ಸೌತೆಕಾಯಿ, ಅರ್ಧ ಕಪ್ ಮೊಸರು ಇದ್ದರೆ ಈ ರುಚಿಯ ಮಜ್ಜಿಗೆ ಹುಳಿ ಮಾಡಿ!
ನಿತ್ಯ ಮಧ್ಯಾಹ್ನದ ಊಟದೊಂದಿಗೆ ನೀವು ಬಗೆ ಬಗೆಯ ಸಾಂಬಾರ್, ಚಟ್ನಿ, ಪಲ್ಯ, ಗೊಜ್ಜು ಈ ರೀತಿ ರುಚಿ ರುಚಿಯ ಖಾದ್ಯಗಳ ಮಾಡುವುದು ಸಾಮಾನ್ಯ. ಅದ್ರಲ್ಲೂ ಈಗ ಬಿಸಿಲಿನ ಸಮಯ ಆಗಿರೋದ್ರಿಂದ ಈ ಸಮಯದಲ್ಲಿ ದೇಹಕ್ಕೆ ತಂಪು ತರುವಂತಹ ಹಾಗೆ ಕಡಿಮೆ ಮಸಾಲೆ ಪದಾರ್ಥಗಳ ಬಳಸಿ ಮಾಡುವಂತಹ ಸಾಂಬಾರ್, ಹುಳಿ ಮಾಡಿ ಸವಿಯುವುದು ನೋಡಬಹುದು. ಮಧ್ಯಾಹ್ನದ ಊಟಕ್ಕೆ ಈ ಹುಳಿ ಬಹಳ ರುಚಿ ತರಲಿದೆ.
ಹೀಗಾಗಿ ನಾವಿಂದು ಸುಲಭವಾಗಿ ಮಾಡುವ, ರುಚಿ ರುಚಿಯಾದ ಹುಳಿ ಕುರಿತಾಗಿ ತಿಳಿಯೋಣ. ಮಜ್ಜಿಗೆ ಹುಳಿ ಮಾಡಿ ಸವಿಯುವ ಕುರಿತು ನೀವು ತಿಳಿದಿರುತ್ತೀರಿ. ಸುಲಭವಾಗಿ ಮಧ್ಯಾಹ್ನದ ಊಟಕ್ಕೆ ಹಾಗೆ ಒಂದು ಒಗ್ಗರಣೆ ಹಾಕಿ ಈ ಹುಳಿಗಳನ್ನು ಮಾಡಬಹುದು. ಅದ್ರಲ್ಲೂ ಹಲವು ತರಕಾರಿಗಳನ್ನು ಬಳಸಿಕೊಂಡು ಈ ಹುಳಿ ತಯಾರಿಸಬಹುದು.
ನಾವಿಂದು ಇಂತಹ ವಿಶೇಷ ರುಚಿಯ ಹುಳಿಗಳಲ್ಲಿ ಸೌತೆಕಾಯಿ ಬಳಸಿಕೊಂಡು ಮಾಡುವ ಮೊಸರು, ಮಜ್ಜಿಗೆ ಹುಳಿ ಕುರಿತಾಗಿ ತಿಳಿದುಕೊಳ್ಳೋಣ. ಮೊಸರು ಹಾಕಿ ಮಾಡುವಂತಹ ಹಲವು ಹುಳಿಗಳನ್ನು ನೀವು ಸಹ ಸವಿದಿರುತ್ತೀರಿ. ಅದ್ರಲೂ ಈ ಸೌತೆಕಾಯಿ ಬಳಸಿಕೊಂಡು ಮಾಡುವ ಹೊಸ ರೀತಿಯ ಹುಳಿ ನಿಮಗೆ ಬಹಳ ರುಚಿ ತರಲಿದೆ. ಸಾಮಾನ್ಯವಾಗಿ ಬಿಸಿಲಿನಲ್ಲಿ ಇದು ದೇಹಕ್ಕೆ ತಂಪು ತರಲಿದೆ.
ಹಾಗಾದ್ರೆ ಸೌತೆಕಾಯಿ ಬಳಸಿಕೊಂಡು ಮೊಸರು ಮಜ್ಜಿಗೆ ಹುಳಿ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು? ಮಾಡುವ ವಿಧಾನವೇನು? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಲ್ಲಿ ತಿಳಿದುಕೊಳ್ಳೋಣ.
