• search

'ಅಕ್ಕ' ಕಾರ್ಯನಿರ್ವಾಹಕ ಸಮಿತಿ ಜೊತೆ ಸಂದರ್ಶನ

By ಸಂದರ್ಶನ : ಸರಿತಾ ನವಲಿ, ನ್ಯೂ ಜೆರ್ಸಿ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ನ್ಯೂ ಜೆರ್ಸಿಯ ಕಡಲತೀರ ಅಟ್ಲಾಂಟಿಕ್ ಸಿಟಿಯಲ್ಲಿ ಸೆಪ್ಟೆಂಬರ್ 2, 3, ಮತ್ತು 4ರಂದು ನಡೆಯಲಿರುವ 9ನೇ 'ಅಕ್ಕ' ವಿಶ್ವ ಕನ್ನಡ ಸಮ್ಮೇಳನದ ಸಿದ್ಧತೆಗಳು ಕಳೆದ 6-8 ತಿಂಗಳುಗಳಿಂದ ನಡೆದಿದ್ದು, ಈಗ ಸಮ್ಮೇಳನಕ್ಕೆ ಕ್ಷಣಗಣನೆ ಶುರುವಾಗಿದೆ.

    ಈ ಕನ್ನಡ ಜಾತ್ರೆಯನ್ನು ಯಶಸ್ವಿಯಾಗಿ ನೆರವೇರಿಸಲು ಹತ್ತಾರು ಸಮಿತಿಗಳು ಕಾರ್ಯನಿರ್ವಹಿಸುತ್ತಿವೆ. 'ಅಕ್ಕ' ಸಮ್ಮೇಳನದ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ 'ಕಾರ್ಯ ನಿರ್ವಾಹಕ ಸಮಿತಿ' (Program Management Office - PMO) ಕಾರ್ಯರೂಪಕ್ಕೆ ಬಂದಿದ್ದು, ಸಮ್ಮೇಳನದ ಪೂರ್ವಭಾವಿ ಸಿದ್ಧತೆಗಳನ್ನು ನಿಭಾಯಿಸುತ್ತಾ ಬಂದಿದೆ.[ಅಕ್ಕ ಸಮ್ಮೇಳನದ ಮೂಲಸೌಕರ್ಯ ತಂಡದೊಡನೆ ಚಿಟ್ ಚಾಟ್]

    AKKA Kannada conference : Interview with Program Management Office

    ಈ ಸಮಿತಿಯ ಇನ್ನೊಂದು ವಿಶೇಷತೆಯೇನೆಂದರೆ, 'ಸ್ತ್ರೀಶಕ್ತಿ'ಯ ದ್ಯೋತಕವೆಂಬಂತೆ ಈ ತಂಡದ ಸದಸ್ಯರೆಲ್ಲರೂ ಮಹಿಳೆಯರು! ತಮ್ಮ ಕರ್ತವ್ಯವನ್ನು ಯಶಸ್ವಿಯಾಗಿ ನಿಭಾಯಿಸುತ್ತಿರುವ ಈ ತಂಡದ ಅಧ್ಯಕ್ಷರುಗಳು ಮತ್ತು ಉಪಾಧ್ಯಕ್ಷರೊಂದಿಗೆ ಮಾತುಕತೆ.

    ಪ್ರಶ್ನೆ : 'ಅಕ್ಕ' ವಿಶ್ವ ಕನ್ನಡ ಸಮ್ಮೇಳನದ ಕಾರ್ಯ ನಿರ್ವಹಿಸಲು ರಚಿಸಲ್ಪಡುವ ಸಮಿತಿಗಳ ವಿವಿರ ನೋಡಿದಾಗ, ಇದೇ ಮೊದಲ ಬಾರಿಗೆ 'ಕಾರ್ಯ ನಿರ್ವಾಹಕ ಸಮಿತಿ'( Program Management Office - PMO) ಕಾರ್ಯರೂಪಕ್ಕೆ ಬಂದಿದೆ. ಈ ಸಮಿತಿ ರೂಪುಗೊಂಡಿದ್ದು ಹೇಗೆ? ಮತ್ತು ಈ ಸಮಿತಿಯ ಜವಾಬ್ದಾರಿಗಳೇನು?

