ದೆಹಲಿ NCR, ಮುಂಬೈ, ಬೆಂಗಳೂರಿನಲ್ಲಿ ಮೊದಲ 3 ಮಾನಸಿಕ ಆರೋಗ್ಯ ಕೇಂದ್ರ ಪ್ರಾರಂಭಿಸಿದ ಅಮಾಹಾ

ನವದೆಹಲಿ ಮೇ 2: ಅಮಾಹಾ (ಈ ಹಿಂದೆ InnerHour ಎಂದು ಕರೆಯಲಾಗುತ್ತಿತ್ತು) ಅನ್ನು 2016 ರಲ್ಲಿ ಖ್ಯಾತ ಮನೋವೈದ್ಯ ಮತ್ತು ಆರೋಗ್ಯ ಉದ್ಯಮಿ ಡಾ ಅಮಿತ್ ಮಲಿಕ್ ಅವರು ಮಾನಸಿಕ ಆರೋಗ್ಯದ ತೊಂದರೆಯನ್ನು ಅನುಭವಿಸುತ್ತಿರುವ ಪ್ರತಿಯೊಬ್ಬರಿಗೂ ಗುಣಮಟ್ಟದ ಮಾನಸಿಕ ಆರೋಗ್ಯವನ್ನು ದೊರೆಯುವಂತೆ ಮಾಡುವ ದೃಷ್ಟಿಕೋನದೊಂದಿಗೆ ಸ್ಥಾಪಿಸಿದರು.

2019 ರಲ್ಲಿ, ಸಾಮಾಜಿಕ ಉದ್ಯಮಿ ಮತ್ತು ಜಾಗತಿಕ ಮಾನಸಿಕ ಆರೋಗ್ಯ ರಾಯಭಾರಿ ನೇಹಾ ಕಿರ್ಪಾಲ್ ಅವರೊಂದಿಗೆ ಸಹ-ಸಂಸ್ಥಾಪಕರಾಗಿ ಸೇರಿಕೊಂಡರು. ಈಗಾಗಲೇ 200 ಮಿಲಿಯನ್‍ಗೂ ಹೆಚ್ಚು ಜನರು ಮಾನಸಿಕ ಅಸ್ವಸ್ಥತೆಯಿಂದ ಬಳಲುತ್ತಿರುವ ದೇಶದಲ್ಲಿ, ಕೋವಿಡ್ ಸಾಂಕ್ರಾಮಿಕವು ಪ್ರತಿಯೊಂದು ಮನೆ ಮತ್ತು ಕೆಲಸದ ಸ್ಥಳದಲ್ಲಿ ಹೆಚ್ಚುವರಿ ಮಾನಸಿಕ ಆರೋಗ್ಯದ ಸವಾಲುಗಳನ್ನು ತಂದೊಡ್ಡಿದ್ದು - ಅದರಿಂದ ವ್ಯಸನಗಳು, ಮನೋರೋಗಗಳು, ಆತ್ಮಹತ್ಯೆಗಳು, ಸ್ವಯಂ ಹಾನಿ, ಆಘಾತ ಮತ್ತು ಇತರ ಮಾನಸಿಕ ಆರೋಗ್ಯದ ಸಮಸ್ಯೆಗಳನ್ನು ಉಲ್ಬಣಿಸಿವೆ.

