ಮೂಲ್ಕಿ ಕವನ : ವಾದಕ ಸಾಧಕ ಮಹಾ ಸಾಧಕ
ವಾದಕ ಸಾಧಕ ಮಹಾ ಸಾಧಕ
ಕರ್ನಾಟಕ ಸಂಗೀತ ವಾದಕ
ನಾದಪಾಲ ಕದ್ರಿ ಗೋಪಾಲ
ಸ್ಯಾಕ್ಸೋಫೋನ್ ನಾದಲೋಲ
ನಾದ ಬ್ರಹ್ಮನು ವೀಣಾಪಾಣಿಯು
ನಾದ ಶರೀರ ಪರಶಿವ ಶಿವೆಯು
ಮೋಹನ ಮುರಳಿ ನಾದ ಲಕ್ಷ್ಮಿಯು
ಒಲಿದು ಉಲಿಯುತಿರುವುದೋ...!
ಸನ್ಮೊಹಕವಾದ ಮೋಹಕ ನಾದ
ಆಮರ ಗಾನವು ಮನಮೊಹಕವು
ಒಳ ಹೃದಯದಾಳದಿಂದ ಚಿಮ್ಮುವ
ಹೊರಹೊಮ್ಮುವ ಮಧು ಮಧುರವದು
ಅತಿ ಮಧುರ ಗಾನ ಗಾನಾಮೃತವು
ಅಲೆ ಅಲೆಯಾಗಿ ಸುಳಿ ಸುಳಿಯಾಗಿ
ಧಾರಾಕಾರ ವರ್ಷ ಆಕರ್ಷಕವಾಗಿ
ಧನ್ಯತೆ ತುಂಬಿದ ಮಾನ್ಯ ಅಸಮಾನ್ಯ
ಸಂಗೀತ ಗೀತೆ ಹ್ರುದಯಗೀತೆಯಾಗಿ...
ಜನಮನ ತನುಮನ ಲೀನ ತಲ್ಲೀನ
ಕಾಲ ತಾಳ ನಾದದಲಿ ವಿಲೀನ ಸುಲೀನ
ನುಡಿಸಿ ಆಡಿಸಿ ಆಲಿಸಿ ಲಾಲಿಸುವ
ಇವ ಶ್ರೀಕೃಷ್ಣನ ಕೊಳಲ ನಾದಕೆ
ಸರಿಸಾಟಿ ಸರಿ ಗಪ ಮಪ ದಪದಲಿ...
ನುಡಿಸುತರಿರಲಿ ಮಿಡಿಸುತರಿರಲಿ
ತನುಮನಗಳನು ತಣಿಸುತರಿರಲಿ
ಗಾನಸಾಗರ ಕ್ಷೀರಸಾಗರವಾಗಲಿ
ಜನಸಾಗರದ ಆನಂದ ಆತ್ಮಾನಂದ
ಚಿದಾನಂದ ಸಾಗರದ ಆಗರವಾಗಲಿ...!
Click it and Unblock the Notifications
Sign in with Google