    ಉತ್ತರ : 'ಅಕ್ಕ' ಪ್ರಾರಂಭವಾದಾಗಿನಿಂದ, ಭಾಷೆ, ಸಂಸ್ಕೃತಿ ಮತ್ತು ಪರಂಪರೆಗಳನ್ನು ಆಧುನಿಕತೆಯೊಂದಿಗೆ ಮೇಳೈಸಿಕೊಂಡು ಕನ್ನಡದ ಸೇವೆಯನ್ನು ಮಾಡುತ್ತಾ ಬಂದಿದೆ. ಇದು ಒಂದು ಸಣ್ಣ ಸಂಸ್ಥೆಯಾಗಿ ಆರಂಭಗೊಂಡು, ಈಗ ಬೃಹದಾಕಾರವಾಗಿ ಬೆಳೆದು ನಿಂತಿದೆ ಎನ್ನುವುದು ಸಂತೋಷದ ವಿಷಯವಲ್ಲವೇ?[ಪ್ರಪ್ರಥಮ ಬಾರಿಗೆ ಅಕ್ಕ ಸಮ್ಮೇಳನದಲ್ಲಿ ಒಂದು ದಿನದ ನೋಂದಾವಣಿ!]

    AKKA Kannada conference : Interview with Program Management Office

    ಆದರೆ ಎಲ್ಲೋ ನಡೆಯುವ ಸಣ್ಣದೊಂದು ಪ್ರಮಾದದಿಂದ, ಅದೆಷ್ಟೋ ಸಮಿತಿಗಳ, ಸ್ವಯಂ ಸೇವಕರುಗಳ ಶ್ರಮಕ್ಕೆ ಚ್ಯುತಿ ಬಂದೊದಗುವ ಸಾಧ್ಯತೆಗಳಿವೆ. ಹಾಗಾಗಿ ಈ ಬಾರಿ, ಈ 'ಕಾರ್ಯ ನಿರ್ವಾಹಕ ಸಮಿತಿ' ರೂಪಗೊಂಡಿದ್ದು, ಹೊಸ ಯೋಜನೆಗಳನ್ನು, ಪ್ರಸ್ತಾವನೆಗಳನ್ನು ಎಲ್ಲ ತಂಡಗಳಿಗೆ ನಿರ್ದೇಶಿಸುವ ಉದ್ದೇಶ ನಮ್ಮ ಸಮಿತಿಯದ್ದಾಗಿದೆ. ಈ ತಂಡದ ಕಾರ್ಯವೈಖರಿಯಿಂದ ಉಳಿದೆಲ್ಲ ಸಮಿತಿಗಳಿಗೆ ನೆರವು ದೊರಕ್ಕಿದ್ದು, ಈ ಬಾರಿಯ 'ಅಕ್ಕ' ವಿಶ್ವ ಕನ್ನಡ ಸಮ್ಮೇಳನ ಯಶಸ್ವಿಯಾಗಿ ನೆರವೇರುವುದೆಂದು ಆಶಿಸುತ್ತೇವೆ.[ಕ್ಕ ಸಮ್ಮೇಳನ - ವೇದಿಕೆಯ ಉಸ್ತುವಾರಿ ಕೃಷ್ಣ ಪ್ರಸಾದ್ ಸಂದರ್ಶನ]

    ಪ್ರಶ್ನೆ : 'ಅಕ್ಕ' ಸಮ್ಮೇಳನದ ಕಾರ್ಯ ನಿರ್ವಹಣೆಯಲ್ಲಿ ಹಲವಾರು ಸಮಿತಿಗಳಿರುತ್ತವೆ, ಕೆಲಸದ ಒತ್ತಡಗಳಿರುತ್ತವೆ. ಈ ನಿಟ್ಟಿನಲ್ಲಿ ನಿಮ್ಮ ಸಮಿತಿಯ ಕಾರ್ಯವೈಖರಿ ಹೇಗಿತ್ತು?

