3 ಗಂಟೆ 23 ನಿಮಿಷಗಳು
ಉಳಿದುಕೊಳ್ಳಲು ಅದ್ಬುತ ಹೋಮ್ಸ್ಟೈಗಳು ಇಲ್ಲಿವೆ.
3. ಯಳಗಿರಿ ಬೆಟ್ಟಗಳು
ಯಳಗಿರಿ ತಮಿಳುನಾಡಿನ ವೆಲ್ಲೂರು ಜಿಲ್ಲೆಯಲ್ಲಿರುವ ಒಂದು ಸಣ್ಣ ಗಿರಿಧಾಮವಾಗಿದೆ. ಈ ಸ್ಥಳ ಶಾಂತ, ಸುಂದರ ಮತ್ತು ವಿಶ್ರಾಂತಿ ಪಡೆಯಲು ವಾರಾಂತ್ಯಗಳಿಗೆ ತೆರಳಬಹುದಾದ ಸ್ಥಳವಾಗಿದೆ. ನೀವು ಇಲ್ಲಿ ಟ್ರೆಕ್ಕಿಂಗ್ ಹೋಗಬಹುದು. ಜೊತೆಗೆ ಪುಂಗನೂರು ಕೆರೆ ಮತ್ತು ನೀಲವೂರ್ ಕೆರೆಗೆ ಭೇಟಿ ನೀಡಬಹುದು. ಯಲಗಿರಿ ಬೆಟ್ಟಗಳು ಬೆಂಗಳೂರಿನಿಂದ ಒಂದು ದಿನದ ಅತ್ಯುತ್ತಮ ಪ್ರವಾಸವಾಗಿದೆ. ಇಲ್ಲಿ ನೀವು ಗದ್ದಲದ ನಗರದಿಂದ ವಿಶ್ರಾಂತಿ ಪಡೆಯಬಹುದು.
ಪ್ರಸಿದ್ಧವಾದದ್ದು: ಬೆಟ್ಟಗಳು ಮತ್ತು ಹಸಿರು
ಬೆಂಗಳೂರಿನಿಂದ ದೂರ: 158 ಕಿಮೀ
ಪ್ರಯಾಣದ ಸಮಯ: 3 ಗಂಟೆ 5 ನಿಮಿಷಗಳು
ಉಳಿದುಕೊಳ್ಳಲು ಅದ್ಬುತ ಹೋಮ್ಸ್ಟೈಗಳು ಇಲ್ಲಿವೆ.
4. ಬಿಆರ್ ಬೆಟ್ಟಗಳು
ಬಿಳಿಗಿರಿರಂಗ ಬೆಟ್ಟಗಳು ಅಥವಾ ಬಿಆರ್ ಬೆಟ್ಟಗಳು ಪಶ್ಚಿಮ ಮತ್ತು ಪೂರ್ವ ಘಟ್ಟಗಳ ನಡುವೆ ಇವೆ. ಈ ಸ್ಥಳ ನೈಸರ್ಗಿಕ ಸೌಂದರ್ಯ ಮತ್ತು ವಿವಿಧ ರೀತಿಯ ಸಸ್ಯ ಮತ್ತು ಪ್ರಾಣಿಗಳಿಂದ ಕೂಡಿದೆ. ಇಲ್ಲಿ ನೀವು ಭೇಟಿ ನೀಡಲೇಬೇಕಾದ ಸ್ಥಳಗಳೆಂದರೆ BRT ವನ್ಯಜೀವಿ ಅಭಯಾರಣ್ಯ ಮತ್ತು ದೊಡ್ಡ ಸಂಪಿಗೆ ಮರ, ಅಂದರೆ ದೊಡ್ಡ ಚಂಪಕ ಮರ. ಇದು ಸಾವಿರ ವರ್ಷಗಳಷ್ಟು ಹಳೆಯದಾದ ಮರಗಳನ್ನು ಹೊಂದಿರುವ ಆಧ್ಯಾತ್ಮಿಕ ತಾಣವಾಗಿದೆ.
ಪ್ರಸಿದ್ಧವಾದದ್ದು: ಟ್ರೆಕ್ಕಿಂಗ್, ಮೀನುಗಾರಿಕೆ ಮತ್ತು ಕರಕುಶಲ
ಬೆಂಗಳೂರಿನಿಂದ ದೂರ: 185 ಕಿಮಿ
ಪ್ರಯಾಣದ ಸಮಯ: 4 ಗಂಟೆ 20 ನಿಮಿಷಗಳು
ಉಳಿದುಕೊಳ್ಳಲು ಅದ್ಬುತ ಹೋಮ್ಸ್ಟೈಗಳು ಇಲ್ಲಿವೆ.
5. ಹಾಸನ
ಇತಿಹಾಸ ಮತ್ತು ಸಾಂಸ್ಕೃತಿಕ ಆಸಕ್ತರಿಗೆ ಬೆಂಗಳೂರು ಸುತ್ತಮುತ್ತ ಭೇಟಿ ನೀಡಲು ಸೂಕ್ತವಾದ ಸ್ಥಳಗಳಲ್ಲಿ ಹಾಸನ ಒಂದಾಗಿದೆ. ಹಾಸನಾಂಬ ದೇವತೆಗೆ ಹೆಸರುವಾಸಿಯಾಗಿದೆ. ಈ ಸ್ಥಳ ಅನೇಕ ಸ್ಮಾರಕಗಳು ಮತ್ತು ಪುರಾತನ ರಚನೆಗಳನ್ನು ಹೊಂದಿದೆ. ಇದನ್ನು ಸಾಮಾನ್ಯವಾಗಿ ಕರ್ನಾಟಕದ ದೇವಾಲಯ-ವಾಸ್ತುಶೈಲಿಯ ರಾಜಧಾನಿ ಎಂದು ಕರೆಯಲಾಗುತ್ತದೆ.
ಇಲ್ಲಿ ರಾಮಂತೌರ್ ದೇವಸ್ಥಾನ, ಗೊರೂರು ಅಣೆಕಟ್ಟು, ಹೊಯ್ಸಳ ದೇವಸ್ಥಾನಗಳು ಮತ್ತು ಶೆಟ್ಟಿಹಳ್ಳಿ ಚರ್ಚ್ಗಳು ಭೇಟಿ ನೀಡಲೇಬೇಕಾದ ಕೆಲವು ಸ್ಥಳಗಳಿಗೆ ಭೇಟಿ ನಿಡಬಹುದು. ಶೆಟ್ಟಿಹಳ್ಳಿ ಚರ್ಚ್ ವಿಶಿಷ್ಟವಾಗಿದೆ ಏಕೆಂದರೆ ಇದು ಮಳೆಗಾಲದಲ್ಲಿ ನೀರಿನಲ್ಲಿ ಮುಳುಗುತ್ತದೆ ಮತ್ತು ಮಳೆಗಾಲದ ನಂತರ ಮತ್ತೆ ಹೊರಕಾಣಿಸುತ್ತದೆ.
ಪ್ರಸಿದ್ಧವಾದದ್ದು: ದೇವಾಲಯಗಳು ಮತ್ತು ಸ್ಮಾರಕಗಳ ರಹಸ್ಯ
ಬೆಂಗಳೂರಿನಿಂದ ದೂರ: 187 ಕಿ.ಮೀ
ಪ್ರಯಾಣದ ಸಮಯ: 2 ಗಂಟೆ 50 ನಿಮಿಷಗಳು
ಉಳಿಯಲು ಅದ್ಬುತ ಹೋಸ್ಟೈಗಳು ಇಲ್ಲಿವೆ.
Click it and Unblock the Notifications
Sign in with Google