ಕಳೆದ ಏಳು ವರ್ಷಗಳಲ್ಲಿ, ಅಮಾಹಾ ಭಾರತದ ಅತಿದೊಡ್ಡ ಮತ್ತು ಅತ್ಯಂತ ಪ್ರತಿಷ್ಠಿತ ಮಾನಸಿಕ ಆರೋಗ್ಯ ಸಂಸ್ಥೆಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ - ಚಿಕಿತ್ಸಕ ಪರಿಣತಿ, ಜಾಗತಿಕವಾಗಿ ಶ್ರೇಷ್ಠವಾದ ಚಿಕಿತ್ಸೆಗಳು ಮತ್ತು ಸಂಕಷ್ಟದಲ್ಲಿರುವ ಜನರಿಗೆ ತ್ವರಿತ ಮತ್ತು ಸುಲಭ ಪ್ರವೇಶಕ್ಕಾಗಿ ತಂತ್ರಜ್ಞಾನ ಆಧಾರಿತ ಬೆಂಬಲವನ್ನು ನೀಡುತ್ತದೆ. ಕಳೆದ ವರ್ಷವೊಂದರಲ್ಲೇ, ಅಮಾಹಾದ 110 ಮನೋವೈದ್ಯರು ಮತ್ತು ಮನಶ್ಶಾಸ್ತ್ರಜ್ಞರ ತಂಡವು ಆನ್‌ಲೈನ್‌ನಲ್ಲಿ 300+ ಭಾರತೀಯ ನಗರಗಳಾದ್ಯಂತದ ಜನರಿಗೆ 15+ ಭಾಷೆಗಳಲ್ಲಿ 35,000 ಕ್ಕೂ ಹೆಚ್ಚು ಚಿಕಿತ್ಸೆ ಮತ್ತು ಮನೋವೈದ್ಯಕೀಯ ಸೆಷನ್ಗಳನ್ನು ನೀಡಿದೆ,

ಬೆಂಗಳೂರು, ದೆಹಲಿ NCR ಮತ್ತು ಮುಂಬೈನಲ್ಲಿ ತನ್ನ ಮೊದಲ ಮೂರು ವೈಯಕ್ತಿಕ ಕೇಂದ್ರಗಳನ್ನು ಸ್ಥಾಪಿಸಿದೆ. ಅಮಾಹಾ ಡಿಜಿಟಲ್ ಅಪ್ಲಿಕೇಶನ್, ಉಚಿತ ಸ್ವಯಂ-ಆರೈಕೆ ಪರಿಕರಗಳು ಮತ್ತು ಕಾರ್ಯಕ್ರಮಗಳು, ಶೈಕ್ಷಣಿಕ ವಿಷಯ ಮತ್ತು ಆರಂಭಿಕ ಮಧ್ಯಸ್ಥಿಕೆಗಾಗಿ ಮೌಲ್ಯಮಾಪನಗಳೊಂದಿಗೆ ಜಾಗತಿಕವಾಗಿ 4.5 ಮಿಲಿಯನ್ ಜೀವಗಳನ್ನು ಮುಟ್ಟಿದೆ; ಸಂಸ್ಥೆಯು 20,000 ಸದಸ್ಯರ ಆನ್‌ಲೈನ್ ಬೆಂಬಲ ಸಮುದಾಯಕ್ಕೆ ಪ್ರವೇಶವನ್ನು ಸಹ ಒದಗಿಸುತ್ತದೆ.

2022 ರಲ್ಲಿ, ತಮ್ಮ ಜೀವಿತಾವಧಿಯಲ್ಲಿ ವ್ಯಕ್ತಿಗಳು ಮತ್ತು ಕುಟುಂಬಗಳಿಗೆ ಸೇವೆ ಸಲ್ಲಿಸುವ ಅವರ ಬದ್ಧತೆಯನ್ನು ಮತ್ತಷ್ಟು ಹೆಚ್ಚಿಸಲು, Amaha ದೆಹಲಿ NCR-ಮೂಲದ ಹೆಸರಾಂತ ಮಕ್ಕಳ ಮತ್ತು ಹದಿಹರೆಯದವರ ಮಾನಸಿಕ ಆರೋಗ್ಯ ಸಂಸ್ಥೆಯಾದ ಚಿಲ್ಡ್ರನ್ ಫಸ್ಟ್ ಅನ್ನು ಸ್ವಾಧೀನಪಡಿಸಿಕೊಂಡಿತು, ಇದು ಒಂದು ದಶಕದ ಹಿಂದೆ ಪ್ರಾರಂಭವಾದಾಗಿನಿಂದ 12,000 ಕುಟುಂಬಗಳನ್ನು ಬೆಂಬಲಿಸಿದೆ.

