ಕನ್ನಡತ್ವ

ಕನ್ನಡತ್ವ

ವಾಣಿ ಅರವಿಂದ್‌, ಆಸ್ಟಿನ್‌. [email protected] ಸಿಕ್ಕಿದನೊಬ್ಬ ಕನ್ನಡದ ಗೆಳೆಯ ಅಂದು ‘ಇಂಡಿಯನ್‌ ಸ್ಟೋರಿನಲಿ’ ಕೇಳ ಹತ್ತಿದ ಹಾಯ್‌, ಹೌ ಆರ್‌ ಯು? ಎಂದು ಆಂಗ್ಲ ಭಾಷೆಯಲಿ ಕೇಳಲಾರರು ಏಕೆ ನಮಸ್ಕಾರ, ಹೇಗಿದ್ದೀಯ? ಎಂದು ಕಸ್ತೂರಿ ಕನ್ನಡವೇನು ಕಳಪೆಯೆ? ಅದು ಎಲ್ಲಕ್ಕಿಂತಲು ಮುಂದು ಭಾಷೆ ಬಂದರೂ ಕೆಲವರಿಗೆ ಮಾತಾಡೆ ಬಿಗುಮಾನ ‘ಐ ಡೋಂಟ್‌ ನೊ ಕನ್ನಡ’ ಎನ್ನಲು ಇವರಿಗಿಲ್ಲ ಅವಮಾನ ನನಗೆ ಆಂಗ್ಲ ಭಾಷೆ ಅಷ್ಟು ಬರದೆನ್ನಲು ಕುಹಕವಾಡುವುದಿವರ ನಯನ ಇದ ನೆನೆದು ಮರುಕ ಪಡುವುದು ನನ್ನೀ ಮನ ತಮಿಳನ ಕಂಡರೆ ಕನ್ನಡಿಗ ಹೇಳುವನು ‘ವಾಂಗೊ.. ಪೋಂಗೋ..’ ಮತ್ತೊಬ್ಬ ಕನ್ನಡಿಗ ಎದುರಾಗೆ ಕನ್ನಡದ ಮರೆವು ಅದು ಹೆಂಗೊ? ತೆಲುಗು ಬಾಂಧವನ ನೋಡೆ ‘ಏಮಿ... ಬಾಗುನ್ನಾರ....’ ತಿಳಿದವರು ನೀವ್‌ ಹೇಳಿ ಕನ್ನಡ ಭಾಷೆಯಲ್ಲೇನಿದೆ ಬರ? ಸಿಂಧಿಯಾಬ್ಬನು ಸಿಗಲು ‘ನಮಸ್ಕಾರ್‌.. ಕೈಸೆ ಹೊ.....’ ಕನ್ನಡಿಗನೊಂದಿಗೆ ಮಾತ್ರ ಕನ್ನಡಿಸಲಾಗದೋ? ಆಂಗ್ಲ, ಮರಾಠಿ, ಗುಜರಾತಿ ಎಷ್ಟು ಭಾಷೆಯಾದರೂ ಕಲಿ ಆದರೆ ಹುಟ್ಟು ಭಾಷೆಯ ನೀ ಎಂದೆಂದೂ ಮೊದಲು ತಿಳಿ ಕನ್ನಡಿಗನಾಗಿ ಜನಿಸಿಹ ಓ ಮನುಜನೇ! ಮರೆಮಾಚದಿರು ನೀ ಕನ್ನಡತ್ವವನೇ ಬೇರೆ ಭಾಷೆಯ ಮುಂದೆ ಕನ್ನಡವಾಯಿತೇ ಗೌಣ ತನ್ನ ಭಾಷೆಯ ಕಲಿಯದವ ಎಂದಿಗೂ ಅಸಂಪೂರ್ಣ ಬನ್ನಿರೆಲ್ಲರು ಒಂದಾಗಿ ಕನ್ನಡವ ಕಲಿಯೋಣ, ಕಲಿಸೋಣ ಕನ್ನಡ ಸಾಹಿತ್ಯವನು ಉಳಿಸೋಣ, ಬೆಳೆಸೋಣ ‘ಚಂದನ’ದ ಕಂಪು ಎಲ್ಲೆಡೆ ಹರಡೋಣ ‘ಜೈ ಕರ್ನಾಟಕ ಮಾತೆ’ ಎಂಬ ಜಯಗೀತೆ ಹಾಡೋಣ Post your views

ಮುಖಪುಟ / ಎನ್‌ಆರ್‌ಐ