Breaking: ಭಾರತದಲ್ಲಿ ಮೊದಲ ಕೊರೊನಾ ವೈರಸ್ ಪ್ರಕರಣ ಪತ್ತೆ
Recommended Video
ತಿರುವನಂತಪುರ, ಜನವರಿ 30: ಅಪಾಯಕಾರಿ ಕೊರೊನಾ ವೈರಸ್ ಭಾರತಕ್ಕೆ ಲಗ್ಗೆ ಇಟ್ಟಿದೆ. ಕೊರೊನಾ ವೈರಸ್ ಮೊದಲ ಪ್ರಕರಣ ಕೇರಳದಲ್ಲಿ ಪತ್ತೆಯಾಗಿದೆ.
ಕೇರಳದ ಆರೋಗ್ಯ ಇಲಾಖೆಯು ಈ ಬಗ್ಗೆ ಅಧಿಕೃತ ಹೇಳಿಕೆ ನೀಡಿದ್ದು, ಚೀನಾದ ವುಹಾನ್ ಪ್ರಾಂಥ್ಯದಲ್ಲಿ ಕಲಿಯುತ್ತಿದ್ದು, ಭಾರತಕ್ಕೆ ವಾಪಸ್ಸಾಗಿರುವ ವಿದ್ಯಾರ್ಥಿನಿ ಕೊರೊನಾ ವೈರಸ್ ಬಾಧಿತರಾಗಿರುವುದು ಪತ್ತೆ ಆಗಿದೆ.
'ವಿದ್ಯಾರ್ಥಿನಿಗೆ ಕೊರೊನಾ ವೈರಸ್ ಇರುವುದು ಪತ್ತೆಯಾಗಿದ್ದು, ಆಕೆಯನ್ನು ಆಸ್ಪತ್ರೆಯಲ್ಲಿ ನಿಘಾ ಘಟಕದಲ್ಲಿ ಇಡಲಾಗಿದೆ. ಆಕೆಯ ಆರೋಗ್ಯವನ್ನು ಪರಿವೀಕ್ಷಣೆ ನಡೆಸಲಾಗುತ್ತಿದೆ. ವಿದ್ಯಾರ್ಥಿನಿ ಚೇತರಿಸಿಕೊಳ್ಳುತ್ತಿದ್ದಾರೆ' ಎಂದು ಇಲಾಖೆ ಹೇಳಿದೆ. ವಿದ್ಯಾರ್ಥಿನಿಯನ್ನು ಪ್ರತ್ಯೇಕವಾಗಿರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
ಕೇರಳದಲ್ಲಿ ಇನ್ನೂ ಹತ್ತು ಮಂದಿ ಕೊರೊನಾ ವೈರಸ್ ಶಂಕಿತರನ್ನು ನಿಗಾ ಘಟಕದಲ್ಲಿ ಇಟ್ಟು ತಪಾಸಣೆಗೆ ಒಳಪಡಿಸಲಾಗುತ್ತಿದೆ. ಆದರೆ ಈ ಹತ್ತು ಮಂದಿಯು ಕೊರೊನಾ ವೈರಸ್ ಬಾಧಿತರಾಗಿದ್ದಾರೆಯೇ ಇಲ್ಲವೇ ಎಂಬುದು ಖಾತ್ರಿಯಾಗಿಲ್ಲ.
ಚೀನಾದಿಂದ ಭಾರತದ ವಿವಿಧ ರಾಜ್ಯ ವಾಪಸ್ಸಾಗಿರುವ 800 ಕ್ಕೂ ಹೆಚ್ಚು ಮಂದಿಯನ್ನು ನಿಗಾ ಘಟಕದಲ್ಲಿ ಇಟ್ಟು ತಪಾಸಣೆ ನಡೆಸಲಾಗುತ್ತಿದೆ.
'ಕೊರೊನಾ ವೈರಸ್ ಅನ್ನು ಎದುರಿಸಲು ಸಜ್ಜಾಗಿದ್ದೇವೆ, ಆತಂಕದ ಅಗತ್ಯವಿಲ್ಲ' ಎಂದು ಕೆಲ ದಿನಗಳ ಹಿಂದಷ್ಟೆ ಭಾರತ ಸರ್ಕಾರ ಹೇಳಿತ್ತು. ವೈರಸ್ ಅನ್ನು ಶೀಘ್ರವಾಗಿ ಗುರುತಿಸುವ 'ಥರ್ಮಸ್ ಸ್ಕ್ರೀನಿಂಗ್ ಸೆನ್ಸರ್'ಗಳನ್ನು ಖರೀದಿಸಲಾಗಿದ್ದು, ಇನ್ನಷ್ಟು ಸೆನ್ಸರ್ಗಳಿಗೆ ಖರೀದಿಗೆ ಪ್ರಸ್ತಾವನೆ ಸಲ್ಲಿಸಲಾಗಿದೆ ಎಂದಿದ್ದಾರೆ.
ಕೊರೊನಾ ವೈರಸ್ನ ಮೂಲವಾದ ಚೀನಾದಲ್ಲಿ ವೈರಸ್ನಿಂದಾಗಿ ಈವರೆಗೆ 170 ಮಂದಿ ಸಾವನ್ನಪ್ಪಿದ್ದು, ಸಾವಿರಾರು ಮಂದಿ ವೈರಸ್ನಿಂದ ಬಾಧಿತರಾಗಿದ್ದಾರೆ.
Click it and Unblock the Notifications
Sign in with Google