H-1B ಆಕಾಂಕ್ಷಿಗಳು ನಿರಾಳ, ವೀಸಾ ಕಡಿತದ ಸುದ್ದಿ ಸುಳ್ಳು

ವಾಷಿಂಗ್ಟನ್, ಜೂನ್ 21: ಅಮೆರಿಕದಲ್ಲಿ ಉದ್ಯೋಗ ಮಾಡುತ್ತಿರುವ ಅನ್ಯದೇಶಿಯರಿಗೆ ನೀಡುವ H-1B ವೀಸಾ ಕಡಿತಕ್ಕೆ ಅಮೆರಿಕ ಮುಂದಾಗಿದೆ ಎಂಬ ಮಾಧ್ಯಮಗಳ ವರದಿಯನ್ನು ಆ ದೇಶದ ಸರ್ಕಾರ ಅಲ್ಲಗಳೆದಿದೆ.

"ವಿದೇಶಿ ಕಂಪೆನಿಗಳು ತಮ್ಮ ದತ್ತಾಂಶವನ್ನು ಸ್ಥಳೀಯವಾಗಿ ಸಂಗ್ರಹಿಸಬೇಕು" ಎಂಬ ಭಾರತದ ಒತ್ತಾಯಕ್ಕೆ ಪ್ರತಿಯಾಗಿ ಅಮೆರಿಕ ವೀಸಾ ಕಡಿತದ ನಿರ್ಣಯ ತೆಗೆದುಕೊಂಡಿದೆ ಎನ್ನಲಾಗಿತ್ತು.

ಆದರೆ ಈ ಸುದ್ದಿಯನ್ನು ಸುಳ್ಳು ಎಂದಿರುವ ಅಮೆರಿಕ, H-1B ವೀಸಾ ಕಡಿತಗೊಳಿಸುತ್ತಿಲ್ಲ. ಇದು ಯಾವುದೇ ದೇಶವನ್ನು ಗುರಿಯಾಗಿಸಿ ತೆಗೆದುಕೊಂಡ ನಿರ್ಧಾರವಲ್ಲ ಎಂದು ಅದು ಹೇಳಿದೆ ಎಂದು ಎಎನ್ ಐ ನ್ಯೂಸ್ ಏಜೆನ್ಸಿ ವರದಿ ಮಾಡಿದೆ.

ಅಮೆರಿಕದ H-1B ವೀಸಾ ಪಡೆಯುವವರಲ್ಲಿ ಶೇ 70 ರಷ್ಟು ಭಾರತೀಯರೇ ಇದ್ದು, ಪ್ರತಿ ವರ್ಷ ಭಾರತದಿಂದ ಸುಮಾರು 80 ಸಾವಿರಕ್ಕೂ ಹೆಚ್ಚು ಜನ ಅಮೆರಿಕಕ್ಕೆ ತೆರಳುತ್ತಾರೆ. ಇದೀಗ H-1B ವೀಸಾ ವಿತರಣೆ ಪ್ರಮಾಣವನ್ನು ಶೇ. 15 ಕ್ಕೆ ಇಳಿಸಲು ಅಮೆರಿಕ ಚಿಂತಿಸಿದೆ ಎನ್ನಲಾಗಿತ್ತು.

English summary

US Government Statement on H1B: US has no plans to place caps on H-1B work visas for nations that force foreign companies to store data locally. This review is not targeted at a specific country.