ಹುಟ್ಟಿ ಬಾ ಹನುಮಂತಪ್ಪ ದೇಶದ ಹಣತೆಯ ಬೆಳಗಲು

By: ವಸಂತ ಕುಲಕರ್ಣಿ, ಸಿಂಗಪುರ
Subscribe to Oneindia Kannada

ಅರಿಯದ ಹಸುಳೆಯ ಬಿಟ್ಟು
ಹರೆಯದ ಮಡದಿಯ ತೊರೆದು
ಹುತಾತ್ಮನಾದೆ ಹನುಮಂತಪ್ಪ
ನಿನ್ನ ಪ್ರಾಣಾರ್ಪಣೆಗೆ ಇಲ್ಲವೆ ಬೆಲೆ
ಹರಡಿದೆ ಎಲ್ಲೆಡೆಗೆ ದ್ರೋಹಿಗಳ ಬಲೆ|

ದೇಶದಸ್ತಿತ್ವವನೆ ಪ್ರಶ್ನಿಸುವ ಭಂಡರು
ದೇಶವಿರೋಧಿ ಕಾಯಕಗಳ ಪುಂಡರು
ನಿಯತ್ತಿರದ ನೀಚರೇ ಎಲ್ಲ ಕಡೆಗೆ
ಬುದ್ಧಿಜೀವಿಗಳ ಸೋಗು ಹಾಕುತಿಹರು
ಗೆದ್ದಲಿನ ಹಾಗೆ ದೇಶ ಕೆಡಿಸುತಿಹರು| [ಮಣ್ಣಲ್ಲಿ ಮಣ್ಣಾದ ವೀರಯೋಧ ಹನುಮಂತಪ್ಪ]

A Kannada poem on Hanumanthappa Koppad

ದೇಶಭಕ್ತಿಯ ದಿವ್ಯ ದೇಗುಲಗಳೆನಿಸಿದ

ಯುವಶಕ್ತಿಯ ಉಚ್ಛ ಮಂದಿರಗಳೆನಿಸಿದ
ವಿಶ್ವವಿದ್ಯಾಲಯಗಳೊಳಗೆ ಇಂದು
ಶತ್ರುಗಳ ಜಯಕಾರ ಮೊಳಗುತಿಹುದು
ಅರಿಗಳ ಠೇಂಕಾರ ಕೆಣಕುತಿಹುದು| [JNU ವೃತ್ತಾಂತ: ಗುಪ್ತಚರ ಇಲಾಖೆಯ ಸ್ಫೋಟಕ ಮಾಹಿತಿ]

ನಿನ್ನ ಮಹತ್ತರ ಸಮರ್ಪಣೆಗೆ
ಅಸಮಾನ ತ್ಯಾಗದ ಉದಾಹರಣೆಗೆ
ಪಾತ್ರರೆ ಈ ಹುಲು ಜೀವಿಗಳು?
ಸ್ವಂತ ತಾಯಿಗೆ ಎರಡು ಬಗೆಯುವವರು
ಅರಿವಿನ ಜ್ಯೋತಿಗೆ ಬೆನ್ನು ಹಾಕಿದವರು|

ದಂತದರಮನೆಗಳಲಿ ಹೊರಳಿ
ಸುಪ್ಪತ್ತಿಗೆಯ ಸುಖದಲ್ಲಿ ಉರುಳಿ
ರಾಷ್ಟ್ರ ಭಕ್ತರನು ಜರಿಯುವರು ಇವರು
ಅದಾವ ಹೊಸ ಕುಭಾಷ್ಯ ರಚಿಸುತಿಹರು
ವಿಭಜಿಸುವ ಹೊಸ ನೀತಿ ಮಸೆಯುತಿಹರು? [ಚಿತ್ರಗಳು : ತವರಿನಲ್ಲಿ ವೀರಯೋಧನಿಗೆ ಅಂತಿಮ ನಮನ]

ಮತ್ತೊಮ್ಮೆ ಬಾ ಹನುಮಂತಪ್ಪ ನೀ
ವೀರ ಪುತ್ರರ ಕೆಚ್ಚೆದೆಯ ಕಿಡಿಯಾಗಿ
ತಾಯಿ ಭಾರತಿಯ ಕಂದರಾಗ್ರಣಿಯಾಗಿ
ಮೆಟ್ಟಿ ಹಾಕಲು ಕೆಟ್ಟ ದ್ರೋಹಗಳನು
ಸರಿದಾರಿಗೆಳೆಯಲು ಮುನಿದ ಮನಗಳನು|

ವಿಭಜಿಸುವ ಕೂಟನೀತಿಯದು ಸಾಕಾಗಿದೆ
ಒಂದುಗೂಡಿಸುವ ಪ್ರಣತಿಯದು ಬೇಕಾಗಿದೆ
ಹುಟ್ಟಿ ಬಾ ಹನುಮಂತಪ್ಪ ಹಣತೆಯನು ಬೆಳಗಲು
ಒಡೆಯುವ ಮತ ಪಂಥಗಳ ದಮನಕಾಗಿ
ಒಡೆದ ಹೃದಯಗಳ ನೋವ ಶಮನಕಾಗಿ|

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
A Kannada poem on Siachen hero Hanumanthappa Koppad by Vasant Kulkarni from Singapore. We need many soldiers like Hanumanthappa to safeguard our country India.
Please Wait while comments are loading...

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