• search
For washington Updates
Allow Notification  

    ಕ್ಯಾಲಿಫೋರ್ನಿಯಾವನ್ನು ಸುಡುತ್ತಿದೆ ಬೆಂಕಿ: ಅಗ್ನಿ ಜ್ವಾಲೆಗೆ 9 ಮಂದಿ ದಹನ

    |

    ಪ್ಯಾರಡೈಸ್, ನವೆಂಬರ್ 10: ಅಮೆರಿಕದಲ್ಲಿ ಮತ್ತೆ ಕಾಳ್ಗಿಚ್ಚಿನ ಭೀತಿ ಆವರಿಸಿದೆ. ಕ್ಯಾಲಿಫೋರ್ನಿಯಾದ ಪಶ್ಚಿಮ ಭಾಗದುದ್ದಕ್ಕೂ ಭಾರಿ ಪ್ರಮಾಣದಲ್ಲಿ ಹರಡುತ್ತಿದ್ದು, ಒಂಬತ್ತು ಮಂದಿಯನ್ನು ಬಲಿ ತೆಗೆದುಕೊಂಡಿದೆ. ಸಾವಿರಾರು ಸಂಖ್ಯೆಯ ಜನರನ್ನು ಸ್ಥಳಾಂತರಿಸಲಾಗಿದೆ. ಹತ್ತಾರು ಜನರು ಕಣ್ಮರೆಯಾಗಿದ್ದಾರೆ.

    ಬೆಂಕಿಯ ಬೃಹತ್ ಜ್ವಾಲೆಗಳು ಎಲ್ಲೆಡೆ ಆವರಿಸುತ್ತಿದ್ದು, ಅನಾಹುತ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ. ಕ್ಯಾಲಿಫೋರ್ನಿಯಾದ ರಾಜಧಾನಿ ಸಾಕ್ರಮೆಂಟೊದಿಂದ ಉತ್ತರ ಭಾಗದಲ್ಲಿರುವ ಪ್ಯಾರಡೈಸ್ ಪಟ್ಟಣದಲ್ಲಿ ಈ ಎಲ್ಲ ಒಂಬತ್ತು ಮಂದಿ ಬೆಂಕಿಗೆ ಆಹುತಿಯಾಗಿದ್ದಾರೆ. ಪಟ್ಟಣದ ಸಂಪೂರ್ಣ 26 ಸಾವಿರ ಜನರನ್ನೂ ಅಲ್ಲಿಂದ ಬೇರೆಡೆ ಸ್ಥಳಾಂತರವಾಗುವಂತೆ ಸೂಚಿಸಲಾಗಿದೆ.

    ಚಿತ್ರಗಳಲ್ಲಿ ನೋಡಿ: ಹಬ್ಬಿದ ಕಾಡ್ಗಿಚ್ಚು ಕ್ಯಾಲಿಫೋರ್ನಿಯಾದಲ್ಲಿ ಆತಂಕ

    'ಕ್ಯಾಂಪ್ ಫೈರ್' ಎಂದು ಕರೆಯಲಾಗುವ ಈ ಬೆಂಕಿ ಅತ್ಯಂತ ವೇಗವಾಗಿ ಹಬ್ಬುತ್ತಿದೆ. ಗುರುವಾರ ಬೆಳಿಗ್ಗೆ ಕಾಣಿಸಿಕೊಂಡ ಕಾಳ್ಗಿಚ್ಚು, ಗಾಳಿಯ ರಭಸಕ್ಕೆ ಮುನ್ನುಗ್ಗುತ್ತಿದ್ದು, ಈಗಾಗಲೇ 76,000 ಎಕರೆ (28,300) ಹೆಕ್ಟೇರ್ ಪ್ರದೇಶವನ್ನು ಸುಟ್ಟುಹಾಕಿದೆ.

    ಕ್ಯಾಲಿಫೋರ್ನಿಯಾದ ದಕ್ಷಿಣ ಭಾಗದಲ್ಲಿ ಇನ್ನೂ ಎರಡು ಕಡೆ ಕಾಳ್ಗಿಚ್ಚು ಕಾಣಿಸಿಕೊಂಡಿದೆ. ಥೌಸ್ಯಾಂಡ್ಸ್ ಓಕ್ಸ್ ಸಮೀಪದ ವೆಂಟುರಾ ಕೌಂಟಿಯಲ್ಲಿ ತೀವ್ರತೆ ಹೆಚ್ಚಾಗಿದೆ.

    ಇನ್ನೂ ಹಿಂಗಿಲ್ಲ ಅಗ್ನಿಯ ಹಸಿವು: ಕರಕಲಾಯ್ತೇ ಕ್ಯಾಲಿಫೋರ್ನಿಯಾ?!

    ಏಕಾಏಕಿ ಆವರಿಸಿದ ಬೆಂಕಯ ಜ್ವಾಲೆಗಳಿಂದ ಪ್ಯಾರಡೈಸ್ ಪಟ್ಟಣದ ಜನತೆ ಕಂಗಾಲಾಗಿದ್ದಾರೆ. ವೇಗವಾಗಿ ಬೀಸುತ್ತಿರುವ ಗಾಳಿಯಿಂದ ಬೆಂಕಿಯ ಕಿಡಿಗಳು ಅನೇಕ ಮನೆಗಳಿಗೆ ತಗುಲಿ ಅವುಗಳನ್ನು ಸುಟ್ಟುಹಾಕಿವೆ. ದಗದಗಿಸುವ ಬೆಂಕಿಗೆ ಒಂದು ಆಸ್ಪತ್ರೆ, ಪೆಟ್ರೋಲ್ ಬಂಕ್, ಅನೇಕ ಹೋಟೆಲ್‌ಗಳು ಮತ್ತು ಲೆಕ್ಕವಿಲ್ಲದಷ್ಟು ವಾಹನಗಳು ಭಸ್ಮವಾಗಿವೆ.

    ಮುನ್ನೆಚ್ಚರಿಕೆಯ ದೃಷ್ಟಿಯಿಂದ ಜನರನ್ನು ಬೇರೆಡೆಗೆ ಸ್ಥಳಾಂತರ ಮಾಡಲು ಅಧಿಕಾರಿಗಳು ಸೂಚನೆ ನೀಡಿದ್ದಾರೆ.

    ಸಿಯೇರಾ ನವಾಡಾ ಪರ್ವತ ಪ್ರದೇಶದ ಸಮೀಪದ 52 ಸಾವಿರ ಮಂದಿ, ಪ್ಯಾರಡೈಸ್ ಸಮೀಪದ 93,000 ಜನಸಂಖ್ಯೆ ಇರುವ ಚಿಕೊ ಪ್ರದೇಶದ ಕೆಲವು ನಿವಾಸಿಗಳ ಕಡ್ಡಾಯ ಸ್ಥಳಾಂತರಕ್ಕೆ ಆದೇಶಿಸಲಾಗಿದೆ.

    2,200ಕ್ಕೂ ಹೆಚ್ಚು ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ಆರಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ. ಹೆಲಿಕಾಪ್ಟರ್‌ಗಳು, ಟ್ಯಾಂಕರ್‌ಗಳ ನೆರವಿನಿಂದ ಅಗ್ನಿ ನಿಯಂತ್ರಣ ಪ್ರಯತ್ನ ಸಾಗಿದೆ.

    ಇನ್ನಷ್ಟು ವಾಷಿಂಗ್ಟನ್ ಸುದ್ದಿಗಳುView All

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Massive wildfire in Paradise town of western California killed 9 people. Entire population of 26,000 was ordered to leave the town

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more