ಜಮ್ಮು ಕಾಶ್ಮೀರದಲ್ಲಿ ಸಾಮಾಜಿಕ ಜಾಲತಾಣ ನಿರ್ಬಂಧ ತೆರವು
ಜಮ್ಮು ಕಾಶ್ಮೀರ, ಮಾರ್ಚ್ 4: ಜಮ್ಮು ಕಾಶ್ಮೀರದಲ್ಲಿ ಸಾಮಾಜಿಕ ಜಾಲತಾಣದ ಮೇಲೆ ಹೇರಲಾಗಿದ್ದ ನಿರ್ಬಂಧವನ್ನು ಆಡಳಿತ ಮಂಡಳಿ ತೆರವುಗೊಳಿಸಿದೆ. ಸುಮಾರು 7 ತಿಂಗಳ ಬಳಿಕ ಜಮ್ಮು ಕಾಶ್ಮೀರದಲ್ಲಿ ಸೋಶಿಯಲ್ ಮೀಡಿಯಾ ವೆಬ್ ಸೈಟ್ ಗಳ ಬಳಕೆಗೆ ಅವಕಾಶ ಮಾಡಿಕೊಡಲಾಗಿದೆ.
ಆರ್ಟಿಕಲ್ 370ನೇ ವಿಧಿ ರದ್ದು ಮಾಡಿದ ಹಿನ್ನೆಲೆ ಜಮ್ಮು ಕಾಶ್ಮೀರದಲ್ಲಿ ಆಗಸ್ಟ್ 5, 2019ರಿಂದ ಸಾಮಾಜಿಕ ಜಾಲತಾಣ ಬಳಕೆಯನ್ನು ನಿಷೇಧ ಮಾಡಲಾಗಿತ್ತು.
ಇದೀಗ, ಜಮ್ಮು ಕಾಶ್ಮೀರದ ಹೊಸ ನಿಯಮದ ಪ್ರಕಾರ, ಇಂಟರ್ ನೆಟ್ ಸೌಲಭ್ಯ ಒದಗಿಸಲಾಗಿದೆ. 2ಜಿ ವೇಗದಲ್ಲಿ ಅಂತರ್ಜಾಲ ಬಳಸಲು ಅವಕಾಶ ಮಾಡಿಕೊಡಲಾಗಿದೆ. ಆದರೆ ಯಾವೆಲ್ಲಾ ವೆಬ್ ಸೈಟ್ ಬಳಕೆಗೆ ಮುಕ್ತ ಅವಕಾಶ ನೀಡಲಾಗಿದೆ ಎಂಬುದು ಸದ್ಯಕ್ಕೆ ತಿಳಿದಿಲ್ಲ.
ಲ್ಯಾಂಡ್ ಲೈನ್ ದೂರವಾಣಿಗೂ ಇಂಟರ್ ನೆಟ್ ಸೌಲಭ್ಯ ನೀಡಲಾಗಿದೆ. ಆದರೆ ಅದಕ್ಕೆ ಅನುಮತಿ ಪಡೆಯಬೇಕಿದೆ. ಪರಿಶೀಲನೆ ಬಳಿಕವಷ್ಟೆ ಅದು ಕಾರ್ಯಗತವಾಗಲಿದೆ ಎಂದು ಜಮ್ಮು ಕಾಶ್ಮೀರದ ಗೃಹ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಶಲೀನ್ ಕಬ್ರ ಆದೇಶ ಹೊರಡಿಸಿದ್ದಾರೆ.
ಜೊತೆಗೆ ಕೆಲವು ನಿರ್ದಿಷ್ಟ ನಿಬಂಧನೆಗಳನ್ನು ಕೂಡ ಗೃಹ ಇಲಾಖೆ ತಿಳಿಸಿದೆ.
-ಕೇವಲ 2ಜಿ ವೇಗದ ಇಂಟರ್ ನೆಟ್ ಮಾತ್ರ ಅವಕಾಶ ನೀಡಲಾಗಿದೆ
-ಸದ್ಯಕ್ಕೆ ಪೋಸ್ಟ್ ಪೇಡ್ ಸಿಮ್ ಬಳಕೆದಾರರಿಗೆ ಮಾತ್ರ ಇಂಟರ್ ನೆಟ್ ಅವಕಾಶ ಇದೆ. ಪ್ರೀ-ಪೇಡ್ ಸಿಮ್ಗಳಿಗೆ ಪರಿಶೀಲನೆ ನಂತರ ಅನುಮತಿ ನೀಡಲಾಗುತ್ತೆ.
-ಲ್ಯಾಂಡ್ ಲೈನ್ ಫೋನ್ಗಳಿಗೆ ಮಾತ್ರ ಅಂತರ್ಜಾಲ ಅವಕಾಶ ಇದೆ
Click it and Unblock the Notifications
Sign in with Google