    ಉತ್ತರ : ಪರಸ್ಪರ ಮಾತುಕತೆ ಮತ್ತು ಕಾರ್ಯ ನಿರ್ದೇಶನದಲ್ಲಿನ ಪಾರದರ್ಶಕತೆಗಳಿಂದ ಈ ಎಲ್ಲ ಕೆಲಸಗಳನ್ನು ನಿಭಾಯಿಸಲು ಸಾಧ್ಯವಾಗುತ್ತದೆ. ಈ ಬಾರಿ, ವ್ಯವಸ್ಥಿತ ಸಮಿತಿ ರಚನೆ ಮತ್ತು ಕಾರ್ಯಾಂಗ ಸಮಿತಿಯ ಅಧ್ಯಕ್ಷರು, ಉಪಾಧ್ಯಕ್ಷರು ಮತ್ತು ಸ್ವಯಂಸೇವಕರೊಂದಿಗೆ ತಿಂಗಳಿಗೊಮ್ಮೆ ಸಭೆ ಏರ್ಪಡಿಸಲಾಗುತ್ತಿತ್ತು. ಆಯಾ ಸಮಿತಿಯ ಅಧ್ಯಕ್ಷರು ಮತ್ತು ಉಪಾಧ್ಯಕ್ಷರೊಂದಿಗೆ ಸಭೆ ನಡೆಸಿ ಮಾಹಿತಿಯನ್ನು ಪಡೆಯಲಾಗುತ್ತಿತ್ತು. ಅಮೆರಿಕದ ಪೂರ್ವ ಕರಾವಳಿಯ ವಿವಿಧ ಸ್ಥಳಗಳಿಂದ ಸ್ವಯಂಸೇವಕರು ಈ ಸಭೆಗಳಲ್ಲಿ ಭಾಗವಹಿಸುತ್ತಿದ್ದರು ಎಂಬುದು ಸಂತಸದ ವಿಷಯ.

    AKKA Kannada conference : Interview with Program Management Office

    ಪ್ರಶ್ನೆ : ಒಂದು ವೈಯಕ್ತಿಕ ಪ್ರಶ್ನೆ, ಈ ಎಲ್ಲ ಜವಾಬ್ದಾರಿಯುತ ಕಾರ್ಯಗಳನ್ನು ನಿರ್ವಹಿಸಲು ಬಹಳಷ್ಟು ಶ್ರದ್ಧೆ ಮತ್ತು ಸಮಯದ ಅವಶ್ಯಕತೆಯಿದೆ. 'ಅಕ್ಕ' ಮತ್ತು ಮನೆಯಲ್ಲಿನ ಜವಾಬ್ದಾರಿಗಳನ್ನು ಹೇಗೆ ನಿಭಾಯಿಸುತ್ತಿದ್ದೀರಾ?

    ಉತ್ತರ : ನಮ್ಮ ತಂಡದ ಸದಸ್ಯರೆಲ್ಲರೂ ಬಹಳಷ್ಟು ಜವಾಬ್ದಾರಿಯುತ ಕೆಲಸಗಳನ್ನು ಒಟ್ಟಿಗೇ ನಿಭಾಯಿಸಬಲ್ಲ(Multitasking) ಚಾಕಚಕ್ಯತೆ ಹೊಂದಿದ್ದಾರೆ. ಕುಟುಂಬದ ಸದಸ್ಯರ, ಸ್ನೇಹಿತರ ಸಹಕಾರದಿಂದಲೇ ಈ ಎಲ್ಲ ಜವಾಬ್ದಾರಿಗಳನ್ನು ನಿಭಾಯಿಸಲು ಸಾಧ್ಯವಾಗಿದೆ. ನಮ್ಮ, ನಮ್ಮ ಕುಟುಂಬದ ಸದಸ್ಯರೂ 'ಅಕ್ಕ' ಸಮ್ಮೇಳನದ ಕೆಲಸ ಕಾರ್ಯಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿರುವುದರಿಂದ, ಮನೆಯಲ್ಲಿನ ಜವಾಬ್ದಾರಿಗಳನ್ನು ನಮ್ಮಲ್ಲಿಯೇ ಹಂಚಿಕೊಂಡಿದ್ದು ಉಪಯೋಗವಾಯಿತು.

    ಪ್ರಶ್ನೆ : ನಿಮ್ಮ ತಂಡದ ಸದಸ್ಯರನ್ನು ಪರಿಚಯಿಸಿ.

    ಉತ್ತರ : ನಮ್ಮ ತಂಡದ ಪರಿಚಯ ಹೀಗಿದೆ. ಪ್ರಿಯಾ ಪಾಟೀಲ, ಸುಚೇತಾ ಭಂಡಾರಿ, ಅನಿತಾ, ರೂಪಶ್ರೀ ಮೇಲುಕೋಟೆ ಮತ್ತು ಹಿಮಬಿಂದು ಗೌಡ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    First time in the history of AKKA World Kannada Conference, Program Management Office - PMO has been established to look after overall preparations for Atlantic City sammelana to be held from September 2. An interview with President and Vice-president of PMO.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more