• search

ಅಸಿತಾ ಪ್ರಭುಶಂಕರ : ಒಂದು ಕಿರುಪರಿಚಯ

Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Asita Prabhushankar - A brief profile
    ಗಂಡಂದಿರಿಂದ ಕಿರುಕುಳ ಅನುಭವಿಸುತ್ತಿರುವ ಮಹಿಳೆಯರಿಗೆ ನೆರವು ನೀಡಲು ಹುಟ್ಟಿಕೊಂಡಿರುವ ಮೈತ್ರಿ ಸಂಸ್ಥೆ ಮೂಲಕ, ಅಸಿತಾ ಮಾನವೀಯ ಮೈತ್ರಿಗೆ ಧ್ವನಿ ನೀಡುತ್ತಿದ್ದಾರೆ. ಅವರ ಕಾದಂಬರಿ 'Beyond the Call of Voice' ಹೊಸ ಚರ್ಚೆಗೆ ದಾರಿ ಮಾಡಿದೆ.ಕನ್ನಡ ಸಾಹಿತ್ಯ ಲೋಕದಲ್ಲಿ ಹೆಸರಾಗಿರುವ ಡಾ.ಪ್ರಭುಶಂಕರ ಹಾಗೂ ವೈದ್ಯೆ ಶಾಂತಾ ಅವರ ಮಗಳು ಅಸಿತಾ ಪ್ರಭುಶಂಕರ. ಪ್ರಭುಶಂಕರ-ಶಾಂತಾ ಆ ಕಾಲದಲ್ಲೇ ಮನುಷ್ಯ ನಿರ್ಮಿತ ಜಾತಿ ವ್ಯವಸ್ಥೆ ಮೀರಿ ಪ್ರೇಮ ವಿವಾಹವಾದವರು. ಮಗಳು ಓದಿ ಸುಶಿಕ್ಷಿತಳಾಗಿ-ಆರ್ಥಿಕ ಸ್ವಾತಂತ್ರ್ಯ ಸಾಧಿಸಬೇಕೆಂಬುದು ಹೆತ್ತವರ ಆಸೆ. ಜಾತಿ ಆಧರಿತ ಭಾರತೀಯ ಸಮಾಜದಲ್ಲಿ, ಪುರುಷ ಪ್ರಧಾನ ವ್ಯವಸ್ಥೆ ಮಹಿಳೆಯನ್ನು ನಿಗ್ರಹಿಸಲು ನೋಡುತ್ತದೆ. ಇಂತಹ ಸನ್ನಿವೇಶದಲ್ಲಿ ಪಾಲಕರ ನಿರೀಕ್ಷೆ ಅಸಾಮಾನ್ಯ ಎನಿಸಬಹುದಷ್ಟೆ.

    ತಂದೆ-ತಾಯಿಗಳ ಆಶಯದಂತೆ ಅಸಿತಾ ಮೈಸೂರು ವಿಶ್ವವಿದ್ಯಾಲಯದಿಂದ ಬಿ.ಇ.,(ಕಂಪ್ಯೂಟರ್‌ ಇಂಜಿನೀಯರಿಂಗ್‌) ಪದವಿ ಪಡೆದರು. 1988ರಲ್ಲಿ ಬಿ.ಇ., ಪದವಿ ಮುಗಿದ ನಂತರ ಅಮೆರಿಕಾ ಸಂಯುಕ್ತ ಸಂಸ್ಥಾನಕ್ಕೆ ತೆರಳಿದರು. ಸ್ಯಾನ್‌ ಹೋಸೆ ಸ್ಟೇಟ್‌ ವಿಶ್ವವಿದ್ಯಾಲಯದಿಂದ ಎಂ.ಎಸ್‌.,(ಎಲೆಕ್ಟ್ರಿಕಲ್‌ ಇಂಜಿನೀಯರಿಂಗ್‌) ಪದವಿ ಗಳಿಸಿದರು. ವಿದ್ಯಾಭ್ಯಾಸ ಮುಂದುವರಿಸಿದ ಅವರು, ಫೀನಿಕ್ಸ್‌ ವಿಶ್ವವಿದ್ಯಾಲಯದಿಂದ ಎಂ.ಬಿ.ಎ., ಪದವಿಯನ್ನೂ ಪಡೆದರು.

    ಓದು ಮುಗಿದ ನಂತರ ಸ್ಯಾನ್‌ಫ್ರ್ಯಾನ್ಸಿಸ್ಕೋ ಬೇ ಏರಿಯಾದ ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಕಾರ್ಯ ನಿರ್ವಹಿಸಿದ್ದಾರೆ. ಪ್ರಸ್ತುತ ಐಬಿಎಂ ಕಾರ್ಪೊರೇಷನ್‌ನಲ್ಲಿ ಕೆಲಸ ಮಾಡುತ್ತಿದ್ದಾರೆ. 1992ರಿಂದ 'ಮೈತ್ರಿ" ಎಂಬ ಸಂಸ್ಥೆಯ ಸ್ವಯಂ ಸೇವಾ ಕಾರ್ಯಕರ್ತೆಯಾಗಿ ದುಡಿಯುತ್ತಿದ್ದಾರೆ.

    ದಕ್ಷಿಣ ಏಷ್ಯಾದಿಂದ ವಲಸೆ ಬಂದು, ಅಮೆರಿಕಾದಲ್ಲಿ ನೆಲೆಸಿ, ಗಂಡಂದಿರ ಕಿರುಕುಳ ಅನುಭವಿಸುತ್ತಿರುವ ಮಹಿಳೆಯರಿಗೆ ನೆರವು ನೀಡಲು ಹುಟ್ಟಿಕೊಂಡಿರುವ ಸಂಸ್ಥೆಯೇ ಮೈತ್ರಿ. ಅಸಿತಾ ಆ ಮೂಲಕ ಮಾನವೀಯ ಮೈತ್ರಿಗೆ ಧ್ವನಿ ನೀಡುತ್ತಿದ್ದಾರೆ. ಮೈತ್ರಿಯಲ್ಲಿ ಒಬ್ಬ ಕಾರ್ಯಕರ್ತೆಯಾಗಿ ಪ್ರತ್ಯಕ್ಷವಾಗಿ ಮತ್ತು ಪರೋಕ್ಷವಾಗಿ ಪಡೆದ ಗಾಢ ಅನುಭವ, ವೈಚಾರಿಕತೆ ಅವರ ಈ ಕಾದಂಬರಿಯಲ್ಲಿ ಪಾತ್ರಗಳ ರೂಪದಲ್ಲಿ ಮೂಡಿಬಂದಿದೆ. ಅವರ ಅನುಭವಗಳನ್ನು ಉತ್ತರ ಕ್ಯಾಲಿಫೋರ್ನಿಯ ಕನ್ನಡ ಕೂಟದ 2004ರ ಸ್ವರ್ಣಸೇತು ವಾರ್ಷಿಕ ಸಂಚಿಕೆಯಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೆ, ಮಹಿಳೆಯರ ಸಬಲೀಕರಣ ಕುರಿತ ಅನೇಕ ಲೇಖನಗಳು ಪ್ರಕಟವಾಗಿವೆ. ಪ್ರಸ್ತುತ ಅವರು ಸ್ಯಾನ್‌ ಹೋಸೆಯಲ್ಲಿ ಪತಿಯಾಂದಿಗೆ ವಾಸಿಸುತ್ತಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    'Beyond the Call of Voice' - An english novel by Asita Prabhushankara. The Kannada Version by Ravi Krishna Reddy, California.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more