ಶ್ರೀನಾಥ್‌ ಭಲ್ಲೆ, ರಿಚ್‌ಮಂಡ್‌

ಆಧುನಿಕತೆ ಮತ್ತು ಅಸಹಾಯಕತೆ!

ಆಧುನಿಕತೆ ಮತ್ತು ಅರ್ಥವಾಗದ ಅಸಹಾಯಕತೆ ಒಂದೇ ನಾಣ್ಯದ ಎರಡು ಮುಖಗಳು! ನವಯುಗದ ಸಾಧನಗಳನ್ನು ದೂರದಿಂದ ನೋಡಿದಾಗ ಹೇಗೆ ಕಾಣಿಸಬಹುದು? -ಈ ಬಗ್ಗೆ ಮೂರು ಹನಿಗಳು.

• ಶ್ರೀನಾಥ್‌ ಭಲ್ಲೆ, ರಿಚ್‌ಮಂಡ್‌
  [email protected]

ಕಿವಿನಾಗೆ ಕಡ್ಡೀ ಚುಚ್ಚಿಕೊಂಡು
ತನ್ನಷ್ಟಕ್ಕೇ ತಾನು ಮಾತಾಡ್ಕೊಂಡು
ತನ್‌ ಪಾಡಿಗೆ ತಾನು ಹಾಡಿಕೊಂಡು
ಕಾರ್ನೋ, ಬೈಕ್ನೋ ಓಡಿಸ್ಕೊಂಡು
ಪ್ಯಾದೆ ಕೈಲಿ ಸಿಕ್ಕೊಂಡ್ನಲ್ಲಪ್ಪೋ !

*

ಪ್ರೋಗ್ರಾಮರ್‌

ದಿವಿನಾಗಿ ಬಟ್ಟೆ ಹಾಕಿಕೊಂಡು
ಕರೀ ತಟ್ಟೆ ಬಿಚ್ಚಿಟ್‌ ಕೊಂಡು
ಮೇಲಿನ್‌ ತಟ್ಟೇಲ್‌ ನೋಡಿಕೊಂಡು
ಕೆಳಗಿನ್‌ ತಟ್ಟೇನ್‌ ಕುಟ್ಟಿಕೊಂಡು
ಯೋಚ್ನೆ ಮಾಡ್ತಾ ಕೂತ್ಕೊಂಡ್ನಲ್ಲಪ್ಪೋ !!

*

ಸಾಫ್ಟ್‌ ವೇರ್‌ ಇಂಜಿನಿಯರ್‌

ಸೊಂಟಕ್‌ ಡಬ್ಬಿ ತಗಲಿಸಿಕೊಂಡು
ಕುತ್ತಿಗೆಗ್‌ ಪಟ್ಟಿ ಕಟ್ಟಿಕೊಂಡು
ಭುಜಕ್‌ ಜೋಳಿಗೆ ನೇತಾಕ್‌ಕೊಂಡು
ಕಣ್ಣಿಗ್‌ ಕಂಡಿ ಹಾಕಿಕೊಂಡು
ಏಟೊಂದ್‌ ಸಂಪಾದ್ನೆ ಮಾಡ್ತಾನಲ್ಲಪ್ಪೊ!!!

ಮುಖಪುಟ / ಎನ್‌ಆರ್‌ಐ