ಸೌತೆಕಾಯಿ ಮೊಸರು ಹುಳಿ ಮಾಡಲು ಬೇಕಾಗುವ ವಸ್ತುಗಳು
- ಸೌತೆಕಾಯಿ
- ಮೊಸರು
- ಎಣ್ಣೆ
- ಒಣ ಮೆಣಸು
- ಜೀರಿಗೆ
- ಕೊತ್ತಂಬರಿ ಸೊಪ್ಪು
- ಉಪ್ಪು
- ತೆಂಗಿನಕಾಯಿ - 1/4 ಕಪ್
- ಬೆಳ್ಳುಳ್ಳಿ
- ಹಸಿರು ಮೆಣಸಿನಕಾಯಿ
- ಸಾಸಿವೆ - 1/4 ಟೀಸ್ಪೂನ್
- ಈರುಳ್ಳಿ
- ಕರಿಬೇವು
- ಅರಿಶಿನ ಪುಡಿ
ಸೌತೆಕಾಯಿ ಮೊಸರು ಹುಳಿ ಮಾಡುವ ಸುಲಭದ ವಿಧಾನವೇನು?
ಮೊದಲು ಒಂದು ಮಿಕ್ಸಿ ಜಾರ್ಗೆ ತೆಂಗಿನಕಾಯಿ, ಬೆಳ್ಳುಳ್ಳಿ, ಕೊತ್ತಂಬರಿ ಸೊಪ್ಪು, ಜೀರಿಗೆ, ಹಸಿ ಮೆಣಸು, ಒಂದು ಚಿಕ್ಕ ಈರುಳ್ಳಿ, ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿಕೊಂಡು ಒಂದು ಬೌಲ್ಗೆ ಹಾಕಿಟ್ಟಕೊಳ್ಳಿ. ಈಗ ಒಂದು ಬೌಲ್ಗೆ 2 ಕಪ್ ಮೊಸರು ಹಾಕಿ ಸ್ವಲ್ಪ ನೀರು ಸಹ ಹಾಕಿಕೊಂಡು ಅದನ್ನು ಸ್ವಲ್ಪ ತೆಳುವಾಗುವಂತೆ ಮಿಕ್ಸ್ ಮಾಡುತ್ತಾ ತೆಳು ಮಾಡಿ.
ಈಗ ಅಂಗಡಿಯಲ್ಲಿ ಸಿಗುವ ಉದ್ದ ಸೌತೆಕಾಯಿಯನ್ನು ಚಿಕ್ಕದಾಗಿ ಕತ್ತರಿಸಿಕೊಂಡು ಇಟ್ಟುಕೊಳ್ಳಿ. ಈಗ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಬಳಿಕ ಸಾಸಿವೆ, ಜೀರಿಗೆ, ಒಣ ಮೆಣಸು, ಈರುಳ್ಳಿ ಹಾಕಿಕೊಂಡು ಫ್ರೈ ಆಗಲು ಬಿಡಿ. 2 ನಿಮಿಷ ಬಿಟ್ಟ ಬಳಿಕ ಇದಕ್ಕೆ ಕರಿಬೇವು, ಅರಶಿಣ ಪುಡಿ, ಉಪ್ಪು ಸಹ ಹಾಕಿಕೊಂಡು ಫ್ರೈ ಮಾಡಿ.
ಈಗ ಸಣ್ಣದಾಗಿ ಹೆಚ್ಚಿಕೊಂಡಿರುವ ಸೌತೆಕಾಯಿಯನ್ನು ಇದಕ್ಕೆ ಹಾಕಿ 1 ನಿಮಿಷ ಫ್ರೈ ಮಾಡಿಕೊಳ್ಳಿ. ಈಗ ಮೊದಲು ರುಬ್ಬಿಕೊಂಡಿದ್ದ ಮಸಾಲೆಗಳನ್ನು ಇದಕ್ಕೆ ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ಹಾಗೆ ಅರ್ಧ ಕಪ್ ನೀರು ಹಾಕಿ ಮಿಕ್ಸ್ ಮಾಡಿ. 1 ನಿಮಿಷ ಹಾಗೆಯೆ ಬಿಟ್ಟು ಅನಂತರ ಒಲೆ ಆಫ್ ಮಾಡಿಕೊಂಡು ತಣ್ಣಗಾಗಲು ಬಿಡಿ. ಸ್ವಲ್ಪ ತಣ್ಣಗಾದ ಬಳಿಕ ಮತ್ತೆ ಉಳಿದ ಮೊಸರನ್ನು ಇದಕ್ಕೆ ಹಾಕಿಕೊಳ್ಳಿ. ಇಷ್ಟಾದರೆ ನಿಮ್ಮ ಮುಂದೆ ರುಚಿ ರುಚಿಯಾದ ಸೌತೆಕಾಯಿ ಮೊಸರು ಹುಳಿ ಸಿದ್ದವಾಗುತ್ತೆ. ಊಟದೊಂದಿಗೆ ಇದು ಬಹಳ ರುಚಿ ನೀಡಲಿದೆ.
