ಅಮೆರಿಕದಲ್ಲಿ ಪ್ರಾಣ ಉಳಿಸಿಕೊಳ್ಳಲು ಐಸಿಯು ಬೆಡ್ಗಳಿಲ್ಲ..!
ವಾಷಿಂಗ್ಟನ್, ಜುಲೈ 20: ವಿಶ್ವದ ದೊಡ್ಡಣ್ಣ, ಅತ್ಯಂತ ಶ್ರೀಮಂತ ರಾಷ್ಟ್ರ ಅಂತಾ ಬಿಲ್ಡಪ್ ಕೊಡುವ ಅಮೆರಿಕದ ಮರ್ಯಾದೆ ಇದೀಗ ಬೀದಿಪಾಲಾಗಿದೆ. ಕೊರೊನಾ ವೈರಸ್ ಅಮೆರಿಕದ ಮಾನ ಹರಾಜು ಹಾಕಿದೆ. ದೊಡ್ಡಣ್ಣನ ನಾಡಿನ ಸ್ಥಿತಿ ಹೇಗಿದೆ ಅಂದರೆ, ಸದ್ಯಕ್ಕೆ ಜೀವ ಉಳಿಸಿಕೊಳ್ಳುವುದೇ ದೊಡ್ಡ ಸಾಹಸವಾಗಿದೆ. ಈವರೆಗೆ 39 ಲಕ್ಷ ಕೇಸ್ ಕನ್ಫರ್ಮ್ ಆಗಿವೆ. ನಿನ್ನೆ ಕೂಡ 65 ಸಾವಿರ ಕೇಸ್ ದಾಖಲಾಗಿವೆ. ಪರಿಣಾಮ ಅಮೆರಿಕದ ಆಸ್ಪತ್ರೆಗಳಲ್ಲಿ ಸೋಂಕಿತರಿಗೆ ಬೆಡ್ಗಳೇ ಸಿಗುತ್ತಿಲ್ಲ.
ಫ್ಲೋರಿಡಾ ಸ್ಥಿತಿಯಂತೂ ಬರ್ಬರವಾಗಿದೆ. ಇಲ್ಲಿನ 49 ಆಸ್ಪತ್ರೆಗಳಲ್ಲಿ ಒಂದೇ ಒಂದು ಐಸಿಯು ಹಾಸಿಗೆ ಕೂಡ ಲಭ್ಯವಿಲ್ಲ. ನಿನ್ನೆ ಕೂಡ 12 ಸಾವಿರಕ್ಕೂ ಹೆಚ್ಚು ಕೇಸ್ಗಳು ಫ್ಲೋರಿಡಾ ಸ್ಟೇಟ್ನಲ್ಲಿ ದಾಖಲಾಗಿವೆ. ಒಂದೇ ದಿನ 87 ಅಮೆರಿಕನ್ನರು ಫ್ಲೋರಿಡಾದಲ್ಲಿ ಪ್ರಾಣಬಿಟ್ಟಿದ್ದಾರೆ.
ಪರಿಸ್ಥಿತಿ ಹೀಗಿರುವಾಗಲೇ ತುರ್ತಾಗಿ ಒಂದೇ ಒಂದು ಐಸಿಯು ಬೆಡ್ ಕೂಡ ಖಾಲಿ ಇಲ್ಲ. ಫ್ಲೋರಿಡಾ ರಾಜ್ಯದಲ್ಲಿ 3 ಲಕ್ಷ 50 ಸಾವಿರಕ್ಕೂ ಹೆಚ್ಚು ಕೊರೊನಾ ಕೇಸ್ಗಳು ಕನ್ಫರ್ಮ್ ಆಗಿವೆ. ಅಮೆರಿಕದಲ್ಲಿ ಕೊರೊನಾ ದಾಳಿಗೆ ತುತ್ತಾದ ರಾಜ್ಯಗಳ ಪೈಕಿ ಫ್ಲೋರಿಡಾ 4ನೇ ಸ್ಥಾನದಲ್ಲಿದೆ.

