ತುಮಕೂರಿನಲ್ಲಿ ಹೊಸವರ್ಷಕ್ಕೆ ನಕಲಿ ಡ್ರಗ್ ಮಾರಾಟ ಯತ್ನ
ತುಮಕೂರು, ಡಿಸೆಂಬರ್ 31: ತುಮಕೂರಿನಲ್ಲಿ ನಕಲಿ ಬ್ರೌನ್ ಶುಗರ್ ಪ್ರಕರಣವೊಂದು ಪತ್ತೆಯಾಗಿದ್ದು, ತುಮಕೂರಿನ ರಿಂಗ್ರೋಡಿನಲ್ಲಿರುವ ಅಶ್ವಿನಿ ಆಸ್ಪತ್ರೆ ಬಳಿಯಿರುವ ಗ್ರಾರೇಜೊಂದರಲ್ಲಿ ಡಿಸಿಬಿ ಇನ್ಸ್ ಪೆಕ್ಟರ್ ತಂಡ ಮಾಲು ಸಮೇತ ಇಬ್ಬರನ್ನು ಬಂಧಿಸಿದೆ.
ತುಮಕೂರಿನ ರಿಂಗ್ ರಸ್ತೆಯಲ್ಲಿರುವ ಅಶ್ವಿನಿ ಆಸ್ಪತ್ರೆಬಳಿ ಇರುವ ಕಟ್ಟಡವೊಂದರಲ್ಲಿ ಬ್ರೌನ್ ಶುಗರ್ ಮತ್ತು ಮಾದಕ ವಸ್ತುಗಳ ಇರಿಸಿ ನಗರದಲ್ಲಿ ವ್ಯಾಪಾರ ಮಾಡಲಾಗುತ್ತಿದೆ ಎಂಬ ಖಚಿತ ಮಾಹಿತಿಯ ಆಧಾರದ ಮೇಲೆ ಡಿಸಿಬಿ ಇನ್ಸ್ ಪೆಕ್ಟ್ರರ್ ಗೌತಮ್ ಅವರ ತಂಡ ಜಾಗೃತವಾಗಿ ಶುಕ್ರವಾರ ದಾಳಿ ನಡೆಸಿತು. ಆದರೆ ಯೂರಿಯಾ ಮತ್ತು ಸುಣ್ಣದ ಪುಡಿಮಿಶ್ರಿತ ವಸ್ತುವನ್ನು ಸೇರಿಸಿ ನಗರದ ವಿದ್ಯಾರ್ಥಿಗಳಿಗೆ ವ್ಯಾಪಾರ ಮಾಡಲು ಮುಂದಾಗಿದ್ದರು ಎಂದು ಹೇಳಲಾಗಿದೆ.[ನಕಲಿ ವಾಚ್ ದಂಧೆ: 1.8 ಕೋಟಿ ಮೌಲ್ಯದ ಮಾಲು ವಶ, ಮೂವರ ಸೆರೆ]
ಅಜೀಜ್ ಮತ್ತು ಪವನ್ ಬಂಧಿತ ಆರೋಪಿಗಳು. ಸಣ್ಣ ಪೊಟ್ಟಣವೊಂದಕ್ಕೆ ₹ 15ರಿಂದ 20 ಸಾವಿರ ರೂಪಾಯಿಗೆ ಮಾರಾಟ ಮಾಡುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ತುಮಕೂರಿನ ಜಯನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇವರೊಂದಿಗಿದ್ದ ಇನ್ನು ಇಬ್ಬರು ದಂಧೆಯಲ್ಲಿ ಭಾಗಿಯಾಗಿ ಮೋಸ ಮಾಡಲು ಮುಂದಾಗಿದ್ದರು ಎನ್ನಲಾಗಿದ್ದು ಅವರನ್ನು ಬಂಧಿಸಲು ಪೊಲೀಸರು ಬಲೆ ಬೀಸಿದ್ದಾರೆ.
Click it and Unblock the Notifications
Sign in with Google