ಶೆಹ್ಲಾ ರಶೀದ್ ವಿರುದ್ಧ ಅಪ್ಪನ ಗಂಭೀರ ಆರೋಪ: ತನಿಖೆ ನಡೆಸಲು ಒತ್ತಾಯ
ಶ್ರೀನಗರ, ಡಿಸೆಂಬರ್ 1: ದೆಹಲಿಯ ಜವಹರಲಾಲ್ ನೆಹರೂ ವಿಶ್ವವಿದ್ಯಾಲಯದಲ್ಲಿ ಕಳೆದ ವರ್ಷ ನಡೆದ ಪ್ರತಿಭಟನೆಯಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಜೆಎನ್ಯು ಹಳೆ ವಿದ್ಯಾರ್ಥಿ ಒಕ್ಕೂಟದ ಶೆಹ್ಲಾ ರಶೀದ್ ವಿರುದ್ಧ ದೇಶ ವಿರೋಧಿ ಚಟುವಟಿಕೆಗಳ ತನಿಖೆ ನಡೆಸುವಂತೆ ಸ್ವತಃ ಆಕೆಯ ತಂದೆ ಪತ್ರ ಬರೆದಿದ್ದಾರೆ.
ಶೆಹ್ಲಾ ರಶೀದ್ ತಂದೆ ಅಬ್ದುಲ್ ರಶೀದ್ ಶೋರಾ ಅವರು ಪೊಲೀಸ್ ಮಹಾ ನಿರ್ದೇಶಕ ದಿಲ್ಬಾಗ್ ಸಿಂಗ್ ಅವರಿಗೆ ಪತ್ರ ಬರೆದಿದ್ದು, ಮಗಳ ದೇಶ ವಿರೋಧಿ ಚಟುವಟಿಕೆಗಳ ಬಗ್ಗೆ ತನಿಖೆ ನಡೆಸುವಂತೆ ಮನವಿ ಮಾಡಿದ್ದಾರೆ. ಮಗಳು ಶೆಹ್ಲಾ ರಶೀದ್ರಿಂದ ತಮಗೆ ಜೀವ ಬೆದರಿಕೆ ಬರುತ್ತಿದೆ. ಆಕೆಗೆ ಹಿರಿಯ ಮಗಳು ಅಸ್ಮಾ ರಶೀದ್ ಮತ್ತು ಪತ್ನಿ ಜುಬೈದಾ ಶೋರಾ ಅಲ್ಲದೆ ಆಕೆಯ ಭದ್ರತಾ ಸಿಬ್ಬಂದಿ ಸಕೀಬ್ ಅಹ್ಮದ್ ಬೆಂಬಲವಾಗಿದ್ದಾರೆ ಎಂದು ಆರೋಪಿಸಿದ್ದಾರೆ.
'ಈ ಬೆದರಿಕೆಗಳು 2017ರಲ್ಲಿ ಆರಂಭವಾದವು. ಶೆಹ್ಲಾ ಆಗ ಇದ್ದಕ್ಕಿದ್ದಂತೆ ಕಾಶ್ಮೀರ ರಾಜಕಾರಣಕ್ಕೆ ಇಳಿದಿದ್ದಳು. ಭಯೋತ್ಪಾದನೆಗೆ ಹಣ ಸಂಗ್ರಹಿಸಿದ ಪ್ರಕರಣದಲ್ಲಿ ಜಹೂರ್ ವಟಾಲಿಯನ್ನು ಬಂಧಿಸುವ ಎರಡು ತಿಂಗಳ ಮುಂಚೆಯಷ್ಟೇ ಆಕೆ ರಾಜಕೀಯಕ್ಕೆ ಇಳಿದಿದ್ದಳು. 2017ರ ಜೂನ್ನಲ್ಲಿ ವಟಾಲಿ ಮತ್ತು ಮಾಜಿ ಶಾಸಕ ಎಂಜಿನಿಯರ್ ರಶೀದ್ ನನ್ನನ್ನು ಕರೆಸಿದ್ದರು. ಶೆಹ್ಲಾ ಈ ಪಾತಕಿಗಳನ್ನು ಸೇರಿಕೊಳ್ಳುವಂತೆ ನನಗೆ 3 ಕೋಟಿ ಆಫರ್ ನೀಡಿದ್ದರು' ಎಂದು ರಶೀದ್ ಪತ್ರದಲ್ಲಿ ಹೇಳಿದ್ದಾರೆ. ಮುಂದೆ ಓದಿ.
