ಅಮೆರಿಕನ್ನಡಿಗರಾದ ನವದಂಪತಿಗಳ ಸಂವಾದ

ಅಮೆರಿಕನ್ನಡಿಗರಾದ ನವದಂಪತಿಗಳ ಸಂವಾದ
ಇದು ಸುಮಾರು 30 ವರ್ಷಗಳ ಹಿಂದಿನ ಕಥೆ. ಆಗಿನ ಕಾಲದಲ್ಲಿ ಸಾಧಾರಣವಾಗಿ ಹೆಚ್ಚು ಜನ ಕನ್ನಡಿಗ ಗಂಡಸರು ಈ ದೇಶಕ್ಕೆ ವಿದ್ಯಾಭ್ಯಾಸಕ್ಕಾಗಿ ಬಂದು, ಕೆಲವು ವರ್ಷಗಳು ಕಳೆದ ನಂತರ ಕೆಲಸಕ್ಕೆ ಸೇರಿ, ಮತ್ತೆ ಕರ್ನಾಟಕಕ್ಕೆ ಹಿಂತಿರುಗಿ, ಮದುವೆ ಮಾಡಿಕೊಂಡು ಇಲ್ಲಿ ದಾಂಪತ್ಯಜೀವನವನ್ನು ಪ್ರಾರಂಭಿಸುತ್ತಿದ್ದರು. ಅಂಥವರಲ್ಲಿ ಒಬ್ಬ ತನ್ನ ಹೆಂಡತಿಯಾಡನೆ ನಡೆಸಿದ ಸಂವಾದ ಹೀಗಿರಬಹುದು. (ಕವಿ ಕೆ. ಎಸ್‌. ನರಸಿಂಹಸ್ವಾಮಿಯವರನ್ನು ನೆನೆದು ಓದಬಹುದು).
	ಹಂ. ಕ. ರಾಮಪ್ರಿಯನ್‌, ಕ್ಲಾರ್ಕ್ಸ್‌ವಿಲ್‌, ಮೇರಿಲೆಂಡ್‌ [email protected] ಒಂದು ದಿನ ನನಸಿನಲಿ ನನ್ನವಳ ಕೇಳಿದೆನು ಚೆಂದ ನಿನಗಾವುದೆಂದು; ಆ ದೇಶ ಭಾರತವೊ ಈ ದೇಶ ಅಮೆರಿಕವೊ ಚೆಂದ ನಿನಗಾವುದೆಂದು. ದಿನದಿನವು ಅಡಿಗೆಯನು ಮಾಡುತ್ತ ಬಳಲಿರುವೆ ನನಗಿಂಥ ಕೆಲಸ ಸಾಕೋ; ಅಮೆರಿಕದ ಹೋಟಲಲಿ ಭಾರತದ ತಿನಿಸಿಲ್ಲ ನಾನೇನ ತಿನ್ನಬೇಕೋ? ಆ ದೇಶ ಚೆಂದವೋ ಈ ದೇಶ ಚೆಂದವೋ ಎಂದೆನ್ನ ಕೇಳಬೇಕೇ? ಸುಮ್ಮನಿರೊ ಬಾಯ್ಮುಚ್ಚೊ ಎಂದಳಾಕೆ. ನಮ್ಮೂರ ವಡೆಯಂತೆ ಇಲ್ಲಿಹುದು doughnutಉ ಅದನೇಕೆ ತಿನ್ನಲಾರೆ? ಕಾಫಿಯಲ್ಲದ್ದುತ್ತ ಬಾಯಚಪ್ಪರಿಸುತ್ತ ಜನರದನು ತಿನ್ನುತಾರೆ. ವಡೆಗೊಂದು ತೂತುಂಟು doughnutಗೂ ತೂತುಂಟು ರುಚಿಯಂತು ಬೇರೆ ಬೇರೆ; ವಡೆ ಚಟ್ನಿ ಸಾಂಬಾರ ನೆನೆಯುತ್ತ ನಾನೆಂದೂ doughnutಅ ತಿನ್ನಲಾರೆ; ಆ ದೇಶ ಚೆಂದವೋ ಈ ದೇಶ ಚೆಂದವೋ ಎಂದೆನ್ನ ಕೇಳಬೇಕೇ? ಸುಮ್ಮನಿರೊ ಬಾಯ್ಮುಚ್ಚೊ ಎಂದಳಾಕೆ. ದೋಸೆಯಂತಿರುವಂಥ pancakeಅ ತಿನ್ನೋಣ ನಾವೀಗ ಬೇಗ ಬಾರೇ! Strawberryಯ, blueberryಯ, pancakeಅ ಮೇಲ್ಹಾಕಿ ಜನರೆಲ್ಲ ತಿನ್ನುತಾರೆ. ದೋಸೆಯೂ ಚಪ್ಪಟೆಯೆ pancakeಉ ಚಪ್ಪಟೆಯೆ ರುಚಿಯಂತು ಬೇರೆ ಬೇರೆ; ದೋಸೆ ಚಟ್ನಿಯ ಘಮವು pancakeಗಿಗೆಲ್ಲುಂಟು ನಾನದನ ತಿನ್ನಲಾರೆ; ಆ ದೇಶ ಚೆಂದವೋ ಈ ದೇಶ ಚೆಂದವೋ ಎಂದೆನ್ನ ಕೇಳಬೇಕೇ? ಸುಮ್ಮನಿರೊ ಬಾಯ್ಮುಚ್ಚೊ ಎಂದಳಾಕೆ. ಕೋಸಂಬ್ರಿಯಂತೆಯೇ spaghettiಉ ಇಲ್ಲಿಹುದು ಅದನಾದ್ರು ತಿನ್ನಬಾರೇ! Ranchಅಂಥ, frenchಅಂಥ, dressingಅ ಹಾಕ್ಕೊಂಡು ಜನರದನು ತಿನ್ನುತಾರೆ. ಕೋಸಂಬ್ರಿ ತಣ್ಣಗಿದೆ saladಉ ತಣ್ಣಗಿದೆ ರುಚಿಯಂತು ಬೇರೆ ಬೇರೆ; ನಾನೇನು ಮೇಕೆಯೋ ಜಿಂಕೆಯೋ ಎಂದಿಹೆಯ? ನಾನೆಲೆಯ ತಿನ್ನಲಾರೆ; ಆ ದೇಶ ಚೆಂದವೋ ಈ ದೇಶ ಚೆಂದವೋ ಎಂದೆನ್ನ ಕೇಳಬೇಕೇ? ಸುಮ್ಮನಿರೊ ಬಾಯ್ಮುಚ್ಚೊ ಎಂದಳಾಕೆ. ಚಪಾತಿಯಂತೆಯೇ burrito ಸಿಕ್ಕುವುದು ನೀನದನು ತಿನ್ನ ಬಾರೇ! ಬೆಂದಿರುವ ಹುರಳಿಯನು ಹಾಕಿ ಸುತ್ತಿಟ್ಟದನು ಕೈಯಿಂದ ತಿನ್ನುತಾರೆ. ಚಪಾತಿ ಮೆತ್ತಗಿದೆ burrito ಮೆತ್ತಗಿದೆ ರುಚಿಯಂತು ಬೇರೆ ಬೇರೆ; ಕುದುರೆಯಲ್ಲವೊ ನಾನು ಹುರಳಿಯನ್ನುಂಬುದಕೆ, ನಾನದನು ತಿನ್ನಲಾರೆ. ಆ ದೇಶ ಚೆಂದವೋ ಈ ದೇಶ ಚೆಂದವೋ ಎಂದೆನ್ನ ಕೇಳಬೇಕೇ? ಸುಮ್ಮನಿರೊ ಬಾಯ್ಮುಚ್ಚೊ ಎಂದಳಾಕೆ. ನಮ್ಮ ಶಾವಿಗೆಯಂತೆ spaghetti ಇಲ್ಲಿಹುದು ಅದನೀಗ ತಿನ್ನ ಬಾರೇ! sauceಅನ್ನು ಹಾಕಿಟ್ಟು, forkಇಂದ ಸುತ್ತುತ್ತ ಜನರೆಲ್ಲ ತಿನ್ನುತಾರೆ. ಶಾವಿಗೆಯು ನೂಲ್ನಂತೆ, ಅಂತೆಯೇ spaghetti, ರುಚಿಯಂತು ಬೇರೆ ಬೇರೆ; ಶಾವಿಗೆಯ ಪಾಯಸಕು spaghetti sauceಇಗೂ ಸಂಬಂಧ ಕಾಣಲಾರೆ. ಆ ದೇಶ ಚೆಂದವೋ ಈ ದೇಶ ಚೆಂದವೋ ಎಂದೆನ್ನ ಕೇಳಬೇಕೇ? ಸುಮ್ಮನಿರೊ ಬಾಯ್ಮುಚ್ಚೊ ಎಂದಳಾಕೆ. ಏನೇನೆ ಹೇಳಿದರೂ ಅದಕೆ ಮಾರುತ್ತರವ ಕೊಡುತಲೇ ಬರುವೆಯೇನೆ? ಅಮೆರಿಕವ ನೀ ಬಿಟ್ಟು ಭಾರತಕೆ ಹಿಂದಿರುಗಿ ಅಲ್ಲಿಯೇ ಇರುವೆಯೇನೆ? ಬೆಂಗಳೂರಿಗೆ ಬಂದು ಮೆಚ್ಚಿ ನನ್ನನು ನೀನು ಅಮೆರಿಕೆಗೆ ಕರೆದು ತಂದೆ; ಸಂಗಡಿಗ ನೀನೆಂದು ನಾ ನಿನ್ನ ಮೆಚ್ಚುತ್ತ ನಿನ್ನೊಡನೆ ಹಾರಿ ಬಂದೆ; ಎನ್ನ ನಲ್ಲನು ನೀನು ನಿನ್ನ ನಾ ಬಿಡಲಾರೆ ಕರೆವೆ ನೀ ನನ್ನ, ‘ನಲ್ಲೆ!’ ಈ ದೇಶದೂಟವೇ ಹಿಡಿಸಲಿಲ್ಲೆನ್ನುತ್ತ ನಾನೆಂತು ಹೋಗಬಲ್ಲೆ? ಆ ದೇಶ ಚೆಂದವೋ ಈ ದೇಶ ಚೆಂದವೋ ಎಂದೆನ್ನ ಕೇಳಬೇಕೇ? ಸುಮ್ಮನಿರೊ ಬಾಯ್ಮುಚ್ಚೊ ಎಂದಳಾಕೆ. (ನಿಮ್ಮ ಗಮನಕ್ಕೆ : ಈ ಕವನವನ್ನು ವಾಷಿಂಗಟನ್‌ ಡಿ. ಸಿ. ಯ ಬಳಿಯ ಕಾವೇರಿ ಕನ್ನಡ ಸಂಘವು ನಡೆಸಿದ್ದ ಸಾಹಿತ್ಯೋತ್ಸವದಲ್ಲಿ ಮಾರ್ಚ್‌ 12, 2005-ರಂದು ವಾಚಿಸಿದ್ದೆನು. ಮತ್ತೆ ಈ ಕವನ ಕಾವೇರಿಯು ಜೂನ್‌ 2005-ರಲ್ಲಿ ಪ್ರಕಟಿಸಿರುವ ‘ಭಾವನದಿ’ಯಲ್ಲಿ ಪ್ರಕಟವಾಗಿದೆ. ಬೇರೆ ಎಡೆಗಳಲ್ಲಿ ವಾಸವಾಗಿರುವ ಕನ್ನಡಿಗರಿಗೆ ಓದಲು ಇಷ್ಟವಾಗಬಹುದೆಂಬ ಅಭಿಪ್ರಾಯದಿಂದ ಇದನ್ನು ದಟ್ಸ್‌ಕನ್ನಡಕ್ಕೆ ಅರ್ಪಿಸಿದ್ದೇನೆ) Post your views

ಮುಖಪುಟ / ಎನ್‌ಆರ್‌ಐ