Credit: Boldsky
-
April 2 Horoscope: ಆರೋಗ್ಯ ಮತ್ತು ಆರ್ಥಿಕ ಸ್ಥಿತಿಯ ಸಂಪೂರ್ಣ ಮಾಹಿತಿ -
April 1 Horoscope: ಈ ರಾಶಿಯವರಿಗೆ ಹೊಸ ಕೆಲಸಗಳು ಸುಗಮ, ವೃತ್ತಿಯಲ್ಲಿ ಮೆಚ್ಚುಗೆ; ದಿನ ಭವಿಷ್ಯ -
Cricket: ವಿಶ್ವದಾಖಲೆ ಬರೆದ ಕಿವೀಸ್ ವನಿತೆಯರು: ಭಾರತದ ದಾಖಲೆ ಅಳಿಸಿ ಹಾಕಿದ ನ್ಯೂಜಿಲೆಂಡ್ ಅಬ್ಬರ -
Karnataka Weather: ರಾಜ್ಯದಲ್ಲಿಂದು ಭಾರಿ ಮಳೆ ಮುನ್ಸೂಚನೆ; ಬೆಂಗಳೂರು ಹವಾಮಾನ ಹೇಗಿದೆ? -
ಲಕ್ಷ ಲಕ್ಷ ಸಂಬಳದ ಗೂಗಲ್ ಕೆಲಸಕ್ಕೆ ರಾಜೀನಾಮೆ ನೀಡಿದ ಬೆಂಗಳೂರು ಟೆಕ್ಕಿ; ಕಾರಣ ಇಲ್ಲಿದೆ ನೋಡಿ -
Gold Rate: ಮಾರುಕಟ್ಟೆಯಲ್ಲಿ ಇಂದಿನ ನಿಖರ ಚಿನ್ನ, ಬೆಳ್ಳಿ ಬೆಲೆ ಎಷ್ಟು? ಇಲ್ಲಿದೆ ದರ ಪಟ್ಟಿ -
Good News: ಏಪ್ರಿಲ್ 2ನೇ ವಾರದಿಂದ ಹುಬ್ಬಳ್ಳಿ-ಹೈದರಾಬಾದ್ ಮತ್ತು ಬೆಂಗಳೂರಿಗೆ ವಿಮಾನ ಸೇವೆ: ಪ್ರಹ್ಲಾದ್ ಜೋಶಿ -
SSLC ಸಮಾಜ ವಿಜ್ಞಾನ ಪರೀಕ್ಷೆ ವಿಶ್ಲೇಷಣೆ: ಪ್ರಶ್ನೆಪತ್ರಿಕೆ ಹೇಗಿತ್ತು? ವಿದ್ಯಾರ್ಥಿಗಳ ಪ್ರತಿಕ್ರಿಯೆ ಏನು? -
Karnataka weather : ರಾಜ್ಯದಲ್ಲಿಂದು ಹವಾಮಾನ ಹೇಗಿರಲಿದೆ? ಬೆಂಗಳೂರು ಸೇರಿ ಈ ಜಿಲ್ಲೆಗಳಲ್ಲಿ ಗುಡುಗು ಸಹಿತ ಮಳೆ ಎಚ್ಚರಿಕೆ -
ಬೇಸಿಗೆ ರಜೆ -ವಾರಾಂತ್ಯದ ರಶ್: ಹುಬ್ಬಳ್ಳಿ-ರಾಮೇಶ್ವರಂ ಮತ್ತು ಬೆಂಗಳೂರು-ಕಣ್ಣೂರು ವಿಶೇಷ ರೈಲು ಸಂಚಾರ -
ಉಬರ್ ಕ್ಯಾಬ್ ಬುಕ್ ಮಾಡಿದಷ್ಟೇ ಸುಲಭವಾಗಿ ತೆಂಗಿನಕಾಯಿ ಕೀಳುವವರನ್ನು ಕರೆಯಿರಿ: ಆನಂದ್ ಮಹೀಂದ್ರಾ ಹಂಚಿಕೊಂಡ Video Viral -
SSLC ಪರೀಕ್ಷೆ-1ರಲ್ಲಿ ಅಂಕ ಕಡಿಮೆಯಾಗಿದೆಯೇ? ಚಿಂತೆ ಬಿಡಿ, ಮೇ 18ರಿಂದ ನಡೆಯುವ ಪರೀಕ್ಷೆ-2ಕ್ಕೆ ಸಜ್ಜಾಗಿ
Click it and Unblock the Notifications
Sign in with Google