ಕುವೆಂಪು

ಕುವೆಂಪು

ಮಾಯಾ ಹರಪನಹಳ್ಳಿ, ಮೆರಿಲ್ಯಾಂಡ್‌ [email protected] ಮಲೆನಾಡಿನ ಮಡಿಲಲ್ಲಿ ಬೆಳೆದ ಮಗು ಮುಖದ ತುಂಬ ತುಂಬಿದ ಹೂನಗು ಸಾಹಿತ್ಯವನದಲ್ಲಿ ಅರಳಿದ ಮೊಗ್ಗು ಕನ್ನಡಾಂಬೆಯ ಸೇವೆಯು ಕವಿಗೆ ಹಿಗ್ಗು ‘ಬಿಗಿನರ್ಸ್‌ ಮ್ಯೂಸ್‌’ ಪ್ರಥಮ ಕವನ ಸಂಕಲನ ಜೇಮ್ಸ್‌ ಕಸಿನ್ಸರ ಬೋಧನ ಕನ್ನಡದ ಚಿಂತನ ಶಿಶುಸಾಹಿತ್ಯದ ಜನನ, ಪ್ರೇಮಕಾವ್ಯಗಳ ಸಿಂಚನ ಕಥೆ-ನಾಟಕಗಳ ರಚನ, ರಾಮಾಯಣ ದರ್ಶನ ಬಿರುದು ಬಾವಲಿಗಳು ಕರೆದವು ಕೂಗಿ ಬಂದದ್ದೆಲ್ಲ ಸ್ವೀಕರಿಸಿ ತಲೆತೂಗಿ ಕರ್ತವ್ಯ ಮರೆಯಲಿಲ್ಲ ಪ್ರಶಸ್ತಿಗೆ ತಲೆಬಾಗಿ ಬರಹದಲ್ಲಿ ಬದುಕನ್ನು ಕಂಡ ಮಹಾಯೋಗಿ ಕನ್ನಡ ಭಾಷೆಗೆ ಬಂತೆಂದರೆ ಕುತ್ತು ಒಡನೆಯೇ ಬರುವುದಲ್ಲಿ ಲೇಖನಿಯ ಪ್ರಹಾರದ ತುತ್ತು ಹಿರಿಯ ಚಿಂತಕ ಮಹಾ ಸಾಧಕನ ಮೃದು ಮಾತು ನಾಡು ನುಡಿ ರಾಷ್ಟ್ರಾಭಿಮಾನಕ್ಕೆ ನೀಡಿ ಒತ್ತು ಗುರುವಿನಂತಿರುವ ಪ್ರಕೃತಿಯಲ್ಲಿ ಜೀವನವರಳಿ ಭಾವಗೀತೆಯಲ್ಲಿ ಸೃಷ್ಟಿಯ ಬಹುಮುಖದ ಸರಪಳಿ ಪ್ರೇಮಗೀತೆಗಳಲ್ಲಿ ಅಧ್ಯಾತ್ಮದ ಪ್ರಭಾವಳಿ ನಿಚ್ಚಳ ಕವಿವಾಣಿಯಲ್ಲಿ ಕನ್ನಡದ ಕಳಕಳಿ ಸಾಹಿತ್ಯ ರಚನೆಯಲ್ಲಿ ನಿಶ್ಚಿತ ದರ್ಶನದ ಬದುಕು ವಸ್ತು ವೈವಿಧ್ಯ ಛಂದೋವಿಲಾಸ ಬರಹದ ಬೆಳಕು ನೋವು ನಲಿವಿನ ಅದ್ಭುತ ಲಹರಿಯ ಬಳುಕು ಸಾಮಾಜಿಕ ಸಮಸ್ಯೆ ಎದುರಿಸಲು ಇಲ್ಲ ಅಳುಕು ವೈವಿಧ್ಯಮಯ ಸಂಕಲನದ ಏಕಶಿಲಾಮೂರ್ತಿ ಮಹಾನ್‌ ಕೃತಿಗಳ ಜ್ಞಾನಯಾತ್ರೆ ಮುಗಿಲೆತ್ತರದ ಕೀರ್ತಿ ಪೌರ್ವಾತ್ಯ ಪಾಶ್ಚಿಮಾತ್ಯ ತತ್ವದ ಅಧ್ಯಯನವು ಸ್ಫೂರ್ತಿ ಸಾಮಾಜಿಕ ಸಮಾನತೆಯ ವಿಮರ್ಶೆ ಜೀವನಪೂರ್ತಿ ನಾಟಕದಲ್ಲಿ ಶ್ರೀಸಾಮಾನ್ಯನ ಚಿತ್ರಿಸಿದ ರಾಷ್ಟ್ರಕವಿ ವೈಚಾರಿಕವಾಗಿ ವೈಜ್ಞಾನಿಕವಾಗಿ ಮೆರೆದ ಋಷಿಕವಿ ಹಳೆಯ ಮತವನ್ನು ಹೊಸ ಮತಿಗೆ ತೀಡಿದ ಜಗದ ಕವಿ ಪಂಚಮಂತ್ರ ಸಪ್ತಸೂತ್ರ ಸಾರಿದ ಯುಗದ ಕವಿ ಆತ್ಮ ಸಂಸ್ಕಾರ ಜಗದೋದ್ಧಾರದ ಆಶೋತ್ತರ ಪ್ರಗತಿಪರ ದೃಷ್ಟಿ ನವಯುಗದ ಉನ್ನತ ಸ್ತರ ಅಜ್ಞಾನ ಮೂಢನಂಬಿಕೆಯ ವಿರುದ್ಧ ಸಮರ ಸಾಹಿತ್ಯಚೇತನ ಈ ಅನಿಕೇತನ ಪ್ರಜ್ಞೆ ಸುಂದರ ‘ಉದಯರವಿ’ಯಲ್ಲಿ ಕಾವ್ಯ ನೇಸರನ ಅಸ್ತಂಗತ ಕವಿಶೈಲದ ಸಮಾಧಿಯಲ್ಲಿ ಲೀನವಾದ ಧೀಮಂತ ಭಾವಕೋಶದ ಧಮನಿಯಲ್ಲಿ ಸರ್ವೋದಯದ ಸಿದ್ಧಾಂತ ಮನುಜಮತ ವಿಶ್ವಪಥದ ಸಂದೇಶವು ಅಮರ ಅನಂತ Post your views

ಮುಖಪುಟ / ಎನ್‌ಆರ್‌ಐ