ದೇಶವಿರೋಧಿ ಚಟುವಟಿಕೆ ನಡೆಯುತ್ತಿದೆ
ಆ ಹಣವು ಅಕ್ರಮ ಮೂಲಗಳಿಂದ ಬಂದಿರುವುದರಿಂದ ಮತ್ತು ತಮ್ಮನ್ನು ಅಕ್ರಮ ಚಟುವಟಿಕೆಗಳಿಗೆ ಬಳಸುವ ಸಾಧ್ಯತೆ ಇರುವುದರಿಂದ ಅದನ್ನು ಸ್ವೀಕರಿಸದಂತೆ ಮಗಳಿಗೆ ಹೇಳಿದ್ದಾಗಿ ತಿಳಿಸಿದ್ದಾರೆ.
ತಮ್ಮ ಮನೆಯಲ್ಲಿ ದೇಶ ವಿರೋಧಿ ಚಟುವಟಿಕೆಗಳು ನಡೆಯುತ್ತಿದ್ದು, ತಮ್ಮ ಮಗಳು ತಮ್ಮನ್ನು ಮನೆಯಿಂದ ಹೊರಹಾಕಲು ಪ್ರಯತ್ನಿಸಿದ್ದಳು ಎಂದು ಅವರು ಆರೋಪಿಸಿದ್ದಾರೆ. ಅಪ್ಪನಿಂದ ದೂರವಾಗಿರುವ ಶೆಹ್ಲಾ, ಟ್ವಿಟ್ಟರ್ನಲ್ಲಿ ಆರೋಪಗಳನ್ನು ನಿರಾಕರಿಸಿದ್ದಾರೆ.
ದೂರಿಗೆ ಪ್ರತಿಕ್ರಿಯೆ ಇದು
'ನನ್ನ ತಂದೆ ನನ್ನ ಮೇಲೆ, ಅಮ್ಮ ಮತ್ತು ಸಹೋದರಿಯ ವಿರುದ್ಧ ಕೆಟ್ಟ ಆರೋಪಗಳನ್ನು ಮಾಡುವ ವಿಡಿಯೋವನ್ನು ನಿಮ್ಮಲ್ಲಿ ಅನೇಕರು ನೋಡಿರಬಹುದು. ಸಂಕ್ಷಿಪ್ತ ಮತ್ತು ನೇರವಾಗಿ ಹೇಳುತ್ತೇನೆ, ಅವರು ಪತ್ನಿ ಪೀಡಕ ಮತ್ತು ನಿಂದಕ, ನೀತಿಭ್ರಷ್ಟ ವ್ಯಕ್ತಿ. ನಾವು ಕೊನೆಗೂ ಆತನ ವಿರುದ್ಧ ಕ್ರಮ ತೆಗೆದುಕೊಳ್ಳಲು ಮುಂದಾಗಿದ್ದೆವು. ಅದಕ್ಕೆ ಆತನ ಪ್ರತಿಕ್ರಿಯೆ ಇದು' ಎಂದು ಶೆಹ್ಲಾ ಟ್ವೀಟ್ ಮಾಡಿದ್ದಾರೆ.
