ಗಾಳಿಸುದ್ದಿಗಳನ್ನು ನಂಬಬೇಡಿ - ಅಕ್ಕ ಅಧ್ಯಕ್ಷ

ಡೆಟ್ರಾಯಿಟ್, ನ. 29 : ಉತ್ತರ ಅಮೆರಿಕಾ ಕನ್ನಡ ಕೂಟಗಳ ಆಗರದ (ಅಕ್ಕ) ಆಶ್ರಯದಲ್ಲಿ ಈ ಡಿಸೆಂಬರ್ ತಿಂಗಳಲ್ಲಿ ಯಾವುದೇ ಬಗೆಯ ಯೋಗ ಶಿಬಿರವನ್ನು ಹಮ್ಮಿಕೊಳ್ಳಲಾಗಿಲ್ಲ. ಅಮೆರಿಕಾದ ಶಿಕಾಗೊ ನಗರದಲ್ಲಿ ಅಕ್ಕ ವತಿಯಿಂದ ಶಿಬಿರ ನಡೆಸಲಾಗುತ್ತಿದೆ ಎಂಬ ಸುದ್ದಿ ವ್ಯಾಪಕವಾಗಿ ಹಬ್ಬಿದೆ. ಇದು ಸತ್ಯಕ್ಕೆ ದೂರವಾದುದು ಮತ್ತು ಅಪ್ಪಟ ಗಾಳಿಸುದ್ದಿ ಎಂದು

ಸ್ಪಷನೆ ನೀಡಿದೆ.

ವಿಂಡಿ ಸಿಟಿ ಶಿಕಾಗೊ ಅಷ್ಟೇ ಅಲ್ಲ, ಉತ್ತರ ಅಮೆರಿಕಾದ ಯಾವುದೇ ರಾಜ್ಯದಲ್ಲೂ ಯೋಗ ಕ್ಯಾಂಪ್ ಆಗಲೀ ಅಥವಾ ಇನ್ಯಾವುದೇ ರೀತಿಯ ಕಾರ್ಯಕ್ರಮವನ್ನು ಅಕ್ಕ ಆಯೋಜಿಸಿಲ್ಲ. ಆದ್ದರಿಂದ ಅಮೆರಿಕನ್ನಡಿಗರು ಇಂಥ ಸುಳ್ಳು ಸುಳ್ಳೇ ಸುದ್ದಿಗಳನ್ನು ಸುತರಾಂ ನಂಬಬಾರದು ಎಂದು ಅಕ್ಕ ಅಧ್ಯಕ್ಷ ದಯಾಶಂಕರ ಅಡಪ್ಪ ಒನ್ಇಂಡಿಯಾ ಕನ್ನಡಕ್ಕೆ ಗುರುವಾರ ತಿಳಿಸಿದರು.

ಯೋಗ ಎಂದರೆ ಜನ ಮುಗಿ ಬೀಳುತ್ತಾರೆ. ಯೋಗ ಶಿಬಿರಗಳಲ್ಲಿ ಕನ್ನಡಿಗರು ಮಾತ್ರವನ್ನು ಎಲ್ಲ ದೇಶ, ಜನಾಂಗಗಳ ಜನತೆಗೂ ಆಸಕ್ತಿ ಇರ್ತದೆ. ಹಾಗಾಗಿ, ಯೋಗ ಶಿಬಿರದ ಬಗ್ಗೆ ವಿವರಣೆ ಕೋರಿ ಅಕ್ಕ ಪದಾಧಿಕಾರಿಗಳಿಗೆ ಅಸಂಖ್ಯಾತ ಕರೆಗಳು, ಈಮೇಲುಗಳು ಬರುತ್ತಿವೆ ಎಂದು ದಯಾಶಂಕರ ಬೇಸರ ವ್ಯಕ್ತಪಡಿಸಿದ್ದಾರೆ.

ಇಷ್ಟಾಗಿಯೂ ಯಾರಿಗಾದರೂ ಅನುಮಾನಗಳಿದ್ದರೆ ತಮಗೆ ಈ ಮೇಲ್ ಬರೆದು ವಿವರಣೆ ಪಡೆಯಬಹುದೆಂದು ಅಕ್ಕ ಅಧ್ಯಕ್ಷರು ಮನವಿ ಮಾಡಿದ್ದಾರೆ. ವಿಳಾಸ [email protected]

ಕರ್ನಾಟಕದಲ್ಲಿ ಆಗಾಗ ವದಂತಿಗಳು ಹಬ್ಬುವುದು ಸಾಮಾನ್ಯ. ಗಣೇಶ ಹಾಲು ಕುಡಿದನಂತೆ, ಮಾರಮ್ಮ ನಕ್ಕಳಂತೆ, ಸಾಯಿಬಾಬಾ ಫೋಟೋದಿಂದ ವಿಭೂತಿ ಉದುರುತ್ತಿದೆಯಂತೆ, ಹಾಗಂತೆ ಹೀಗಂತೆ. ಆದ್ರೆ, ಅಮೆರಿಕಾ ಕನ್ನಡ ವಲಯಗಳಲ್ಲೂ ಹೀಗೆ ಗಾಳಿ ಸುದ್ದಿಗಳು ಹಬ್ಬುವುದ ಕಂಡು ನಮಗೆ ಕೌತುಕವಾಗಿದೆ.

English summary

Association of Kannada Kootas of America has been contacted through phone and emails requesting information about Yoga camp being held in Chicago and other parts of North America in the month of December 2012. On behalf of AKKA, Dayashankar Adappa, President, clarifies that AKKA is not conducting any Yoga programs or any other programs in the month of December 2012 in North America.