Angkor Wat: ವಿಶ್ವದ ಎಂಟನೇ ಅದ್ಬುತವೆಂದು ಘೋಷಣೆಯಾದ ಅಂಕೋರ್ ವಾಟ್ 'ಹಿಂದೂ' ದೇವಾಲಯ, ಮಾಹಿತಿ, ವಿವರ
ಕಾಂಬೋಡಿಯಾದ ಅಂಕೋರ್ ವಾಟ್ ದೇವಾಲಯವು ಇಟಲಿಯ ಪೊಂಪೈ ಅನ್ನು ಮೀರಿಸಿ ವಿಶ್ವದ ಎಂಟನೇ ಅದ್ಭುತವಾಗಿದೆ. ಅಂಕೋರ್ ವಾಟ್ ಆಗ್ನೇಯ ಏಷ್ಯಾದ ಅತ್ಯಂತ ಮಹತ್ವದ ಪುರಾತತ್ತ್ವ ಶಾಸ್ತ್ರದ ಸ್ಥಳಗಳಲ್ಲಿ ಒಂದಾಗಿದೆ. ಇದು ಕಾಂಬೋಡಿಯಾದ ಉತ್ತರ ಪ್ರಾಂತ್ಯದ ಸೀಮ್ ರೀಪ್ನಲ್ಲಿದ್ದು ವಿಶ್ವದ ಅತಿ ಹೆಚ್ಚು ಭೇಟಿ ನೀಡುವ ಆಕರ್ಷಣಿಯ ಸ್ಥಳವೂ ಹೌದು.
800 ವರ್ಷಗಳಷ್ಟು ಹಳೆಯದಾದ ಈ ದೇವಾಲಯವನ್ನು ರಾಜ ಸೂರ್ಯವರ್ಮನ್ II ನಿರ್ಮಿಸಿದರು. ಅಂಕೋರ್ ವಾಟ್ ಅನ್ನು ಮೂಲತಃ ಹಿಂದೂ ದೇವರು ವಿಷ್ಣುವಿಗೆ ಸಮರ್ಪಿಸಲಾಗಿತ್ತು. ಆದರೆ ನಂತರ ಅದನ್ನು ಬೌದ್ಧ ದೇವಾಲಯವಾಗಿ ಬದಲಾಯಿಸಲಾಯಿತು.
ಸದ್ಯ ಇದು ವಿಶ್ವದ ಅತಿ ದೊಡ್ಡ ದೇವಾಲಯಗಳಲ್ಲಿ ಒಂದಾಗಿ ಉಳಿದಿದೆ. ಜೊತೆಗೆ ಇದು ಸುಮಾರು 500 ಎಕರೆ ಪ್ರದೇಶದಲ್ಲಿ ಹರಡಿಕೊಂಡಿದೆ. ಪ್ರತಿ ವರ್ಷ ಪೊಂಪೈ ನೋಡುವ ಭಾರೀ ಪ್ರವಾಸಿಗರ ಒಳಹರಿವುಗೆ ಹೋಲಿಸಿದರೆ ಅಂಕೋರ್ ವಾಟ್ ದೇವಾಲಯ ನೋಡುವ ಪ್ರವಾಸಿಗರ ಸಂಖ್ಯೆ ಹೆಚ್ಚಾಗಿದೆ.
ಅಂಕೋರ್ ವಾಟ್ ಎಂದರೇನು?
ಅಂಕೋರ್ ವಾಟ್ ಯುನೆಸ್ಕೋ ವಿಶ್ವ ಪರಂಪರೆಯ ಪಟ್ಟಿಯಲ್ಲಿ ಸೇರಿಸಲಾದ ವಿಶ್ವದ ಅತಿದೊಡ್ಡ ಹಿಂದೂ ದೇವಾಲಯ. ಈ ದೇವಾಲಯವು ಮೂಲತಃ ವಿಷ್ಣುವಿಗೆ ಸಮರ್ಪಿತವಾಗಿತ್ತು. ಇದರ ಗೋಡೆಗಳು ವಿವಿಧ ಹಿಂದೂ ಧರ್ಮಗ್ರಂಥಗಳಲ್ಲಿ ಉಲ್ಲೇಖಿಸಲಾದ ವಿವಿಧ ಘಟನೆಗಳ ವಿವರವಾದ ಚಿತ್ರಣವನ್ನು ಹೊಂದಿವೆ.