ಶೆಹ್ಲಾ ರಶೀದ್ ಆರೋಪ
'ನಾವು ಕುಟುಂಬದ ಆಪ್ತರ ಸಾವಿನ ದುಃಖದಲ್ಲಿದ್ದರೆ ನಮ್ಮ ತಂದೆ ಅಬ್ದುಲ್ ರಶೀದ್ ಶೋರಾ ಅವರು ಈ ಸಮಯದಲ್ಲಿ ಅತ್ಯಂತ ಕೀಳು ಮತ್ತು ಆಧಾರರಹಿತ ಆರೋಪಗಳನ್ನು ಮಾಡುತ್ತಿರುವುದು ಅತೀವ ದುಃಖಕರವಾಗಿದೆ. ಇದು ನನ್ನ ಕುಟುಂಬದ ವಿಚಾರವಾಗಿದ್ದರೂ ಈ ಆರೋಪಗಳು ಬಹಳ ಗಂಭೀರ ಸ್ವರೂಪದ್ದಾಗಿರುವುದರಿಂದ ನಾನು ಇಲ್ಲಿ ಪ್ರತಿಕ್ರಿಯೆ ನೀಡಬೇಕಿದೆ. ಸುದೀರ್ಘಕಾಲದಿಂದ ನಮಗೆ ಹಿಂಸೆ ನೀಡುತ್ತಿರುವ ಅಪ್ಪನ ವಿರುದ್ಧ ಕೋರ್ಟ್ನಲ್ಲಿ ಕೌಟುಂಬಿಕ ದೌರ್ಜನ್ಯ ದೂರು ಸಲ್ಲಿಸಿದ್ದೆವು. ನಾವು ಚಿಕ್ಕವರಾಗಿದ್ದಾಗ ಅಮ್ಮ ಈ ಹಿಂಸೆಗಳನ್ನು ಸಹಿಸಿಕೊಂಡಿದ್ದರು. ಆಗ ನಮಗೆ ಅವರನ್ನು ರಕ್ಷಿಸಲು ಆಗಿರಲಿಲ್ಲ. ಈಗ ನಾವು ಅಪ್ಪನಿಗೆ ತಿರುಗಿಬಿದ್ದಿದ್ದೇವೆ. ಅವರನ್ನು ಗಂಭೀರವಾಗಿ ಪರಿಗಣಿಸಬೇಡಿ ಎಂದು ಶೆಹ್ಲಾ ಹೇಳಿದ್ದಾರೆ.
ಐಎಎಸ್ ಟಾಪರ್ ಹೆಸರು
ಈ ಘಟನೆಯಲ್ಲಿ ತಮ್ಮ ಹೆಸರು ಕೇಳಿಬಂದಿರುವುದಕ್ಕೆ 2010ರ ಐಎಎಸ್ ಟಾಪರ್ ಶಾ ಫೈಸಲ್ ಸ್ಪಷ್ಟನೆ ನೀಡಿದ್ದಾರೆ. ಎರಡು ವರ್ಷಕ್ಕೂ ಹಿಂದೆ ರಶೀದ್ ಜತೆ ಜಮ್ಮು ಮತ್ತು ಕಾಶ್ಮೀರ ಪೀಪಲ್ಸ್ ಮೂವ್ಮೆಂಟ್ ಆರಂಭಿಸಿದ್ದ ಫೈಸಲ್, ಈ ಕುಟುಂಬದ ವಿವಾದದಲ್ಲಿ ತಮ್ಮ ಹೆಸರನ್ನು ಎಳೆಯದಂತೆ ಟ್ವೀಟ್ ಮಾಡಿದ್ದಾರೆ. ನನ್ನ ಮಾಜಿ ಸಹೋದ್ಯೋಗಿಯ ಕುಟುಂಬದ ವಿವಾದದಲ್ಲಿ ನನ್ನ ಹೆಸರನ್ನು ಎಳೆಯಲಾಗಿದೆ. ನಾನು ಯಾವುದೇ ಭಯೋತ್ಪಾದನಾ ಆರೋಪಿ ವ್ಯಕ್ತಿಯನ್ನು ಭೇಟಿ ಮಾಡಿಲ್ಲ ಅಥವಾ ಸಂಪರ್ಕಿಸಿಲ್ಲ ಎಂದು ಅವರು ಹೇಳಿದ್ದಾರೆ.
