ರವಿ ಡಂಕಣಿಕೋಟೆ ಅಕ್ಕಗೆ ಅಧ್ಯಕ್ಷ

ಬೆಲ್ ವ್ಯೂ,(ವಾಷಿಂಗ್ಟನ್ ಡಿಸಿ),ಜ. 22 : ಕಾವೇರಿ ಕನ್ನಡ ಸಂಘದ ಸದಸ್ಯ ಮತ್ತು ಅಕ್ಕ ಆಡಳಿತ ಮಂಡಳಿಯ ನಿರ್ದೇಶಕ ರವಿ ಡಂಕಣಿಕೋಟೆ ಅವರು ಅಕ್ಕದ ನೂತನ ಅಧ್ಯಕ್ಷರಾಗಿ ಆಯ್ಕೆ ಆಗಿದ್ದಾರೆ. ಬರಾಕ್ ಒಬಾಮ ಅವರು ಅಮೆರಿಕಾ ಸಂಯುಕ್ತ ಸಂಸ್ಥಾನದ ಅಧ್ಯಕ್ಷರಾಗಿ ಆಯ್ಕೆಗೊಂಡ ಮಂಗಳವಾರದ ಮುಹೂರ್ತದಲ್ಲೇ ಅಮೆರಿಕಾದಲ್ಲಿ ನೆಲೆಸಿರುವ ಕನ್ನಡಿಗರ ಗುಂಪಿಗೂ ಹೊಸ ಅಧ್ಯಕ್ಷರ ನೇಮಕವಾಗಿರುವುದು ಕಾಕತಾಳೀಯವಾಗಿದೆ.

ಕಾರ್ಯಕಾರಿ ಸಮಿತಿ ಮತ್ತು ಅಧ್ಯಕ್ಷರ ಆಯ್ಕೆ ಪ್ರಕ್ರಿಯೆಗಳು ಮುಗಿದ ನಂತರ ಇದೀಗ ನಿರ್ಗಮಿಸುತ್ತಿರುವ ಅಕ್ಕ ಆಡಳಿತಗಾರರೇ ನೇಮಿಸಿದ್ದ ಒಂದು ಚುನಾವಣಾ ಆಯೋಗವು ಜನವರಿ 20 ರಂದು ಪ್ರಕಟಿಸಿರುವ ಅಕ್ಕ ಕಾರ್ಯಕಾರಿ ಸಮಿತಿ ಸದಸ್ಯರುಗಳ ಪಟ್ಟಿ ಇಂತಿದೆ :
ಕೆಳಕಂಡ ಪದಾಧಿಕಾರಿಗಳ ಆಡಳಿತ ಪರ್ವ ಎರಡು ವರ್ಷಗಳ ಅವಧಿಯದಾಗಿದ್ದು 2009-10 ನೇ ಸಾಲಿನ ಅಕ್ಕದ ಆಗುಹೋಗುಗಳನ್ನು ಯುವಕ ಯುವತಿಯರೇ ಹೆಚ್ಚಾಗಿ ತುಂಬಿಕೊಂಡಿರುವ ಪ್ರಸಕ್ತ ತಂಡ ನಿರ್ಧರಿಸಲಿದೆ.

* ರವಿ ಡಂಕಣಿಕೋಟೆ : ಅಧ್ಯಕ್ಷ
* ದಯಾಶಂಕರ ಅಡಪ : ಕಾರ್ಯದರ್ಶಿ
* ಮಧು ರಂಗಯ್ಯ : ಖಚಾಂಜಿ
* ಬೆನ್ ಕಾಂತರಾಜು ರಮೇಶ್ ಮುನಿಸ್ವಾಮಿ, ಶ್ರೀಮತಿ ಶಾಂತರಾಜು ಕೆಂಪಯ್ಯ : ಉಪಾಧ್ಯಕ್ಷರು
* ಶ್ರೀಮತಿ ವನಿತಾ ಹರೀಶ್ ಮತ್ತು ಯಮುನಾ ಶ್ರೀನಿಧಿ : ಜಂಟಿ ಕಾರ್ಯದರ್ಶಿಗಳು
* ನಟರಾಜ್ ಕೋಟೆ : ಜಂಟಿ ಖಚಾಂಜಿ

(ದಟ್ಸ್ ಕನ್ನಡ ವಾರ್ತೆ)

ಪೂರಕ ಓದಿಗೆ