ಎತ್ತ ನೋಡಿದರೂ.....!

ಎತ್ತ ನೋಡಿದರೂ.....!

ಈರಣ್ಣ ಮೂಲೀಮನಿ(ಕಸ್ತೂರೀಪ್ರಿಯ), ದುಬೈ. [email protected] ಎತ್ತ ನೋಡಿದರೂ ನಾ ಕಾಣುವೆ ತಾಯೆ ನಿನ್ನ ಕಂಗಳ ಮಾತೃಮಮತೆಯ ಛಾಯೆ//ಪ// ನಿನ್ನ ಮನಸನ್ನೇಕೆ ಕಲ್ಲು ಮಾಡಿದೆ ತಾಯಿ ಬಡತನದಲಿ ಬೆಂದು ಬಾಳಲಿ ಕಹಿಯುಂಡು ಸಾಕಿದೀ ತಬ್ಬಲಿಯ ತಬ್ಬಿಕೊಳ್ಳುವ ಮುನ್ನ ತಿರುಗಿ ಬಾರದ ಊರ ಸೇರಿದೆ ನೀನೇಕೆ? //1// ನೀ ದೂರ ಹೋದರೂ ಖಾಲಿಯಾಗದು ಎಂದೂ ನೀ ನಮಗೆ ಉಣಿಸಿರುವ ನೆನೆಪಿನಾ ಬುತ್ತಿ ಆಂತರ್ಯದ ಪ್ರೀತಿ ಕೂಗಿ ಕರೆದಿದೆ ತಾಯಿ ಮಾರ್ದನಿಸಿ ಹೊಗಳುತಿದೆ ನಿನ ಬಾಳ ಸಾರ್ಥಕತೆ //2// ಬೆಳಗಿದ್ದೆ ನೀನೆಮ್ಮ ಹೃದಯಮಂದಿರದಲ್ಲಿ ನಂದದಾ ಒಲವಿನಾ ಹಣತೆಯಾಗಿ ಇರುವೆ ನೀ ಎಲ್ಲರಲಿ ಮನದ ಅಂಗಳದಲ್ಲಿ ಬತ್ತದಾ ಮಮತೆಯಾ ಒರತೆಯಾಗಿ //3// Post your views

ಮುಖಪುಟ / ಎನ್‌ಆರ್‌ಐ