ಅಹಂಕಾರಿ ಆಸ್ಟ್ರೇಲಿಯಾ ಬೌಲಿಂಗ್ ಪಡೆಯನ್ನ ಧೂಳ್, ಧೂಳ್ ಮಾಡಿದ ಜೈಸ್ವಾಲ್ & ಪಂತ್ ಜೋಡಿ!
ಆಸ್ಟ್ರೇಲಿಯಾ ತಂಡದ ಅಹಂಕಾರ ಅಡಗಿ ಹೋಗುತ್ತಿದೆ, ಭಾರತೀಯ ತಂಡದ ಆಟಗಾರರ ವಿರುದ್ಧ ಮೈಂಡ್ ಗೇಮ್ ಆಡಲು ಹೋಗಿ ಸ್ವತಃ ಆಸ್ಟ್ರೇಲಿಯಾ ಆಟಗಾರರು ಬುಡಕ್ಕೆ ಬೆಂಕಿ ಇಟ್ಟುಕೊಂಡು ಒದ್ದಾಡುತ್ತಿದ್ದಾರೆ. 'ಬಾರ್ಡರ್ & ಗವಾಸ್ಕರ್' ಟ್ರೋಫಿಯ 4ನೇ ಟೆಸ್ಟ್ ಮ್ಯಾಚ್ ಸಿಕ್ಕಾಪಟ್ಟೆ ಕುತೂಹಲ ಕೆರಳಿಸಿದೆ. ಒಂದು ಹಂತದಲ್ಲಿ ಆಸ್ಟ್ರೇಲಿಯಾ ಈ ಮ್ಯಾಚ್ ಗೆಲ್ಲುತ್ತದೆ ಎನ್ನಲಾಗಿತ್ತು, ಆ ಬಳಿಕ ಭಾರತವೇ ಗೆಲ್ಲುವ ನೆಚ್ಚಿನ ತಂಡವಾಗಿತ್ತು. ನೋಡ ನೋಡುತ್ತಿದ್ದಂತೆ ಭಾರತ ಮ್ಯಾಚ್ ಕೈಚೆಲ್ಲಿತ್ತು, ಹೀಗಿದ್ದಾಗ ಮತ್ತೆ ಆಸ್ಟ್ರೇಲಿಯಾಗೆ ಆಘಾತ ನೀಡಿದೆ ಭಾರತ!
ಆಸ್ಟ್ರೇಲಿಯಾದಲ್ಲಿ ಈಗ ಮಧ್ಯಾಹ್ನ 3:33 ಗಂಟೆ ಆಗಿದೆ, ಭಾರತ & ಆಸ್ಟ್ರೇಲಿಯಾ ನಡುವೆ ಸಾಕಷ್ಟು ಸಮಯದ ವ್ಯತ್ಯಾಸ ಇದ್ದು ಬೆಳಗ್ಗೆಯೇ ಅಲ್ಲಿ ಮ್ಯಾಚ್ ಶುರುವಾಗಿತ್ತು. ಆರಂಭ ಆದ 5ನೇ ದಿನ ಆಸ್ಟ್ರೇಲಿಯಾಗೆ ಬಹುಬೇಗ ಶಾಕ್ ಕೊಡ್ತು. 'ಬಾರ್ಡರ್ & ಗವಾಸ್ಕರ್' ಟ್ರೋಫಿ 4ನೇ ಟೆಸ್ಟ್ ಪಂದ್ಯದ 5ನೇ ದಿನದಾಟದಲ್ಲಿ 2ನೇ ಇನ್ನಿಂಗ್ಸ್ ಮುಗಿಸಿದ ಆಸ್ಟ್ರೇಲಿಯಾ ತಂಡವು ಭಾರತಕ್ಕೆ 340 ರನ್ಗಳ ಟಾರ್ಗೆಟ್ ನೀಡಿತ್ತು. ಆರಂಭದಲ್ಲಿ ಮತ್ತೆ ಮಕಾಡೆ ಮಲಗಿದ್ದ ಭಾರತ ಬ್ಯಾಟಿಂಗ್ ಪಡೆ ಕೇವಲ 33 ರನ್ಗೆ 3 ವಿಕೆಟ್ ಕಳೆದುಕೊಂಡು ನರಳಾಡಿತ್ತು!
ಜೈಸ್ವಾಲ್ & ಪಂತ್ ಭರ್ಜರಿ ಬ್ಯಾಟಿಂಗ್!
ಭಾರತದ ಆರಂಭಿಕ ಆಟಗಾರರು ಕೈಕೊಟ್ಟು ಹೋದರು, ಭಾರತ ತಂಡದ ಕ್ಯಾಪ್ಟನ್ ಆದ ರೋಹಿತ್ ಶರ್ಮಾ ಕೇವಲ 9 ರನ್ಗೆ ಗೂಡು ಸೇರಿದರು & ಕೆ.ಎಲ್. ರಾಹುಲ್ ಡಕ್ ಔಟ್ ಆಗಿ ಹೋಗಿಬಂದ ಪುಟ್ಟ ಎಂಬಂತೆ ಆಟ ಆಡಿದರು. ಇಷ್ಟೆಲ್ಲದರ ನಡುವೆ ಅತಿಹೆಚ್ಚು ನೋವು ನೀಡಿದ್ದು ವಿರಾಟ್ ಕೊಹ್ಲಿ ಅವರ ಆಟ, ವಿರಾಟ್ ಕೊಹ್ಲಿ ಅವರು ಕೇವಲ 5 ರನ್ಗೆ ಔಟ್ ಆಗಿಬಿಟ್ಟರು.
ಮಿಚೆಲ್ ಸ್ಟಾರ್ಕ್ ಅವರ ಔಟ್ ಸ್ವಿಂಗ್ ಬಾಲ್ ಮುಟ್ಟಲು ಹೋಗಿ ಎಡ್ಜ್ ಆದ ಕಾರಣ ಸ್ಲಿಪ್ ಅಲ್ಲಿ ಕ್ಯಾಚ್ ಕೊಟ್ಟು ವಿರಾಟ್ ಕೊಹ್ಲಿ ಗೂಡು ಸೇರಿದರು. ಹೀಗಿದ್ದಾಗ ಶುರು ಆಗಿದ್ದು ನೋಡಿ ಜೈಸ್ವಾಲ್ & ಪಂತ್ ಅಬ್ಬರ. ಒಂದು ಕಡೆ ಯಶಸ್ವಿ ಜೈಸ್ವಾಲ್ 70 ರನ್ ಬಾರಿಸಿ ಈಗಲೂ ಆಟ ಆಡುತ್ತಿದ್ದರೆ, ಇನ್ನೊಂದು ಕಡೆ ರಿಷಬ್ ಪಂತ್ ಕೂಡ ಅಬ್ಬರಿಸುತ್ತಾ 30 ರನ್ ಗಳಿಸಿ ಜೈಸ್ವಾಲ್ಗೆ ಸಾಥ್ ನೀಡಿದ್ದಾರೆ.
Click it and Unblock the Notifications
Sign in with Google