-
March 21 Horoscope: 12 ರಾಶಿಗಳ ಇಂದುದಿನ ಭವಿಷ್ಯ – ಹಣ, ಆರೋಗ್ಯ, ಕೆಲಸದ ಫಲಿತಾಂಶ -
SWR: ವಿಜಯಪುರ-ಮಂಗಳೂರು ಎಕ್ಸ್ಪ್ರೆಸ್ ರೈಲು ಸಂಚಾರದಲ್ಲಿ ಭಾಗಶಃ ರದ್ದು, ವೇಳಾಪಟ್ಟಿ ಗಮನಿಸಿ -
ಜಿಯೋ, ಏರ್ಟೆಲ್ಗೆ ಸೆಡ್ಡು ಹೊಡೆಯಲು BSNL ಮಾಸ್ಟರ್ ಪ್ಲಾನ್: ವೊಡಾಫೋನ್ ಐಡಿಯಾ ಜತೆ ಮಹತ್ವದ ಹೆಜ್ಜೆ -
Rain Alert: ಕರ್ನಾಟಕದಲ್ಲಿ ಮಾ.27ರವರೆಗೆ ಗುಡುಗು ಸಹಿತ ಮಳೆ, ಕರಾವಳಿಗೆ ಉಷ್ಣ ಅಲೆ ಎಚ್ಚರಿಕೆ -
ಯುವತಿಯರ ಜೊತೆ ಸೆಕ್ಯೂರಿಟಿ ಗಾರ್ಡ್ ಭರ್ಜರಿ ಸ್ಟೆಪ್ಸ್: 'ಬೇಬಿ ಡಾಲ್' ಡ್ಯಾನ್ಸ್ ವಿಡಿಯೋ ಸಖತ್ Viral -
Gold Price Today: ಇಂದು ಚಿನ್ನ-ಬೆಳ್ಳಿ ದರದಲ್ಲಿ ದಾಖಲೆಯ ಇಳಿಕೆ, 30000 ರೂ ಕುಸಿದ ಬಿಳಿ ಲೋಹ -
India Rain Forecast: ಮುಂದಿನ 5 ದಿನ ಈ ಭಾಗಗಳಲ್ಲಿ ವ್ಯಾಪಕ ಮಳೆ, ಉಷ್ಣ ಅಲೆ ಎಚ್ಚರಿಕೆ -
ಶೃಂಗೇರಿ ಮಠದಿಂದ ಶಾಲಾ ಮಕ್ಕಳಿಗೆ ಸುವರ್ಣಾವಕಾಶ: 'ರಾಮಾಯಣ ಪರೀಕ್ಷೆ' ಬರೆದು 50 ಸಾವಿರ ರೂ. ನಗದು ಗೆಲ್ಲಿ -
Vande Bharat Express: ಬೆಂಗಳೂರು-ಕಲಬುರಗಿ ಸೇರಿದಂತೆ 4 ರೈಲುಗಳ ವೇಳಾಪಟ್ಟಿ ಪರಿಷ್ಕರಣೆ -
ಕರ್ನಾಟಕ PGCET 2026 ಅಧಿಸೂಚನೆ ಪ್ರಕಟ: ಎಂಬಿಎ ಸೇರಿ ವಿವಿಧ ಸ್ನಾತಕೋತ್ತರ ಪದವಿ ಪ್ರವೇಶಾತಿಗೆ ಮಾರ್ಚ್ 23 ರಿಂದ ಅರ್ಜಿ ಆಹ್ವಾನ -
ವಿಶ್ವಮಾತೆ ಎನ್ನುತ್ತಾ ಶ್ರೀಚಾಮುಂಡೇಶ್ವರಿಯ ಕನ್ನಡ ಹಾಡು ಹಂಚಿಕೊಂಡ ಪ್ರಧಾನಿ ಮೋದಿ -
ಮಾರ್ಚ್ 21ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ
Click it and Unblock the Notifications
Sign in with Google