WPL 2025: ವಿವಿಧ ತಂಡಗಳಿಗೆ ಹರಾಜಾದ ಆಟಗಾರರ ಪಟ್ಟಿ

Published: Sunday, December 15, 2024, 19:08 [IST]

ಮಹಿಳಾ ಪ್ರೀಮಿಯರ್ ಲೀಗ್ 2025ರ ಹರಾಜು ಪ್ರಕ್ರಿಯೆ ಮುಕ್ತಾಯವಾಗಿದೆ. ಮಿನಿ ಹರಾಜು ಆದರೂ ಕೆಲವು ಆಟಗಾರರು ಕೋಟಿ ಕೋಟಿ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. 120 ಆಟಗಾರರು ಹರಾಜಿನಲ್ಲಿ ನೋಂದಾಯಿಸಿಕೊಂಡಿದ್ದರೂ, 18 ಆಟಗಾರರು ಮಾತ್ರ ಹರಾಜಾದರು. ಕೆಲವು ಆಟಗಾರರು ಕೋಟಿ ಮೊತ್ತ ಪಡೆದರೆ ಇನ್ನೂ ಕೆಲವು ಆಟಗಾರರು ಮೂಲ ಬೆಲೆಗೆ ಹರಾಜಾದರು. ಹಿರಿಯ ಆಟಗಾರರಿಗಿಂತ ಕಿರಿಯ ಆಟಗಾರರಿಗೆ ಈ ಬಾರಿ ಹರಾಜಿನಲ್ಲಿ ಹೆಚ್ಚಿನ ಬೇಡಿಕೆ ಇತ್ತು.

ವೆಸ್ಟ್ ಇಂಡೀಸ್‌ನ ಆಲ್‌ರೌಂಡರ್ ಡಿಯಾಂಡ್ರಾ ಡಾಟಿನ್‌ ಬರೋಬ್ಬರಿ 1.70 ಕೋಟಿ ರೂಪಾಯಿಗೆ ಗುಜರಾತ್ ಜೈಂಟ್ಸ್ ಪಾಲಾಗುವ ಮೂಲಕ ಹರಾಜು ಪ್ರಕ್ರಿಯೆ ಆರಂಭವಾಯಿತು. ಆಲ್‌ರೌಂಡರ್ ಸಿಮ್ರಾನ್ ಶೇಕ್, ತಮಿಳುನಾಡಿನ 16 ವರ್ಷದ ಬ್ಯಾಟರ್ ಕಮಲಿನಿ ದೊಡ್ಡ ಮೊತ್ತಕ್ಕೆ ಹರಾಜಾಗಿ ಅಚ್ಚರಿ ಮೂಡಿಸಿದರು.

wpl 2025 auction full list of sold players with price

ಸಿಮ್ರಾನ್ ಶೇಕ್‌ರನ್ನು ಖರೀದಿ ಮಾಡಲು ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಗುಜರಾತ್ ಜೈಂಟ್ಸ್ ನಡುವೆ ತೀವ್ರ ಪೈಪೋಟಿ ನಡೆದರೂ ಕೊನೆಗೆ ಗುಜರಾತ್ 1.90 ಕೋಟಿ ರೂಪಾಯಿಗೆ ಬಿಡ್ ಮಾಡುವ ಮೂಲಕ ಮೇಲುಗೈ ಸಾಧಿಸಿತು. 16 ವರ್ಷದ ಬ್ಯಾಟರ್ ಕಮಲಿನಿ ಭಾನುವಾರ ನಡೆದ ಅಂಡರ್ 19 ಮಹಿಳಾ ಏಷ್ಯಾಕಪ್ ಪಂದ್ಯದಲ್ಲಿ ಪಾಕಿಸ್ತಾನದ ವಿರುದ್ಧ ಅಜೇಯ 44 ರನ್ ಗಳಿಸಿದ ಬಳಿಕ 1.60 ಕೋಟಿ ರೂಪಾಯಿಗೆ ಮುಂಬೈ ಇಂಡಿಯನ್ಸ್ ತಂಡದ ಪಾಲಾದರು.