'ಟ್ರಂಪ್- ದಿ ರೇಸಿಸ್ಟ್': ಅಧ್ಯಕ್ಷರ ಟ್ವೀಟ್, ಕಾಂಗ್ರೆಸ್ ಛೀಮಾರಿ ಕತೆ
ವಾಷಿಂಗ್ಟನ್ ಡಿಸಿ, ಜುಲೈ 17: ಅಮೆರಿಕಾ ರಾಜಕೀಯದಲ್ಲೀಗ ರೇಸಿಸಂ ವಿರೋಧಿ ಬಿರುಗಾಳಿ ಎದ್ದಿದೆ.
ಕೆಲವು ದಿನಗಳ ಹಿಂದೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕಪ್ಪು ವರ್ಣದ ಮಹಿಳಾ ಜನಪ್ರತಿನಿಧಿಗಳ ವಿರುದ್ಧ ಟ್ವೀಟ್ ಮಾಡಿದ್ದರು. 'ನೀವುಗಳು ನಿಮ್ಮ ದೇಶದ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ವಾಪಾಸ್ ಹೋಗಿ' ಎಂಬರ್ಥದಲ್ಲಿ ಟ್ರಂಪ್ ಯಾರ ಹೆಸರನ್ನೂ ಉಲ್ಲೇಖಿಸದೆ ಟ್ವೀಟ್ ಮಾಡಿದ್ದರು.
ಆದರೆ, ಟ್ರಂಪ್ ಮಾಡಿದ್ದ ಟ್ವೀಟ್ನ ಗುರಿ ಡೆಮಾಕ್ರಟಿಕ್ ಪಕ್ಷದ ಯುಎಸ್ ಕಾಂಗ್ರೆಸ್ ಪ್ರತಿನಿಧಿಸುತ್ತಿರುವ ಅಯಾನ್ನಾ ಪ್ರೆಸ್ಲೆ, ಇಲಾನ ಓಮರ್, ಅಲೆಗ್ಸಾಂಡ್ರಿಯಾ ಒಕಾಸಿಯೋ ಕಾರ್ಟೆಸ್ ಹಾಗೂ ರಶೀದ ತ್ಲೈಬ್ ಎಂಬುದನ್ನು ಜನ ಮನಗೊಂಡಿದ್ದರು. ಮೂಲತಃ ಅಮೆರಿಕಾದಲ್ಲೇ ಹುಟ್ಟಿ ಬೆಳೆದ ಇವರೆಲ್ಲರನ್ನೂ 'ದೇಶ ಬಿಟ್ಟು ಹೋಗಿ' ಎಂದು ಪರೋಕ್ಷವಾಗಿ ಜರಿದ ಟ್ರಂಪ್ ಮಾತುಗಳಿಗೆ ಭಾರಿ ವಿರೋಧ ವ್ಯಕ್ತವಾಗಿತ್ತು.
2020ರಲ್ಲಿ ನಡೆಯಲಿರುವ ಅಮೆರಿಕಾ ಅಧ್ಯಕ್ಷೀಯ ಚುನಾವಣೆ ಹಿನ್ನೆಲೆಯಲ್ಲಿ ಟ್ರಂಪ್ ಟ್ವೀಟ್ 'ವಿಷಯಾಂತರದ ಪ್ರಯತ್ನ' ಎಂದು ಡೆಮಾಕ್ರಟಿಕ್ ಪಕ್ಷದ ನಾಯಕರು ಟೀಕಿಸಿದ್ದರು.
