ನಾಸಾದ ರೋವರ್ ಮಂಗಳ ಯಾನ ಯಶಸ್ವಿ: ಯೋಜನೆ ನೇತೃತ್ವ ವಹಿಸಿದ್ದು ಭಾರತ ಮೂಲದ ಮಹಿಳೆ
ವಾಷಿಂಗ್ಟನ್, ಫೆಬ್ರವರಿ 19: ಸುಮಾರು 203 ದಿನಗಳ ಬಾಹ್ಯಾಕಾಶ ಪ್ರಯಾಣದ ಬಳಿಕ ನಾಸಾದ ಅತಿ ದೊಡ್ಡ ಮತ್ತು ಅತ್ಯಾಧುನಿಕ ಪರ್ಸೆವೆರೆನ್ಸ್ ರೋವರ್, ಮಂಗಳ ಗ್ರಹದ ಅಂಗಳದ ಮೇಲೆ ಗುರುವಾರ ಸುಗಮವಾಗಿ ಇಳಿದಿದೆ. ಮಂಗಳದಲ್ಲಿ ಜೀವಿಗಳ ಅಸ್ತಿತ್ವದ ಬಗ್ಗೆ ಮಹತ್ವದ ಅಧ್ಯಯನ ಮಾಡಲು ತೆರಳಿರುವ ಈ ನೌಕೆಯು ಸುಗಮವಾಗಿ ಗ್ರಹದ ಮೇಲೆ ಇಳಿಯುತ್ತದೆಯೇ ಎಂಬುದು ಕುತೂಹಲ ಮೂಡಿಸಿತ್ತು.
ಪರ್ಸೆವರೆನ್ಸ್ ರೋವರ್ 203 ದಿನಗಳ ಕಾಲ ಸುದೀರ್ಘ ಪ್ರಯಾಣದ ಬಳಿಕ 293 ಮಿಲಿಯನ್ ಮೈಲು ದೂರ ಸಾಗಿ, ಮಂಗಳ ಗ್ರಹದ ಮೇಲೆ ಇಳಿದಿದೆ. ಸ್ಥಳೀಯ ಕಾಲಮಾನ ಮಧ್ಯಾಹ್ನ 3.55ರ ವೇಳೆಗೆ ನಾಸಾ ರೋವರ್ ಗ್ರಹದ ಮೇಲ್ಮೈ ಸ್ಪರ್ಶಿದ ಸಂದರ್ಭವನ್ನು ದಕ್ಷಿಣ ಕ್ಯಾಲಿಫೋರ್ನಿಯಾದಲ್ಲಿರುವ ನಾಸಾದ ಜೆಡ್ ಪ್ರೊಪಲ್ಷನ್ ಲ್ಯಾಬೊರೇಟರಿಯ ಮೂಲಕ ಈ ಸನ್ನಿವೇಶ ಪ್ರಕ್ರಿಯೆಯನ್ನು ಖಚಿತಪಡಿಸಲಾಯಿತು.
ವಿಶೇಷವೆಂದರೆ ಈ ಅಭೂತಪೂರ್ವ ಯೋಜನೆಯ ನೇತೃತ್ವ ವಹಿಸಿದ್ದು ಭಾರತ ಮೂಲದ ಅಮೆರಿಕನ್ ವಿಜ್ಞಾನಿ ಡಾ. ಸ್ವಾತಿ ಮೋಹನ್. 'ನೆಲಸ್ಪರ್ಶ ಖಚಿತವಾಗಿದೆ' ಎಂದು ಕಾರ್ಯಾಚರಣೆ ಮುಖ್ಯಸ್ಥೆ ಸ್ವಾತಿ ಮೋಹನ್ ಅಧಿಕೃತವಾಗಿ ಘೋಷಿಸುತ್ತಿದ್ದಂತೆಯೇ ಕ್ಯಾಬೊರೇಟರಿಯಲ್ಲಿ ಹರ್ಷೋದ್ಗಾರ ಮುಗಿಲುಮುಟ್ಟಿತು. ಮುಂದೆ ಓದಿ.
ಅಮೆರಿಕನ್ನರ ಜಾಣ್ಮೆ ಎಂದ ಬೈಡನ್
ಈ ಸ್ವಾಯತ್ತ ಮಾರ್ಗದರ್ಶಿ ಯೋಜನೆಯು ಉದ್ದೇಶಿತ ಸಮಯಕ್ಕಿಂತ 11 ನಿಮಿಷ ಮೊದಲೇ ಪೂರ್ಣಗೊಂಡಿದ್ದು, ಭೂಮಿಗೆ ರೇಡಿಯೋ ಸಂಕೇತಗಳನ್ನು ರವಾನಿಸಿದೆ.
