ಒಡಲಾಚೆಗೀಚೆ

• ಸುಪ್ತದೀಪ್ತಿ

ಸೂರ್ಯನುದಿಸುವನಲ್ಲಿ, ಈ ಊರು ನಿಶೆಯಲ್ಲಿ

ತಂಗಾಳಿ ತೊಟ್ಟಿಲು ಎರಡು ಬದಿಗೂ

ನಡುಹಗಲು ನಟ್ಟಿರುಳು ತೂಗು ಉಯ್ಯಾಲೆಯಲಿ-

ಲಂಬವಾಗುವ ಬೆಳಕು ಎರಡು ಮುಖಕೂ

ಚೈತನ್ಯಕೊಂದು ಎಳೆ, ನಿರಾಶೆಗೊಂದು ನೆಲೆ
ಗೋಳದಲಿ ಬಿಸಿಲಿಹುದು ತಂಪು ಇಹುದು
ಅರಳು ಹೂವಿಗೆ ದುಂಬಿ ಮುತ್ತಿಡುವ ಹೊತ್ತಲ್ಲೆ-
ಮುಗ್ಧ ಕಣ್ಣಲಿ ಮಿನುಗುತಾರೆಯಿಹುದು

ಮುಗಿಯಿತೆನ್ನುವ ಪಯಣ ಒಂದು ಪಾದದ ಕ್ರಮಣ
ಇನ್ನೊಂದು ಹೆಜ್ಜೆಯನು ಎತ್ತಬೇಕು
ನಿಂತ ನೀರಾಗದಿರೆ ಬದುಕ ಸರಸಿಗೆ ಅರುಣ-
ಮತ್ತೆ ಹೊನ್ನಿನ ಕಿರಣ ಮೆತ್ತಬೇಕು