ಜಮ್ಮು ಮತ್ತು ಕಾಶ್ಮೀರದಲ್ಲಿ ಮೊದಲ INOX ಮಲ್ಟಿಫ್ಲೆಕ್ಸ್‌ ಓಪನ್‌

Published: Tuesday, September 20, 2022, 16:16 [IST]

ಶ್ರೀನಗರ, ಸೆಪ್ಟೆಂಬರ್‌ 20: ಸದಾ ಮದ್ದು, ಗುಂಡು ಬಾಂಬ್ ಘರ್ಷಣೆಗಳ ವರದಿಗಳ ಹೊರತಾಗಿಯೂ ಜಮ್ಮು ಮತ್ತು ಕಾಶ್ಮೀರದ ಜನರು ಚಿತ್ರಮಂದಿರಗಳಲ್ಲಿ ಚಲನಚಿತ್ರ ನೋಡಲು ಸಾಧ್ಯವಾಗಲಿದೆ. ಅಲ್ಲದೆ ಇಲ್ಲಿ ಇನ್ನು ಮುಂದೆ ಮೊದಲ ಮಲ್ಟಿಪ್ಲೆಕ್ಸ್‌ನಲ್ಲಿ ಕುಳಿತು ಸಿನೆಮಾ ನೋಡಬಹುದಾಗಿದೆ.

ಎಲ್ಲಾ ಕಾಶ್ಮೀರಿಗಳಿಗೆ ವಿಶೇಷವೆಂಬಂತೆ ಮೂವತ್ತು ವರ್ಷಗಳ ಚಲನಚಿತ್ರಗಳಿಂದ ವಿರಾಮದ ನಂತರ ಕಣಿವೆಯಲ್ಲಿ ಮೊದಲ ಮಲ್ಟಿಪ್ಲೆಕ್ಸ್ ಅನ್ನು ಶ್ರೀನಗರದಲ್ಲಿ ತೆರೆಯಲಿದೆ. ಲೆಫ್ಟಿನೆಂಟ್ ಗವರ್ನರ್ ಮನೋಜ್ ಸಿನ್ಹಾ ಉದ್ಘಾಟಿಸಿದ ನಂತರ ಕಾಶ್ಮೀರದ ಬಹು ನಿರೀಕ್ಷಿತ ಮೊದಲ ಮಲ್ಟಿಪ್ಲೆಕ್ಸ್ ಇಂದು ತೆರೆಯಲು ಸಿದ್ಧವಾಗಿದೆ.

ಶ್ರೀನಗರದಲ್ಲಿ INOX ವಿನ್ಯಾಸಗೊಳಿಸಿದ ಮಲ್ಟಿಪ್ಲೆಕ್ಸ್ ಅನ್ನು ತೆರೆಯುವುದರೊಂದಿಗೆ ಮೂರು ದಶಕಗಳ ನಂತರ ಕಾಶ್ಮೀರಿಗಳಿಗೆ ದೊಡ್ಡ ಪರದೆಯ ಮೇಲೆ ಚಲನಚಿತ್ರಗಳನ್ನು ನೋಡುವ ಸುವರ್ಣಾವಕಾಶ ಸಿಗಲಿದೆ. ಅಧಿಕಾರಿಯೊಬ್ಬರು ಹೇಳುವ ಪ್ರಕಾರ, ಮಲ್ಟಿಪ್ಲೆಕ್ಸ್‌ನಲ್ಲಿ ಒಂದೇ ಬಾರಿಗೆ 500ಕ್ಕೂ ಹೆಚ್ಚು ಜನರು ಕುಳಿತುಕೊಳ್ಳುವ ಸಾಮರ್ಥ್ಯದ ಮೂರು ದೊಡ್ಡ ಸಭಾಂಗಣಗಳನ್ನು ನಿರ್ಮಿಸಲಾಗಿದೆ.