ಈ ನಡುವೆ ಮಂಗಳವಾರ ಯುಎಸ್ ಕಾಂಗ್ರೆಸ್ನಲ್ಲಿ ಅಧ್ಯಕ್ಷ ಟ್ರಂಪ್ ಜನಾಂಗೀಯ ದ್ವೇಷದಿಂದ ಕೂಡಿರುವ ಟ್ವೀಟ್ ಹಾಗೂ ಅದನ್ನು ಬೆಂಬಲಿಸುತ್ತಿರುವ ರಿಪಬ್ಲಿಕನ್ ನಾಯಕರ ವಿರುದ್ಧ ಸಂಕೇತಿಕವಾಗಿ ನಿರ್ಣಯವೊಂದನ್ನು ತೆಗೆದುಕೊಂಡಿರುವುದು ಜಗತ್ತಿನ ಗಮನ ಸೆಳೆದಿದೆ.
ಸರಿಯಾದುದ್ದನ್ನೇ ಮಾಡಿ:
ಮತದಾನಕ್ಕೂ ಮುನ್ನ ಯುಎಸ್ ಕಾಂಗ್ರೆಸ್ನ ಪ್ರತಿನಿಧಿಯೂ ಆಗಿರುವ ನಾಗರಿಕ ಹಕ್ಕುಗಳ ಹೋರಾಟಗಾರ ಜಾನ್ ಲೇವಿಸ್, "ಸರಿಯಾದುದ್ದನ್ನೇ ಮಾಡಿ," ಎಂದು ಕಾಂಗ್ರೆಸ್ ಸದಸ್ಯರಿಗೆ ಮನವಿ ಮಾಡಿಕೊಂಡರು. 1960ರಲ್ಲಿ ಮಾರ್ಟಿನ್ ಲೂಥರ್ ಕಿಂಗ್ ಜ್ಯೂನಿಯರ್ ಜತೆ ನಾಗರಿಕ ಹಕ್ಕುಗಳಿಗಾಗಿ ಹೆಜ್ಜೆ ಹಾಕಿದ್ದ ಲೇವಿಸ್, ಅಧ್ಯಕ್ಷರ ಮಾತುಗಳನ್ನು ಖಂಡಿಸಲು ಕರೆ ನೀಡಿದರು.
"ಇಡೀ ಜಗತ್ತು ನಮ್ಮನ್ನು ನೋಡುತ್ತಿದೆ. ನಾವು ಗೌರವಾನ್ವಿತ ಹಾಗೂ ಘನತೆಯುಳ್ಳ ಜನ ಎಂಬ ಹಿರಿಮೆಯನ್ನು ಕಳೆದುಕೊಂಡಿದ್ದೇವೆ,'' ಎಂದು 79 ವರ್ಷದ ಲೇವಿಸ್ ತಿಳಿಸಿದರು. "ನಾನು ನೋಡುತ್ತಲೇ ಜನಾಂಗೀಯ ದ್ವೇಷವನ್ನು ಗುರುತಿಸಬಲ್ಲೆ. ನಾನು ಜನಾಂಗೀಯ ದ್ವೇಷವನ್ನು ಅರ್ಥಮಾಡಕೊಳ್ಳಬಲ್ಲೆ. ಅಂತಹ ವರ್ತನೆಗೆ ಸರಕಾರ ಉನ್ನತ ಸ್ಥರದಲ್ಲಿ ಅವಕಾಶ ಇರಬಾರದು,'' ಎಂದವರು ತಿಳಿಸಿದರು.
ಯುಎಸ್ ಕಾಂಗ್ರೆಸ್ ಒಟ್ಟು 240-187ರ ಅಂತರದಲ್ಲಿ ಟ್ರಂಪ್ ಟ್ವೀಟ್ ವಿರುದ್ಧ ನಿರ್ಣಯವನ್ನು ತೆಗೆದುಕೊಂಡಿತು. ವಿಶೇಷ ಅಂದರೆ ಡೆಮಾಕ್ರಟಿಕ್ ಪಕ್ಷದ ಪ್ರತಿನಿಧಿಗಳಿಗೆ ನಾಲ್ಕು ರಿಪಬ್ಲಿಕನ್ ಪ್ರತಿನಿಧಿಗಳೂ ಬೆಂಬಲ ಸೂಚಿಸಿದರು. ಒಬ್ಬ ಸ್ವತಂತ್ರ ಸದಸ್ಯರು ಅಧ್ಯಕ್ಷರ ಜನಾಂಗೀಯ ದ್ವೇಷದ ಮಾತುಗಳ ವಿರುದ್ಧ ತೆಗೆದುಕೊಂಡ ನಿರ್ಣಯಕ್ಕೆ ಮತ ಚಲಾಯಿಸಿದರು.
