ಇರುಳು ಕಂಡ ಬಾವಿಯಲ್ಲಿ ...

ಇರುಳು ಕಂಡ ಬಾವಿಯಲ್ಲಿ ...

ಹಂ. ಕ. ರಾಮಪ್ರಿಯನ್‌, ಕ್ಲಾರ್ಕ್ಸ್‌ವಿಲ್‌, ಮೇರಿಲೆಂಡ್‌ [email protected] ಇರುಳು ಕಂಡ ಬಾವಿಯಲ್ಲಿ ಹಗಲು ಹೋಗಿ ಬಿದ್ದನು ಇರುಳು ಕಂಡ ಭಾರಿ ಕಲ್ಲ ಹಗಲೊಳೆಡವಿಬಿದ್ದನು ಮುದ್ರಿಸಿದ್ದ ಪುಸ್ತಕದಲಿ ತಪ್ಪ ತಿದ್ದುತಿದ್ದನು ಅದರ ಶೀರ್ಷಿಕೆಯಲೆ ದೊಡ್ಡ ತಪ್ಪ ಮರೆತುಬಿಟ್ಟನು (ಇರುಳು ..) ಸಾಲಪತ್ರದಲ್ಲಿ ಚಿಕ್ಕ ಅಚ್ಚನೋದಿಕೊಂಡನು ಬಡ್ಡಿಯನ್ನೆ ಅರಿಯದಿದ್ದು ರುಜುವ ಹಾಕಿಬಿಟ್ಟನು (ಇರುಳು ..) ಮನೆಯ ಮೂಲೆಮೂಲೆಗಳಲಿ ಕೊಳೆಯ ಗುಡಿಸಿ ತೆಗೆದನು ಮೇಜ ಮೇಲೆ ತೊಳೆಯದಿದ್ದ ಲೋಟ ತಟ್ಟೆ ಬಿಟ್ಟನು (ಇರುಳು ..) ಹೂವತೋಟದಲ್ಲಿ ಚಿಕ್ಕ ಕಳೆಗಳನ್ನು ಕಿತ್ತನು ದೊಡ್ಡ ಮುಳ್ಳ ಕಾಡಗಿಡವನಲ್ಲೆ ಬೆಳೆಯಬಿಟ್ಟನು (ಇರುಳು ..) ರಾಗತಾನಪಲ್ಲವಿಗಳ ಹಾಡುವುದನು ಕಲಿತನು ಸರಳೆಜಂಟಿವರಸೆಗೀತೆಗಳನು ಮರೆತುಬಿಟ್ಟನು (ಇರುಳು ..) ಜ್ಞಾನಭಕ್ತಿಮುಕ್ತಿಮಾರ್ಗ ಗುರುಗಳಿಂದ ಕಲಿತನು ಕಾಮಕೋಪತಾಪಪಾಪಕೂಪದಲ್ಲಿ ಬಿದ್ದನು (ಇರುಳು ..) Post your views

ಮುಖಪುಟ / ಎನ್‌ಆರ್‌ಐ