ಆಡಿಟೋರಿಯಂನಲ್ಲಿ ಡಾಲ್ಬಿ ಅಟ್ಮಾಸ್ ಡಿಜಿಟಲ್ ಸೌಂಡ್ ಸಿಸ್ಟಮ್ ಅನ್ನು ಅಳವಡಿಸಲಾಗಿದ್ದು, ವೀಕ್ಷಕರಿಗೆ ಅತ್ಯುತ್ತಮ ಚಲನಚಿತ್ರ ಅನುಭವಕ್ಕಾಗಿ ಸರೌಂಡ್ ಸೌಂಡ್ ನೀಡುತ್ತದೆ. ಕಾಶ್ಮೀರಿ ಕರಕುಶಲ ವಸ್ತುಗಳಾದ ಖತಂಬಂದ್ ಮತ್ತು ಪೇಪಿಯರ್ ಮಾಚೆಗಳನ್ನು ಸಿನಿಮಾ ಹಾಲ್‌ನಲ್ಲಿ ಬಳಸಲಾಗಿದ್ದು, ಅದು ಎದ್ದು ಕಾಣುತ್ತದೆ.

ಮಲ್ಟಿಪ್ಲೆಕ್ಸ್‌ಗೆ ಭೇಟಿ ನೀಡುವವರಿಗೆ ಫುಡ್ ಕೋರ್ಟ್ ಕೂಡ ಮಾಡಲಾಗುತ್ತಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ. ಯುವಕರು ಕಾಶ್ಮೀರದ ಹೊರಗೆ ಸಿಗುವ ಸೌಲಭ್ಯಗಳನ್ನು ಸಿನಿಮಾದಲ್ಲಿ ಪಡೆಯಬಹುದು. 30 ವರ್ಷಗಳಿಂದ ಇಲ್ಲಿ ಅಂತಹದ್ದೇನೂ ನಡೆದಿಲ್ಲ ಎಂದು ನಾವು ನೋಡಿದ್ದೇವೆ. ಸಿನೆಮಾ ಮಂದಿರ ಏಕೆ ಮಾಡಬಾರದು ಎಂದು ನಾವು ಯೋಚಿಸಿದ್ದೇವೆಯೇ? ಆದ್ದರಿಂದ ನಾವು ಪ್ರಾರಂಭಿಸಿದ್ದೇವೆ. ಯುವಕರು ಜಮ್ಮು ಅಥವಾ ದೇಶದ ಇತರ ಪಟ್ಟಣಗಳಲ್ಲಿ ಸಿಗುವ ಅದೇ ಸೌಲಭ್ಯಗಳನ್ನು ಈ ಚಿತ್ರಮಂದಿರದಲ್ಲಿ ಪಡೆಯಬೇಕು ಎಂಬುದು ನಮ್ಮ ಆಸೆ ಎಂದು ಯೋಜನೆಯ ಅಧ್ಯಕ್ಷ ವಿಜಯ್ ಧರ್ ಹೇಳಿದ್ದಾರೆ.

ಮನರಂಜನೆಗಾಗಿ ಮಲ್ಟಿಪ್ಲೆಕ್ಸ್‌ ಅಗತ್ಯ

ಕಾಶ್ಮೀರದ ಜನರು ಹಲವು ವರ್ಷಗಳಿಂದ ಮಾನಸಿಕ ಒತ್ತಡದಿಂದ ಬಳಲುತ್ತಿದ್ದಾರೆ. ಆದ್ದರಿಂದ ಜನರು ಮನರಂಜನೆಗಾಗಿ ಮಲ್ಟಿಪ್ಲೆಕ್ಸ್‌ಗಳನ್ನು ಹೊಂದಿರುವುದು ಮುಖ್ಯ. ಗಮನಾರ್ಹವಾಗಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಚಲನಚಿತ್ರ ನಿರ್ಮಾಪಕರಿಗೆ ಆದ್ಯತೆಯ ತಾಣವಾಗಿತ್ತು. ಇದು 1990ರ ದಶಕದಲ್ಲಿ ಈ ಪ್ರದೇಶದಲ್ಲಿನ ಭಯೋತ್ಪಾದನಾ ಚಟುವಟಿಕೆಯಿಂದ ಕಡಿಮೆಯಾಯಿತು ಎಂದು ಧರ್ ಹೇಳಿದರು.