ಈ ನಡುವೆ ಅಧ್ಯಕ್ಷ ಟ್ರಂಪ್, 'ನನ್ನ ದೇಹದಲ್ಲಿ ಜನಾಂಗೀಯ ದ್ವೇಷದ ಯಾವುದೇ ಮೂಳೆಗಳಿಲ್ಲ' ಎಂದು ಟ್ವೀಟ್ ಮಾಡಿದ್ದಾರೆ. ನಿಜ, ನಾಲಗೆಯಲ್ಲಿ ಯಾವುದೇ ಮೂಳೆಗಳು ಇರುವುದಿಲ್ಲ ಎಂದು ಅವರ ವಿರೋಧಿಗಳು ಕಾಲೆಳೆದಿದ್ದಾರೆ.
ಮುಂದಿನ ವರ್ಷ ನವೆಂಬರ್ನಲ್ಲಿ ಅಮೆರಿಕಾದಲ್ಲಿ ಅಧ್ಯಕ್ಷೀಯ ಚುನಾವಣೆ ನಡೆಯಲಿದೆ. ಟ್ರಂಪ್ ಮರು ಆಯ್ಕೆ ಬಯಸಿದ್ದಾರೆ. ಅಲ್ಲಿನ ಚುನಾವಣಾ ಕಣ ನಿಧಾನವಾಗಿ ರಂಗೇರತೊಡಗಿದೆ.
-
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Jobs: ಆಯುಷ್ ಇಲಾಖೆ ನೇಮಕಾತಿ; ಬಿ.ಕಾಂ, ಬಿಬಿಎ ಓದಿದವರಿಗೆ ಬೆಂಗಳೂರಿನಲ್ಲಿ ಭರ್ಜರಿ ಉದ್ಯೋಗಾವಕಾಶ -
March 23 Horoscope: ಈ 3 ರಾಶಿಗಳಿಗೆ ಭಾರಿ ಲಾಭ! ಉಳಿದವರು ಜಾಗ್ರತೆ -
SWR: ಶಿವಮೊಗ್ಗ, ಅರಸೀಕೆರೆ, ಮೈಸೂರು ರೈಲು ಪ್ರಯಾಣಿಕರೇ ಗಮನಿಸಿ: ರೈಲುಗಳ ಪುನರ್ ಸಂಚಾರ -
ಷೇರು ಪೇಟೆ ಧೂಳೀಪಟ: ಹೂಡಿಕೆದಾರರಿಗೆ 10 ಲಕ್ಷ ಕೋಟಿ ಲಾಸ್; ಸೆನ್ಸೆಕ್ಸ್, ನಿಫ್ಟಿ ಶೇ. 2.4ರಷ್ಟು ಇಳಿಕೆ! -
ಏ.1ರಿಂದ ಅರಣ್ಯ ಇಲಾಖೆ ಹೊರಗುತ್ತಿಗೆ ನೌಕರರಿಂದ ಮುಷ್ಕರ: ಈಶ್ವರ್ ಖಂಡ್ರೆ ಮಹತ್ವದ ಸೂಚನೆ -
'ಧುರಂಧರ್ 2' ರಣವೀರ್ ಸಿಂಗ್ ಎಂಟ್ರಿ ದೃಶ್ಯ ಮರುಸೃಷ್ಟಿಸಿದ ಯೂಟ್ಯೂಬರ್: 13 ಮಿಲಿಯನ್ ವೀಕ್ಷಣೆ ಪಡೆದ Viral Video
Click it and Unblock the Notifications
Sign in with Google