ವ್ಯಕ್ತಿಗಳು, ಕುಟುಂಬಗಳು ಮತ್ತು ಕೆಲಸದ ಸ್ಥಳಗಳಿಗೆ ತನ್ನ ಚಿಕಿತ್ಸಕ ಸೆಷನ್‍ಗಳು, ಮನೋವೈದ್ಯಕೀಯ ಆರೈಕೆ, ಸ್ವಯಂ-ಆರೈಕೆ ಉಪಕರಣಗಳು ಮತ್ತು ಸಮುದಾಯ ಬೆಂಬಲದ ಸಂಯೋಜನೆಯ ಮೂಲಕ ಅಮಾಹಾ ಜೀವಿತಾವಧಿಯಲ್ಲಿ ಸಮಗ್ರ ಚಿಕಿತ್ಸೆ ಮತ್ತು ಆರೈಕೆಯನ್ನು ಒದಗಿಸಲು ಒಂದು ಸೂರಿನಡಿಯ ಸಂಸ್ಥೆಯನ್ನು ರಚಿಸುವ ಗುರಿಯನ್ನು ಹೊಂದಿದೆ. ಕೆಲಸದ ಸ್ಥಳಗಳು ಮತ್ತು ಕಾಲೇಜುಗಳಿಗಾಗಿ ಅಮಾಹಾ ರವರ ಭಾವನಾತ್ಮಕ ಯೋಗಕ್ಷೇಮ ಕಾರ್ಯಕ್ರಮವು ಪ್ರಸ್ತುತ ದೇಶಾದ್ಯಂತ 700,000 ಕ್ಕೂ ಹೆಚ್ಚು ವ್ಯಕ್ತಿಗಳನ್ನು ಒಳಗೊಂಡಿದೆ ಮತ್ತು ಚಿಲ್ಡ್ರನ್ ಫಸ್ಟ್ ಜೊತೆಗೆ ಅವರು ಶಾಲೆಗಳು ಮತ್ತು ಕಾಲೇಜುಗಳಿಗೆ ಹೆಚ್ಚಿನ ವೈದ್ಯಕೀಯ ಬೆಂಬಲ ಮತ್ತು ತರಬೇತಿಯನ್ನು ನೀಡುತ್ತಿದ್ದಾರೆ.

ಸಂಸ್ಥಾಪಕ ಮತ್ತು ಸಿಇಒ - ಡಾ. ಅಮಿತ್ ಮಲಿಕ್ ಹೇಳುತ್ತಾರೆ, "ಭಾರತದಂತಹ ದೊಡ್ಡ ಮತ್ತು ಹಿಂದುಳಿದ ದೇಶದಲ್ಲಿ, ಉತ್ತಮ ಗುಣಮಟ್ಟದ ಮಾನಸಿಕ ಆರೋಗ್ಯ ಸೇವೆಗಳಿಗೆ ಆರಂಭಿಕ ಪ್ರವೇಶವನ್ನು ಖಚಿತಪಡಿಸಿಕೊಳ್ಳುವುದು ಪರಿಣಾಮಕಾರಿ ಮತ್ತು ಶಾಶ್ವತವಾದ ಚೇತರಿಕೆಗೆ ನಿರ್ಣಾಯಕವಾಗಿದೆ ಎಂದು ನಾನು ನಂಬುತ್ತೇನೆ - ಆದ್ದರಿಂದ ಜನರು ನಿಜವಾಗಿಯೂ ಪುನಶ್ವೇತನಗೊಳ್ಳಬಹುದು, ಉತ್ತಮಗೊಳ್ಳಬಹುದು, ಮತ್ತು ಉತ್ತಮವಾಗಿ ಇರುವುದನ್ನು ಮುಂದುವರಿಸಬಹುದು. ಅಮಾಹಾದಲ್ಲಿ, ಭಾರತದಾದ್ಯಂತ ನಮ್ಮ ಎಲ್ಲಾ ಕೇಂದ್ರಗಳಲ್ಲಿ ಜೊತೆಗೆ ಆನ್‌ಲೈನ್‌ನಲ್ಲಿ ಮುಂಜಾನೆಯಿಂದ ಮಧ್ಯರಾತ್ರಿಯವರೆಗೆ - ವರ್ಷದ 365 ದಿನಗಳೂ ವಿಶ್ವಾಸಾರ್ಹ ಮಾನಸಿಕ ಆರೋಗ್ಯ ಸೇವೆಯನ್ನು ಒದಗಿಸುವುದು ನಮ್ಮ ಧ್ಯೇಯವಾಗಿದೆ. ಭಾರತವು ವಿಶ್ವದ ಮಾನಸಿಕ ಆರೋಗ್ಯದ ಹೊರೆಯ ಮೂರನೇ ಒಂದು ಭಾಗವನ್ನು ಹೊಂದಿರುವುದರಿಂದ, ಅತ್ಯುನ್ನತ ಗುಣಮಟ್ಟದ ಸಮರ್ಥನೀಯ ಮತ್ತು ಹೆಚ್ಚಿನ ಕೊಡುಗೆಗಳನ್ನು ನಿರ್ಮಿಸುವ ಉದ್ದೇಶವನ್ನು ಅಮಾಹಾ ಹೊಂದಿದೆ."