1990ರಲ್ಲಿ ಮುಚ್ಚಲ್ಪಟ್ಟಿದ್ದ ಥಿಯೇಟರ್‌ಗಳು

ಇಲ್ಲಿನ ಸ್ಥಳೀಯರು ಆಗಾಗ್ಗೆ ಚಲನಚಿತ್ರಗಳನ್ನು ವೀಕ್ಷಿಸಲು ಹೋಗುತ್ತಿದ್ದರು. ಕಣಿವೆಯಲ್ಲಿ ಮೊದಲಿನಂತೆ ಶಾಂತಿ ಮತ್ತು ಸಹೋದರತ್ವವು ನೆಲೆಸಬೇಕೆಂದು ಆಶಯ ಇದೆ. ಭಯೋತ್ಪಾದನೆಯಿಂದ ಹೆಚ್ಚಳದಿಂದಾಗಿ ಕಣಿವೆಯಲ್ಲಿ ಚಿತ್ರಮಂದಿರಗಳು 1990ರಲ್ಲಿ ಮುಚ್ಚಲ್ಪಟ್ಟಿದ್ದವು. ಜಮ್ಮು ಮತ್ತು ಕಾಶ್ಮೀರದಿಂದ 370ನೇ ವಿಧಿಯನ್ನು ರದ್ದುಗೊಳಿಸಿದ ಮೂರು ವರ್ಷಗಳ ನಂತರ ಗಡಿಯ ಇನ್ನೊಂದು ಭಾಗದಿಂದ ದೀರ್ಘಕಾಲದವರೆಗೆ ಭಯೋತ್ಪಾದನೆಯನ್ನು ಕಂಡ ಕಾಶ್ಮೀರದಲ್ಲಿ ಮಲ್ಟಿಪ್ಲೆಕ್ಸ್ ಸ್ಥಾಪನೆಯಾಗಿದೆ.

ಮೂರು ಆಡಿಟೋರಿಯಂಗಳಲ್ಲಿ ಸಿನೆಮಾ ಪ್ರದರ್ಶನ

ಆಗಸ್ಟ್‌ನಲ್ಲಿ ಪ್ರಾಜೆಕ್ಟ್ ಮ್ಯಾನೇಜರ್ ವಿಶಾಕ್ ಮಾತನಾಡಿ, ನಾವು ಕಾಶ್ಮೀರದಲ್ಲಿ INOX ಕಂಪೆನಿ ವಿನ್ಯಾಸಗೊಳಿಸಿದ ಮೊದಲ ಮಲ್ಟಿಪ್ಲೆಕ್ಸ್ ಅನ್ನು ಪ್ರಾರಂಭಿಸುತ್ತಿದ್ದೇವೆ. ಮೂರು ಆಡಿಟೋರಿಯಂಗಳಲ್ಲಿ ಆಧುನಿಕ ಧ್ವನಿ ವ್ಯವಸ್ಥೆಗಳನ್ನು ಅಳವಡಿಸಲಾಗಿದೆ. ಬೆಳ್ಳಿ ಪರದೆಯನ್ನು ಬಳಸಲಾಗುತ್ತಿದೆ. ರಿಕ್ಲೈನರ್ ಸೀಟ್‌ಗಳು, ಹಾಗೆಯೇ ಸಾಮಾನ್ಯ ಕುರ್ಚಿಗಳನ್ನು ಸಹ ಲಭ್ಯವಾಗುವಂತೆ ಮಾಡಲಾಗಿದೆ ಎಂದು ಹೇಳಿದರು.

ಮೂವತ್ತು ವರ್ಷದ ನಂತರ ಸಿನೆಮಾ ನೋಡೋ ಭಾಗ್ಯ

ಈಗ ಕಾಶ್ಮೀರದ ಬಹು ನಿರೀಕ್ಷಿತ ಮೊದಲ ಮಲ್ಟಿಪ್ಲೆಕ್ಸ್ ಇಂದು ಲೆಫ್ಟಿನೆಂಟ್ ಗವರ್ನರ್ ಮನೋಜ್ ಸಿನ್ಹಾ ಅವರಿಂದ ಉದ್ಘಾಟನೆಗೊಂಡ ನಂತರ ತೆರೆಯಲು ಸಿದ್ಧವಾಗಿದೆ. ಶ್ರೀನಗರದಲ್ಲಿ INOX ವಿನ್ಯಾಸಗೊಳಿಸಿದ ಮಲ್ಟಿಪ್ಲೆಕ್ಸ್ ಅನ್ನು ತೆರೆಯುವುದರೊಂದಿಗೆ, ಕಾಶ್ಮೀರಿಗಳಿಗೆ ಮೂರು ದಶಕಗಳ ನಂತರ ದೊಡ್ಡ ಪರದೆಯ ಮೇಲೆ ಚಲನಚಿತ್ರಗಳನ್ನು ನೋಡುವ ಅವಕಾಶ ಸಿಗಲಿದೆ.