ಕಾರ್ಕಳದ ಈ ಬಾರ್ ಗೆ ಪುಕ್ಕಟೆ ಪಿಕ್ ಅಪ್- ಡ್ರಾಪ್, ಆಟೋ ಇದೆ ಗುರೂ..
Recommended Video
ಉಡುಪಿ, ಮಾರ್ಚ್ 15 : ಮದುವೆ, ಮುಂಜಿ ಸೇರಿದಂತೆ ಧಾರ್ಮಿಕ ಕಾರ್ಯಕ್ರಮಗಳಿಗೆ ಅಥವಾ ಚುನಾವಣಾ ಸಂದರ್ಭದಲ್ಲಿ ದೂರದ ಮತಗಟ್ಟೆಗಳಿಗೆ ತೆರಳಲು ಉಚಿತ ವಾಹನ ವ್ಯವಸ್ಥೆ ಮಾಡುವುದನ್ನು ಕೇಳಿರುತ್ತೇವೆ, ನೋಡಿರುತ್ತೇವೆ, ಆದರೆ ಬಾರ್ ಗೆ ತೆರಳಲು ಉಚಿತ ವಾಹನ ವ್ಯವಸ್ಥೆ ಕಲ್ಪಿಸಿದರೆ ಹೇಗೆ ?
ಆಶ್ಚರ್ಯ ಪಡಬೇಕಾದ ಅವಶ್ಯಕತೆ ಇಲ್ಲ. ಏಕೆಂದರೆ ಇಂತಹದೊಂದು ಉಚಿತ ವ್ಯವಸ್ಥೆ ಉಡುಪಿ ಜಿಲ್ಲೆಯಲ್ಲಿ ಆರಂಭಿಸಲಾಗಿದೆ. ಉಡುಪಿ ಜಿಲ್ಲೆಯ ಕಾರ್ಕಳ ತಾಲೂಕಿನ ಅಜೆಕಾರು ಎಂಬಲ್ಲಿ ಇಂತಹದೊಂದು ವ್ಯವಸ್ಥೆ ಮಾಡಿರುವುದು ಭಾರೀ ಚರ್ಚೆಗೆ ಕಾರಣವಾಗಿದೆ.
ಅಜೆಕಾರಿನಲ್ಲಿ ನೂತನವಾಗಿ ಆರಂಭವಾಗಿರುವ ರಚನಾ ಬಾರ್ ನಲ್ಲಿ ಈ ಸೌಲಭ್ಯವಿದೆ. ಈ ಹಿನ್ನೆಲೆಯಲ್ಲಿ ಪರಿಸರದ ಮದ್ಯಪಾನ ಪ್ರಿಯರಿಗೆ ಬಾರ್ ಕೈ ಬೀಸಿ ಕರೆಯುತ್ತಿದೆ. ಈ ರಚನಾ ಬಾರ್ ಗೆಂದೇ ತೆರಳುವವರಿಗೆ ರಿಕ್ಷಾವೊಂದನ್ನು ಕಾಯಂ ವ್ಯವಸ್ಥೆ ಮಾಡಲಾಗಿದೆ.
ಈ ರಚನಾ ಬಾರ್ ಹೆದ್ದಾರಿಯಿಂದ 550 ಮೀಟರ್ ದೂರದಲ್ಲಿ ಆರಂಬಿಸಲಾಗಿತ್ತು. ಇದು ಸುಪ್ರೀಂ ಕೋರ್ಟ್ ಆದೇಶದ ಪರಿಣಾಮ. ಆದರೆ ಬಾರ್ ತುಸು ದೂರ ಇರುವ ಕಾರಣ ದಿನದಿಂದ ದಿನಕ್ಕೆ ವ್ಯವಹಾರ ಕುಸಿಯುತ್ತಿತ್ತು. ಕಡೆಗೆ ಐಡಿಯಾ ಮಾಡಿದ ಬಾರ್ ನ ಮಾಲೀಕರು ಉಚಿತ ಪಿಕ್ ಅಪ್- ಡ್ರಾಪ್ ಸೇವೆಯನ್ನು ವ್ಯವಸ್ಥೆ ಮಾಡಿದ್ದಾರೆ.
ಯಾವ ಪಕ್ಷಕ್ಕೆಷ್ಟು ಸೀಟು? ನೀವೇ ಊಹಿಸಿ
ಬಾರ್ ಗೆ ಗ್ರಾಹಕರು ಬರಲು ಹಾಗು ವಾಪಸ್ ತೆರಳುಲು ಕಾಯಂ ಆಗಿ ರಿಕ್ಷಾ ಒಂದನ್ನು ಇರಿಸಲಾಗಿದೆ. ಬಾರ್ ಗಾಗಿಯೇ ಗೊತ್ತುಪಡಿಸಲಾಗಿರುವ ರಿಕ್ಷಾದ ಹಿಂಭಾಗದಲ್ಲಿ ಬಾರ್ ನ ಹೆಸರು ಸಹಿತ ಉಚಿತ ವಾಹನ ವ್ಯವಸ್ಥೆ ಇದೆ ಎಂಬ ಬ್ಯಾನರ್ ತೂಗು ಹಾಕಲಾಗಿದೆ. ಅಜೆಕಾರು ಪೇಟೆಯಿಂದ ಸ್ವಲ್ಪ ದೂರದಲ್ಲಿರುವ ಈ ಬಾರ್ ಗೆ ನಿತ್ಯ ತೆರಳಲು ಈ ರಿಕ್ಷಾ ಅನುಕೂಲ ಕಲ್ಪಿಸಿದೆ.
ಗ್ರಾಹಕರನ್ನು ಕರೆತಂದು ವಾಪಸ್ ಬಿಡಲು ರಿಕ್ಷಾ ವ್ಯವಸ್ಥೆ ಇರುವುದರಿಂದ ಬಾರ್ ನ ವ್ಯವಹಾರ ಈಗ ಚೇತರಿಸಿಕೊಂಡಿದೆ. ಇನ್ನು ಕುಡಿದ ಮತ್ತಿನಲ್ಲಿ ದಾರಿ ಉದ್ದಕ್ಕೂ ತೂರಾಡಿ ಅಂಗಡಿ ಪಕ್ಕ, ಬಸ್ ನಿಲ್ದಾಣ , ಮೋರಿ ಗಳಲ್ಲಿ ಬೀಳುವ ಆತಂಕದಿಂದ ಅಜೆಕಾರಿನ ಮದ್ಯ ವ್ಯಸನಿ ಗಳು ಮುಕ್ತರಾಗಿದ್ದಾರೆ. ಸೇಫಾಗಿ ಮನೆ ಸೇರುವ ಖಾತ್ರಿಯನ್ನು ಬಾರ್ ಮಾಲೀಕರು ನೀಡಿದ್ದಾರೆ. ಆದರೆ ರಿಕ್ಷಾ ಚಾಲಕನೇ ಟೈಟಾದರೆ ಗತಿಯೇನು ಎಂಬುದು ಪ್ರಶ್ನೆ.
Click it and Unblock the Notifications
Sign in with Google