ಅಮೆರಿಕದ ಅಧ್ಯಕ್ಷ ಜೋ ಬೈಡನ್ ಅವರು ಈ ಯೋಜನೆಯ ಯಶಸ್ಸನ್ನು ಐತಿಹಾಸಿಕ ಎಂದು ಕೊಂಡಾಡಿದ್ದಾರೆ. 'ವಿಜ್ಞಾನದ ಶಕ್ತಿ ಮತ್ತು ಅಮೆರಿಕದ ಜಾಣ್ಮೆಯ ಮುಂದೆ ಈ ಲೋಕದಲ್ಲಿ ಸಾಧ್ಯತೆಗಳಾಚೆ ಯಾವುದೂ ಇಲ್ಲ ಎನ್ನುವುದು ಇಂದು ಮತ್ತೆ ಸಾಬೀತಾಗಿದೆ' ಎಂದು ಅವರು ಟ್ವೀಟ್ ಮಾಡಿದ್ದಾರೆ.
|
ಅಲ್ಲೇನು ಮಾಡಲಿದೆ ರೋವರ್?
ಪರ್ಸೆವೆರೆನ್ಸ್ ರೋವರ್ ನೌಕೆಯು ಸುಮಾರು ಏಳು ವರ್ಷ ಮಂಗಳನ ಅಂಗಳದಲ್ಲಿ ಓಡಾಟ ನಡೆಸಲಿದೆ. ಜತೆಗೆ 30 ಕಲ್ಲುಗಳು ಹಾಗೂ ಮಣ್ಣಿನ ಮಾದರಿಗಳನ್ನು ಮುಚ್ಚಿದ ಟ್ಯೂಬ್ಗಳೊಳಗೆ ಸಂಗ್ರಹಿಸಿ 2030ರ ವೇಳೆಗೆ ಭೂಮಿಗೆ ಕಳುಹಿಸಲಿದೆ. ಇದನ್ನು ಲ್ಯಾಬ್ ವಿಶ್ಲೇಷಣೆ ನಡೆಸಲಿದೆ. ಜತೆಗೆ ಅಲ್ಲಿನ ಜೀವಿಗಳ ಅಸ್ತಿತ್ವದ ಬಗ್ಗೆ ಮಹತ್ವದ ಸುಳಿವು ನೀಡಬಲ್ಲ ವಿವಿಧ ಚಿತ್ರ ಹಾಗೂ ಸಂಕೇತಗಳನ್ನು ರವಾನಿಸಲಿದೆ.
|
ಒಂದು ಟನ್ ತೂಕದ ಬೃಹತ್ ನೌಕೆ
ಎಸ್ಯುವಿ ಗಾತ್ರದ ನೌಕೆಯು ಸುಮಾರು ಒಂದು ಟನ್ ತೂಕವಿದೆ. ಇದರಲ್ಲಿ ಏಳು ಅಡಿ ಎತ್ತರದ ರೊಬೊಟಿಕ್ ಕ್ಯಾಮೆರಾ, 19 ಕ್ಯಾಮೆರಾಗಳು, ಎರಡು ಮೈಕ್ರೋಫೋನ್ಗಳು ಮತ್ತು ತನ್ನ ವೈಜ್ಞಾನಿಕ ಗುರಿಗಳಿಗೆ ನೆರವಾಗಲು ಹರಿತವಾದ ಸಾಧನಗಳನ್ನು ಅಳವಡಿಸಲಾಗಿದೆ.
ಎರಡು ಚಿತ್ರಗಳ ರವಾನೆ
ಪರ್ಸೆವೆರೆನ್ಸ್ ಇದುವರೆಗೂ ನಾಸಾ ರವಾನಿಸಿದ ಅತ್ಯಂತ ದೊಡ್ಡ ಹಾಗೂ ಅತಿ ಆಧುನಿಕ ರೋವರ್ ಆಗಿದೆ. ಮಂಗಳ ಗ್ರಹಕ್ಕೆ ಕಾಲಿಟ್ಟ ಕೂಡಲೇ ಅದು ಅಲ್ಲಿನ ಎರಡು ಚಿತ್ರಗಳನ್ನು ಭೂಮಿಗೆ ರವಾನಿಸಿದೆ. ನೌಕೆಯು ಮಂಗಳನ ಮೇಲೆ ಇಳಿಯುವ ಕೊನೆಯ ಏಳು ನಿಮಿಷ ಅತ್ಯಂತ ಚಡಪಡಿಕೆಯ ಸನ್ನಿವೇಶ ಸೃಷ್ಟಿಸಿತ್ತು. 'ಏಳು ನಿಮಿಷಗಳ ಭಯಾನಕ ಸ್ಥಿತಿ' ಎಂದೇ ಕರೆಯಲಾಗುವ ಈ ಸಂದರ್ಭವನ್ನು ಯಶಸ್ವಿಯಾಗಿ ಎದುರಿಸುವ ಮೂಲಕ ಐತಿಹಾಸಿಕ ಸಾಧನೆ ಮಾಡಲಾಯಿತು. ಮಂಗಳ ಗ್ರಹದಲ್ಲಿ ನೌಕೆಯನ್ನು ಇಳಿಸುವುದು ತೀರಾ ಸವಾಲಿನದ್ದಾಗಿದ್ದು, ಇದುವರೆಗೂ ಶೇ 50ರಷ್ಟು ಯೋಜನೆಗಳು ವಿಫಲವಾಗಿವೆ.
