ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕಾಣಿಕೆ

By Staff
|
Google Oneindia Kannada News

ಕಾಣಿಕೆ
‘Gift’ Kannada Poem by Leena. P
ಅಮ್ಮ ನಿನ್ನ ದಿನ ಜೂನ್‌ ಐದು
ಭೂಮಿತಾಯಿಗಾಗಿ ಮೀಸಲಿಟ್ಟ ದಿನವಿದು
ಇಂದಾದರು ನೆನೆವೇವು ನಿನ್ನ
ಎಂದು ತೊಟ್ಟಿಹೆವಮ್ಮ ಪಣ

ಹಿಂದೆಲ್ಲಾ ನಳನಳಿಸುತ್ತಿದ್ದೆಯಂತೆ ನೀನು
ಇಂದು ಬಳಲಿ ಬೆಂಡಾಗಿಹೆಯೇನು?
ಎಲ್ಲಿ ಹೋಯಿತು ಹಸಿರು ಬನ
ತುಂಬಿ ತುಳುಕುತ್ತಿದ್ದ ಬೃಂದಾವನ

ಕಂಗೊಳಿಸುತ್ತಿದ್ದ ಕಾಡಿನಲ್ಲಿ ಹಕ್ಕಿಗಳ ನಾದ
ಮೂಡಿಸುತ್ತಿದ್ದವು ಮನಸ್ಸಿನಲ್ಲಿ ಮುದ
ತರುತ್ತಿತ್ತು ಎಂತಹ ಮಧುರ ಆಹ್ಲಾದ
ಈಗೆಲ್ಲಿಂದ ಬರಬೇಕು ಅಂಥ ಆನಂದ

ಅಂದು ಕಣ್ಣು ಹರಿಸಿದಲ್ಲೆಲ್ಲಾ ಹಸಿರು
ನೀನು ನೀಡುತ್ತಿಯೆ ಎಲ್ಲರಿಗೂ ಉಸಿರು
ಇಂದು ನಿನಗುಳಿಸಿಹೆವು ಬರಿ ನಿಟ್ಟುಸಿರು
ನಾವೆಲ್ಲ ಸೇರಿ ನೀಡಿಹೆವು ಕಣ್ಣೀರು

ನಲಿಯುತ್ತ ಕುಣಿಯುತ್ತಿತ್ತಂತೆ ಇಳೆ
ಕಾಲ ಕಾಲಕ್ಕೆ ಅಗುತ್ತಿತ್ತು ಅಂದು ಮಳೆ
ಈಗ ಎಲ್ಲಿ ಹೋಯಿತು ಆ ಕಳೆ
ವರುಣನಿಲ್ಲದೆ ಸೊರಗಿಹಳು ಇಳೆ, ನಾಶವಾಗಿದೆ ಬೆಳೆ

ಈಗ ದೃಷ್ಟಿ ಹರಿಸಿದಲ್ಲೆಲ್ಲಾ ಹೊಗೆ
ಸುಟ್ಟು ನಾಶ ಮಾಡಿದೆ ಕಾನನವನ್ನು ಈ ಧಗೆ
ಮನಸ್ಸು ಮನಸ್ಸಿನೊಳಗೆ ನುಸುಳಿದೆ ಹಗೆ
ಮಾಸಿದೆ, ಮಾಯವಾಗುತ್ತಿದೆ ಮನುಕುಲದ ಹೂನಗೆ

ನಮಗಾಗಿ ನೀನು ನೀಡಿಹೇ ಜೀವ
ನಿನಗೆ ನಾವು ಕೊಟ್ಟಿಹೇವು ಬರೀ ನೋವ
ಈ ದಿನ ಕೊಡಲೇನು ನಿನಗೆ ಕಾಣಿಕೆ
ನಿನ್ನ ನೆನಪಿನಲ್ಲೆ ಬರೆದಿಹೆ ಒಂದು ಪುಟ್ಟ ಕವಿತೆ


ಮುಖಪುಟ / ಎನ್‌ಆರ್‌ಐ

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X