ಬಹುತೇಕ ರಾಜ್ಯಗಳಲ್ಲೂ ಇದೇ ಪರಿಸ್ಥಿತಿ
ಇದು ಒಂದು ರಾಜ್ಯದ ಸ್ಥಿತಿ ಅಲ್ಲ. ಅಮೆರಿಕದ 50 ರಾಜ್ಯಗಳ ಪೈಕಿ ಬಹುಪಾಲು ಸ್ಟೇಟ್ಗಳ ಸ್ಥಿತಿ ಇದೇ ಆಗಿದೆ. ಐಸಿಯು ಬೆಡ್ ಬಿಡಿ ಕಾಮನ್ ವಾರ್ಡ್ಗೂ ಹಾಹಾಕಾರ ಎದ್ದಿದೆ. ಅದರಲ್ಲೂ ನ್ಯೂಯಾರ್ಕ್ ನಿವಾಸಿಗಳನ್ನು ಆ ದೇವರೆ ಕಾಪಾಡಬೇಕು. ಸೋಂಕಿತರಿಗೆ ಚಿಕಿತ್ಸೆ ನೀಡಲು ತಾತ್ಕಾಲಿಕ ಆಸ್ಪತ್ರೆಗಳನ್ನ ನಿರ್ಮಿಸಿದ್ದರೂ ಸಾಲುತ್ತಿಲ್ಲ. ಲಕ್ಷ ಲಕ್ಷ ಸೋಂಕಿತರು ಆಸ್ಪತ್ರೆಗೆ ಸೇರಲು ಸಾಧ್ಯವಾಗದೆ ನರಳಾಡಿ ಸಾಯುವ ಸ್ಥಿತಿ ಇದೆ. ಇನ್ನು ವೆಂಟಿಲೇಟರ್ಸ್ ಪಾಡು ಕಂಡವನೇ ಬಲ್ಲ. ಹೀಗೆ ಅಮೆರಿಕ ವಿಶ್ವದೆದುರು ತನ್ನ ಮಾನವನ್ನ ತಾನೇ ಹರಾಜು ಹಾಕಿಕೊಳ್ಳುತ್ತಿದೆ.

ಮುಂದಿನ ದಿನಗಳಲ್ಲಿ ಬಹುದೊಡ್ಡ ಆಪತ್ತು
ಅಮೆರಿಕದಲ್ಲಿ ಈಗ ಪತ್ತೆಯಾಗುತ್ತಿರುವ ಸೋಂಕಿತರ ಸಂಖ್ಯೆ ಜಸ್ಟ್ ಸ್ಯಾಂಪಲ್ ಅಷ್ಟೇ. ಮುಂಬರುವ ದಿನಗಳಲ್ಲಿ ಈ ಅಂಕಿ-ಅಂಶ ದುಪ್ಪಟ್ಟಾಗುವ ಬಗ್ಗೆ ಅಮೆರಿಕದ ಸಾಂಕ್ರಾಮಿಕ ರೋಗಗಳ ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಲಾಕ್ಡೌನ್ ನಿಯಮಗಳ ಸಡಿಲಿಕೆ ಮತ್ತು ಚಿಕಿತ್ಸೆಗೆ ಅಗತ್ಯವಾದ ಸೂಕ್ತ ವ್ಯವಸ್ಥೆಗಳನ್ನು ಮಾಡದೇ ಇರುವುದು ಇಂತಹ ಸ್ಥಿತಿ ತಂದೊಡ್ಡಿದೆ. ವಿಶ್ವದ ಪವರ್ಫುಲ್ ರಾಷ್ಟ್ರದ ಪರಿಸ್ಥಿತಿಯೇ ಹೀಗಾದರೆ ಬಡ ರಾಷ್ಟ್ರಗಳ ಪಾಡು ಹೇಗೆ ಎಂಬ ಆತಂಕ ಇಡೀ ಜಗತ್ತಿನಾದ್ಯಂತ ಮನೆಮಾಡಿದೆ.

ರಾಜ್ಯವಾರು ಸೋಂಕಿತರ ಮಾಹಿತಿ
| ರಾಜ್ಯವಾರು ಸೋಂಕಿತರ ಮಾಹಿತಿ | ||
|---|---|---|
| ರಾಜ್ಯ | ಪ್ರಕರಣಗಳು | ಸಾವು |
| ನ್ಯೂಯಾರ್ಕ್ | 4.12 ಲಕ್ಷ | 32,187 |
| ಕ್ಯಾಲಿಫೋರ್ನಿಯಾ | 3.91 ಲಕ್ಷ | 7,710 |
| ಫ್ಲೋರಿಡಾ | 3.50 ಲಕ್ಷ | 4,981 |
| ಟೆಕ್ಸಾಸ್ | 3.38 ಲಕ್ಷ | 4,033 |
| ನ್ಯೂಜೆರ್ಸಿ | 1.79 ಲಕ್ಷ | 15,706 |