ಅದರ ಇತಿಹಾಸವೇನು?
ಅಂಕೋರ್ ವಾಟ್ ದೇವಾಲಯವನ್ನು 12 ನೇ ಶತಮಾನದಲ್ಲಿ ರಾಜ ಸೂರ್ಯವರ್ಮನ್ II ರ ಆಳ್ವಿಕೆಯಲ್ಲಿ ನಿರ್ಮಿಸಲಾಯಿತು. ಮೂಲತಃ ಈ ದೇವಾಲಯವು ಭಗವಾನ್ ವಿಷ್ಣುವಿಗೆ ಸಮರ್ಪಿತವಾಗಿದೆ, ಆದರೆ ಕಾಲಾನಂತರದಲ್ಲಿ ಇದನ್ನು ಹಿಂದೂ ದೇವಾಲಯವಾಗಿ, ಬೌದ್ಧ ದೇವಾಲಯವಾಗಿ ಪರಿವರ್ತಿಸಲಾಗಿದೆ.
ಹಿಂದೂ ಧರ್ಮದಿಂದ ಬೌದ್ಧ ಧರ್ಮಕ್ಕೆ ದೇವಾಲಯದ ಪರಿವರ್ತನೆ ಅದರ ಗೋಡೆಗಳ ಮೇಲೆ ಸಂಕೀರ್ಣವಾದ ಕೆತ್ತನೆಗಳಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ. ಇದು ಹಿಂದೂ ಪುರಾಣದ ದೃಶ್ಯಗಳನ್ನು ಮತ್ತು ಬೌದ್ಧ ಧರ್ಮದ ಕಥೆಗಳನ್ನು ಚಿತ್ರಿಸುತ್ತದೆ.
ವಿಶ್ವದ 8 ನೇ ಅದ್ಭುತ
ಅದರ ಭವ್ಯವಾದ ವಾಸ್ತುಶಿಲ್ಪದಿಂದಾಗಿ ಅಂಕೋರ್ ವಾಟ್ ದೇವಾಲಯವನ್ನು ವಿಶ್ವದ 8 ನೇ ಅದ್ಭುತ ಎಂದು ಕರೆಯಲಾಗಿದೆ. 500 ಎಕರೆ ವಿಸ್ತೀರ್ಣದಲ್ಲಿ ಹರಡಿರುವ ಈ ದೇವಾಲಯವು ಎಲ್ಲಾ ಕಡೆಗಳಲ್ಲಿ ಅತ್ಯಂತ ಬಲವಾದ ಗಡಿ ಗೋಡೆಯಿಂದ ಆವೃತವಾಗಿದೆ.
ದೇವಾಲಯದ ಕೇಂದ್ರ ಸಂಕೀರ್ಣವು 5 ಕಮಲದ ಆಕಾರದ ಗುಮ್ಮಟಗಳನ್ನು ಹೊಂದಿದೆ, ಇದು ಮೇರು ಪರ್ವತವನ್ನು ಪ್ರತಿನಿಧಿಸುತ್ತದೆ. ದೇವಾಲಯದ ಗೋಡೆಗಳ ಅಲಂಕಾರವು ಸಾಕಷ್ಟು ಸಂಕೀರ್ಣವಾಗಿದ್ದು ಇದರಲ್ಲಿ ಖಮೇರ್ ಶಾಸ್ತ್ರೀಯ ಶೈಲಿಯ ಪ್ರಭಾವವು ಗೋಚರಿಸುತ್ತದೆ.
ವಿಶ್ವದ ಏಳು ಅದ್ಬುತಗಳು:-
1.ಚೀನಾದ ಮಹಾ ಗೋಡೆ
2.ಚಿಚೆನ್ ಇಟ್ಜಾ
3.ಪೆಟ್ರಾ
4.ಮಚು ಪಿಚು
5.ಕ್ರಿಸ್ಟೋ ರೆಡೆಂಟರ್ ಕ್ರೈಸ್ಟ್ ದಿ ರಿಡೀಮರ್ ಪ್ರತಿಮೆ
6.ಕೊಲೋಸಿಯಮ್
7.ತಾಜ್ ಮಹಲ್
Click it and Unblock the Notifications
Sign in with Google