-
Property: ಕಟ್ಟಡ ಮಾಲೀಕರಿಗೆ ಬಂಪರ್ ಆಫರ್: ಶೇ.15ರವರೆಗಿನ ನಿಯಮ ಉಲ್ಲಂಘನೆ ಸಕ್ರಮಕ್ಕೆ ಜಿಬಿಎ ಅವಕಾಶ! -
Karnataka Rain: ಕರ್ನಾಟಕದಲ್ಲಿ ಮಳೆ ಕೊರತೆ ಈ ಬಾರಿ ಈ ಭಾಗಗಳಲ್ಲಿ ಸಂಕಷ್ಟ, ಕುಡಿಯುವ ನೀರಿಗೂ ಹಾಹಾಕಾರ -
April 2 Horoscope: ಆರೋಗ್ಯ ಮತ್ತು ಆರ್ಥಿಕ ಸ್ಥಿತಿಯ ಸಂಪೂರ್ಣ ಮಾಹಿತಿ -
SSLC ಸಮಾಜ ವಿಜ್ಞಾನ ಪರೀಕ್ಷೆ ವಿಶ್ಲೇಷಣೆ: ಪ್ರಶ್ನೆಪತ್ರಿಕೆ ಹೇಗಿತ್ತು? ವಿದ್ಯಾರ್ಥಿಗಳ ಪ್ರತಿಕ್ರಿಯೆ ಏನು? -
Karnataka Weather: ರಾಜ್ಯದಲ್ಲಿಂದು ಭಾರಿ ಮಳೆ ಮುನ್ಸೂಚನೆ; ಬೆಂಗಳೂರು ಹವಾಮಾನ ಹೇಗಿದೆ? -
Gold Rate: ಮಾರುಕಟ್ಟೆಯಲ್ಲಿ ಇಂದಿನ ನಿಖರ ಚಿನ್ನ, ಬೆಳ್ಳಿ ಬೆಲೆ ಎಷ್ಟು? ಇಲ್ಲಿದೆ ದರ ಪಟ್ಟಿ -
SSLC ಪರೀಕ್ಷೆ-1ರಲ್ಲಿ ಅಂಕ ಕಡಿಮೆಯಾಗಿದೆಯೇ? ಚಿಂತೆ ಬಿಡಿ, ಮೇ 18ರಿಂದ ನಡೆಯುವ ಪರೀಕ್ಷೆ-2ಕ್ಕೆ ಸಜ್ಜಾಗಿ -
Viral Video: ಶಿಕ್ಷಕಿ ಬಿಟ್ಟುಹೋಗುವ ಸುದ್ದಿ ಕೇಳಿ ಕಣ್ಣೀರಿಟ್ಟ ಮಕ್ಕಳ ಮನಮುಟ್ಟುವ ವಿಡಿಯೋ ವೈರಲ್ -
Bengaluru: ಪಬ್ನಲ್ಲಿ 150 ರೂ. ಕೊಟ್ಟು ಆರ್ಡರ್ ಮಾಡಿದ್ರೆ ಬಂದಿದ್ದು ಬರೀ ಹಪ್ಪಳ-ಸಂಡಿಗೆ: ದಂಗಾದ ಗ್ರಾಹಕ -
ಶೀಘ್ರದಲ್ಲೇ ದ್ವಿತೀಯ PUC ಫಲಿತಾಂಶ ಪ್ರಕಟ: ರಿಸಲ್ಟ್ ಡೇಟ್, ಚೆಕ್ ಮಾಡುವ ವಿಧಾನ ಸೇರಿ ಸಂಪೂರ್ಣ ಮಾಹಿತಿ ಇಲ್ಲಿದೆ -
ಉಬರ್ ಕ್ಯಾಬ್ ಬುಕ್ ಮಾಡಿದಷ್ಟೇ ಸುಲಭವಾಗಿ ತೆಂಗಿನಕಾಯಿ ಕೀಳುವವರನ್ನು ಕರೆಯಿರಿ: ಆನಂದ್ ಮಹೀಂದ್ರಾ ಹಂಚಿಕೊಂಡ Video Viral -
April 3 Horoscope: ಇಂದು ಯಾವ ರಾಶಿಗೆ ಲಾಭ, ಯಾರಿಗೆ ನಷ್ಟ? ಸಂಪೂರ್ಣ ವಿವರ
Click it and Unblock the Notifications
Sign in with Google