ಬದುಕಿನ ಬಯಕೆಯ ಸೃಷ್ಟಿಗೆ

ಬದುಕಿನ ಬಯಕೆಯ ಸೃಷ್ಟಿಗೆ
(‘ನಿಮ್ಮಿಂದ ಬಂದರೂ ನಿಮ್ಮವರಲ್ಲ ನಾವು ಬದುಕಿನ ಬದುಕುವ ಬಯಕೆಯ ಸೃಷ್ಟಿಗಳು ನಾವು’ -ಖಲೀಲ್‌ ಗಿಬ್ರಾನ್‌)
	ಮೀರಾ ರಾಜಗೋಪಾಲ್‌, ಬೋಸ್ಟನ್‌ [email protected] ನೀಲಿ ಅಕಾಶದಲ್ಲೊಂದು ಗಾಳಿಪಟ ಏರುವ ಎತ್ತರ ಬೀಸುವ ಗಾಳಿಯ ಅಧೀನ ಕೆಳಗೆ ಯಾರದೋ ಕೈ ದಾರ ತೂರುವ, ಕೆಳಗಿಳಿಸುವ ಹುನ್ನಾರ. ಗಿರಕಿ ಹೊಡೆದು, ನುಲಿದು ಬಾಲಂಗೋಚಿಯ ಜೊತೆಗೆ ಕುಣಿದು ಕುಪ್ಪಳಿಸಿ ಆಡುವ ಸೊಗಸಿನಾಟ ಮಾತ್ರ ಈ ಗಾಳಿಪಟಕ್ಕೇ ಮೀಸಲು. ಮಗೂ, ಹಾರುವ, ನಲಿಯುವ ನಿನ್ನ ಹಂಬಲಕ್ಕೆ ಬಯಕೆಯ ಬಣ್ಣದ ಬಾಲಂಗೋಚಿಗೆ ಗಾಳಿಯ ನೆರವೊಂದಿರಲಿ ಸದಾ. ನೀ ಏರಿದಷ್ಟೂ ಏತ್ತರ ನಾ ತೂರಿ ಬಿಡುವೆ ದಾರ. ಥೇಟ್‌ ಖಲೀಲ್‌ ಗಿಬ್ರಾನ್ನಂತೇ ಹೇಳುವೆ - ‘ಬದುಕಿನ ಬದುಕುವ ಬಯಕೆಯ ಸೃಷ್ಟಿ ನೀನು ನನ್ನಿಂದ ಬಂದರೂ ಬರೀ ನನ್ನದೇನಲ್ಲ ನೀನು’. ಹಾರು ಮಗೂ ಹಾರು, ಕೊನೆ ಮೊದಲಿಲ್ಲದ ಆಕಾಶ ನಿನ್ನ ಅಂಗಳ. ಮರಳಿ ನೀ ಬಳಿಗೆ ಬಂದಾಗೆಲ್ಲ ನಾ ಕೇಳುತ್ತೇನೆ, ‘ಏನೆಲ್ಲ ಕಂಡೆ ಕಂದ ಅಷ್ಟು ಎತ್ತರದಿಂದ?’ ಏನೇನೆಲ್ಲ ನೀ ನುಡಿಯುವ ಪರಿಗೆ ನಾನು ಬೆರಗಾಗುವಷ್ಟು ದಿನ ಬದುಕಿನ ಬದುಕುವ ಬಯಕೆ ಜೀವಂತ. Post your views

ಮುಖಪುಟ / ಎನ್‌ಆರ್‌ಐ