ವಿಶ್ವದಲ್ಲಿ ಕೊರೊನಾವೈರಸ್ ಪ್ರಕರಣಗಳು
ಜಾಗತಿಕ ಮಹಾಮಾರಿ ಕೊರೊನಾವೈರಸ್ ಪ್ರಕರಣಗಳ ಲೆಕ್ಕಾಚಾರ ಜುಲೈ 20ರಂತೆ 14,664,746 ಕೊರೊನಾ ಕೇಸ್ ದಾಖಲಾಗಿವೆ. 609,291 ಮಂದಿ ಮೃತಪಟ್ಟಿದ್ದಾರೆ. 8,748,224 ಮಂದಿ ಗುಣಮುಖರಾಗಿದ್ದಾರೆ. ಅಮೆರಿಕದಲ್ಲಿ 3,898,550 ಪ್ರಕರಣಗಳಿದ್ದು, 143,289 ಮಂದಿ ಮೃತಪಟ್ಟಿದ್ದಾರೆ.1,952,923 ಸಕ್ರಿಯ ಪ್ರಕರಣಗಳಿದ್ದು, 16,552 ವಿಷಮ ಪರಿಸ್ಥಿತಿಯಲ್ಲಿದ್ದು, 1,802,338 ಮಂದಿ ಗುಣಮುಖರಾಗಿದ್ದಾರೆ.
-
ತೀವ್ರಗೊಂಡ ಇರಾನ್ ಯುದ್ಧದ ಸಮಸ್ಯೆ, ತಿಕ್ಕಾಟ ಇನ್ನಷ್ಟು ಜೋರು | Operation Roaring Lion -
ಭಾರತಕ್ಕೆ ಬಂಪರ್, ರಷ್ಯಾ ಮೂಲಕ 30 ಮಿಲಿಯನ್ ಬ್ಯಾರಲ್ ತೈಲ ಖರೀದಿ | Operation Roaring Lion -
Prakash Raj: ‘ಅಪ್ಪನ ಮನೆ ಆಸ್ತಿ ಮಾರ್ತಿದೀರಾ?’: ಕೇಂದ್ರದ ಹೊಸ ನಿಯಮದ ವಿರುದ್ಧ ನಟ ಪ್ರಕಾಶ್ ರಾಜ್ ಟೀಕೆ -
Sapthami Gowda: ಅಸಭ್ಯವಾಗಿ ವಿಡಿಯೋ ಚಿತ್ರೀಕರಣ: ಫಿಲ್ಮ್ ಚೇಂಬರ್ ಮೆಟ್ಟಿಲೇರಿದ ಸಪ್ತಮಿ ಗೌಡ, ಸಭೆಯಲ್ಲಿ ಮಹತ್ವದ ತೀರ್ಮಾನ -
Bengaluru Second Airport: ಬೆಂಗಳೂರಿಗೆ ಟಕ್ಕರ್ ಕೊಡಲು ಬಂದ ತಮಿಳುನಾಡಿಗೆ ಮುಖಭಂಗ, ಹೊಸೂರು ವಿಮಾನ ನಿಲ್ದಾಣ ಕಷ್ಟ -
Horoscope March 10: ಈ ರಾಶಿಯವರಿಗೆ ಹಣಕಾಸಿನಲ್ಲಿ ಲಾಭ, ಯಾರಿಗೆ ಶುಭ-ಅಶುಭ, ದಿನ ಭವಿಷ್ಯ -
ಫೈನಲ್ನಲ್ಲಿ ಶಿವಂ ದುಬೆ ಬ್ಯಾಟ್ ಬಳಸಿದ ಬಗ್ಗೆ ರಹಸ್ಯ ಬಿಚ್ಚಿಟ್ಟ ಅಭಿಷೇಕ್ ಶರ್ಮಾ -
New Rent Rules 2026: ಬಾಡಿಗೆದಾರರಿಗೆ ಗುಡ್ನ್ಯೂಸ್: ಆಸ್ತಿದಾರರಿಗೆ ಸಂಕಷ್ಟ, ಹೊಸ ಕಾನೂನಿನ 5 ಪ್ರಮುಖ ಅಂಶಗಳು -
Suryakumar Yadav: ಟಿ20 ವಿಶ್ವಕಪ್ ಗೆದ್ದರೂ ಸೂರ್ಯಕುಮಾರ್ಗೆ ಐಸಿಸಿ ಆಘಾತ, ನಾಯಕತ್ವ ಬದಲಾವಣೆ ನಿರೀಕ್ಷೆ -
LPG Cylinder Booking: ಎಲ್ಪಿಜಿ ಸಿಲಿಂಡರ್ ಬುಕಿಂಗ್ನಲ್ಲಿ ಮಹತ್ವದ ಬದಲಾವಣೆ: ಕೇಂದ್ರ ಸರ್ಕಾರದಿಂದ ಹೊಸ ನಿಯಮ ಜಾರಿ -
Petrol Price Hike: ಗ್ಯಾಸ್ ಸಿಲಿಂಡರ್ ನಂತರ ಪೆಟ್ರೋಲ್ - ಡೀಸೆಲ್ ಬೆಲೆ 20 - 22 ರೂ. ಹೆಚ್ಚಳ ಸಾಧ್ಯತೆ, ಬೆಂಗಳೂರಲ್ಲಿ ಎಷ್ಟಿದೆ -
Vande Bharat Express: ಬೆಂಗಳೂರು, ಹುಬ್ಬಳ್ಳಿ, ಧಾರವಾಡ, ಪುಣೆ ವಂದೇ ಭಾರತ್ ರೈಲುಗಳ ಸಮಯ ಬದಲಾವಣೆ












Click it and Unblock the Notifications