ಲಿವಾ ಮಿಸ್ ದಿವಾಗೆ ಹುಟ್ಟೂರು ಉಡುಪಿಯಲ್ಲಿ ಭರ್ಜರಿ ಸ್ವಾಗತ

ಲಿವಾ ಮಿಸ್ ದಿವಾ-2020 ಗೆದ್ದ ಉಡುಪಿ ಮೂಲದ ಆಡ್ಲಿನ್ ಕ್ಯಾಸ್ಟಲಿನೋ ಹುಟ್ಟೂರು ಉಡುಪಿಗೆ ಆಗಮಿಸಿದ್ದಾರೆ. ಮಿಸ್ ಯೂನಿವರ್ಸ್ ಸ್ಪರ್ಧೆಗೆ ಭಾರತದಿಂದ ಆಯ್ಕೆಯಾಗಿರುವ ಆಡ್ಲಿನ್ ಗೆ ಉಡುಪಿಯಲ್ಲಿ ಅದ್ಧೂರಿ ಸ್ವಾಗತ ನೀಡಲಾಯಿತು.

ಉಡುಪಿ, ಮಾರ್ಚ್ 02: ಲಿವಾ ಮಿಸ್ ದಿವಾ-2020 ಗೆದ್ದ ಉಡುಪಿ ಮೂಲದ ಆಡ್ಲಿನ್ ಕ್ಯಾಸ್ಟಲಿನೋ ಹುಟ್ಟೂರು ಉಡುಪಿಗೆ ಆಗಮಿಸಿದ್ದಾರೆ. ಮಿಸ್ ಯೂನಿವರ್ಸ್ ಸ್ಪರ್ಧೆಗೆ ಭಾರತದಿಂದ ಆಯ್ಕೆಯಾಗಿರುವ ಆಡ್ಲಿನ್ ಗೆ ಉಡುಪಿಯಲ್ಲಿ ಅದ್ಧೂರಿ ಸ್ವಾಗತ ನೀಡಲಾಯಿತು.

ಉದ್ಯಾವರ ಕೊರಂಗ್ರಪಾಡಿಯ ಮನೆಗೆ ಆಗಮಿಸಿದ ಆಡ್ಲಿನ್, ಕುಟುಂಬಸ್ಥರ ಜೊತೆ ಸಂತೋಷದಿಂದ ಬೆರೆತರು. ಈ ವೇಳೆ ದೊಡ್ಡಪ್ಪನ ಮನೆಯಲ್ಲಿ ಆಯ್ದ ಕುಟುಂಬಸ್ಥರಿಂದ ವಿಶೇಷ ಪ್ರಾರ್ಥನೆ ನಡೆಯಿತು.

ನೆರೆಕೆರೆಯ ಹಿಂದೂಗಳು ಆಗಮಿಸಿ ಆರತಿ ಎತ್ತಿ, ದೃಷ್ಠಿ ತೆಗೆದದ್ದು ವಿಶೇಷವಾಗಿತ್ತು. ಸುಮಂಗಲಿಯರು ಸೇರಿ ಲಿವಾ ಮಿಸ್ ದಿವಾಗೆ ಮಲ್ಲಿಗೆ ಹೂವು ಕೊಟ್ಟು ಆಶೀರ್ವಾದ ಮಾಡಿದರು.

ಉದ್ಯಾವರ ಚರ್ಚ್ ವ್ಯಾಪ್ತಿಯ ಐಸಿವೈಎಂ ಸಂಘಟನೆ ಆಡ್ಲಿನ್ ಕ್ಯಾಸ್ಟಲಿನೋ ಅವರನ್ನು ತೆರೆದ ಜೀಪ್ ನಲ್ಲಿ ಮೆರವಣಿಗೆ ಮಾಡಿತು. ಸುಮಾರು ಮೂರು ಕಿಲೋಮೀಟರ್ ಮೆರವಣಿಗೆ ಉದ್ದಕ್ಕೂ ಆಡ್ಲಿನ್ ಪರಿಚಯಸ್ತರು, ಸಂಬಂಧಿಕರತ್ತ ಕೈ ಬೀಸಿದರು.

ಕಂಬಳದ ಕೋಣ, ಕರಾವಳಿ ಚೆಂಡೆ, ರಂಗಿನ ಕೊಡೆ ಹಿಡಿದು ಚರ್ಚ್ ವರೆಗೆ ಮೆರವಣಿಗೆ ಮಾಡಲಾಯಿತು. ಆಡ್ಲಿನ್ ನೋಡಲು ಸುತ್ತಮುತ್ತಲ ಊರಿನ ಯುವಜನತೆ ಮುಗಿಬಿದ್ದರು.

English summary

Adlina Castalino who won the Liva Miss Diva -2020, has arrived in Udupi today.