ಮೀರಾ. ಪಿ.ಆರ್‌., ಬೋಸ್ಟನ್‌

ಲಾಲಿಹಾಡು

• ಮೀರಾ. ಪಿ.ಆರ್‌., ಬೋಸ್ಟನ್‌
  [email protected]

ಮುತ್ತಿನಾರತಿ ತಂದು ಎತ್ತಿ ಬೆಳಗೀರೇ...

ಮುದ್ದು ಮಾತಾಡೊ ನನ್ನರಗಿಳಿಗೆ । ಕಂದಂಗೆ

ಮುತ್ತಿನಂಥಾ ನನ್ನ ಮಗುವೀಗೆ...

ಜೋ..ಜೊ... ಜೋ...ಜೊ...

ಮಣ್ಣೀನ ಗಂಧಾಕೆ ಸೋಲುವಾ ಮನಸಿರಲಿ
ಹಕ್ಕಿಯಂತೆ ಹಾರೊ ಕನಸಿರಲಿ । ಕಣ್ತುಂಬ
ನಕ್ಷತ್ರದಾ ಬೆಳಕು ತುಂಬಿರಲೀ...

ಜೋ...ಜೊ...ಜೋ...ಜೊ...

ಉರಿಯುವಾ ನೇಸರ ತಣ್ಣಾನೆ ಚಂದಿರ
ಹಾಡು ಹಕ್ಕಿಯು ಹಸಿರು ಇರುವಂಥ । ಈ ನೆಲವು
ನಿನ್ನ ನಗುವಿಂದಲೆ ಚೆಲುವಾಯಿತು...

ಜೋ..ಜೊ... ಜೋ...ಜೊ...

ಮುತ್ತಿನಾ ಮಣಿ ನೀನು ಮುದ್ದಿನಾ ಗಿಣಿ ನೀನು
ಹೊನ್ನಿನಾ ಗಣಿ ನೀನು ನನ್ನೆದೆಗೆ । ಕಂದಯ್ಯ
ಬಣ್ಣಾದ ರಂಗೋಲಿ ಅಂಗಳಕೇ...

ಜೋ..ಜೊ... ಜೋ...ಜೊ...