ಅಮಾಹಾ ಕುರಿತು

ಈ ಹಿಂದೆ InnerHour ಎಂದು ಕರೆಯಲಾಗುತ್ತಿದ್ದ ಅಮಾಹಾ, 2016 ರಲ್ಲಿ ಹೆಸರಾಂತ ಮನೋವೈದ್ಯ ಮತ್ತು ಆರೋಗ್ಯ ಉದ್ಯಮಿ ಡಾ. ಅಮಿತ್ ಮಲಿಕ್ ಅವರಿಂದ ಸ್ಥಾಪಿಸಲ್ಪಟ್ಟ ಮಾನಸಿಕ ಆರೋಗ್ಯ ಸಂಸ್ಥೆಯಾಗಿದೆ ಮತ್ತು 2019 ರಲ್ಲಿ ಶ್ರೀಮತಿ ನೇಹಾ ಕಿರ್ಪಾಲ್ ಅವರು ಅದರ ಸಹ-ಸಂಸ್ಥಾಪಕರಾಗಿ ಸೇರಿಕೊಂಡರು. 110 ಮನೋವೈದ್ಯರು ಮತ್ತು ಮನಶ್ಶಾಸ್ತ್ರಜ್ಞರ ಆಂತರಿಕ ತಂಡದೊಂದಿಗೆ ಇದು ಈಗಾಗಲೇ ಜಾಗತಿಕವಾಗಿ 4.5 ಮಿಲಿಯನ್ ಜೀವಗಳನ್ನು ತಲುಪಿರುವ ತನ್ನ ಡಿಜಿಟಲ್ ಪ್ಲಾಟ್‍ಫಾರ್ಮ್ ಮೂಲಕ ಆನ್ಲೈನ್‍ನಲ್ಲಿ ಮತ್ತು ಮುಂಬೈ, ಬೆಂಗಳೂರು ಮತ್ತು ದೆಹಲಿ NCR ನಲ್ಲಿರುವ ತನ್ನ ಮೊದಲ ಕೆಲವು ವೈಯಕ್ತಿಕ ಕೇಂದ್ರಗಳ ಮೂಲಕ ವೈಯಕ್ತಿಕವಾಗಿ ಮಾನಸಿಕ ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆ ಮತ್ತು ಸೇವೆಯ ಯೋಜನೆಗಳನ್ನು ಒದಗಿಸಿದೆ. ಕಳೆದ ಒಂದು ವರ್ಷದಲ್ಲಿ ಅವರು ಭಾರತದ 300+ ನಗರಗಳಲ್ಲಿ 15+ ಭಾಷೆಗಳಲ್ಲಿ 35,000 ಕ್ಕೂ ಹೆಚ್ಚು ಚಿಕಿತ್ಸೆ ಮತ್ತು ಮನೋವೈದ್ಯಕೀಯ ಸೆಷನ್ಗಳನ್ನು ನೀಡಿದ್ದಾರೆ.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:

ಪಾಲಕ್ ಜೈಸ್ವಾಲ್ l [email protected] l 9682811524

ಪದ್ಮಾ ರಾವ್ l [email protected] l 9833180409

English summary

Amaha has launched its first 3 mental health centers in Delhi NCR, Mumbai, Bengaluru.