Josh Hazlewood: ಐಪಿಎಲ್ಗೆ ಮರಳುವ ದಿನಾಂಕ ತಿಳಿಸಿದ ಆರ್ಸಿಬಿ ವೇಗಿ; ಎಷ್ಟು ಪಂದ್ಯ ಕಳೆದುಕೊಳ್ಳಲಿದ್ದಾರೆ?
ಶುಕ್ರವಾರ, ಮಾರ್ಚ್ 31ರಂದು ಬಹುನಿರೀಕ್ಷಿತ 2023ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)ನ 16ನೇ ಋತುವಿಗೆ ಅದ್ಧೂರಿ ಸಮಾರಂಭದ ಮೂಲಕ ಚಾಲನೆ ಸಿಕ್ಕಿದ್ದು, ಅಹಮದಾಬಾದ್ನ ನರೇಂದ್ರ ಸ್ಟೇಡಿಯಂನಲ್ಲಿ ನಡೆದ ಉದ್ಘಾಟನಾ ಪಂದ್ಯದಲ್ಲಿ ಎಂಎಸ್ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಹಾರ್ದಿಕ್ ಪಾಂಡ್ಯ ನಾಯಕತ್ವದ ಗುಜರಾತ್ ಟೈಟನ್ಸ್ ತಂಡಗಳು ಮುಖಾಮುಖಿಯಾದವು.
ಇನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡದ ವೇಗದ ಬೌಲರ್ ಜೋಶ್ ಹ್ಯಾಝಲ್ವುಡ್ ತಮ್ಮ ಹಿಮ್ಮಡಿ ಗಾಯದಿಂದ ಇನ್ನೂ ಚೇತರಿಸಿಕೊಳ್ಳುತ್ತಿರುವ ಕಾರಣ ಆರ್ಸಿಬಿ ತಂಡದ ಮೊದಲ ಏಳು ಪಂದ್ಯಗಳನ್ನು ತಪ್ಪಿಸಿಕೊಳ್ಳಲಿದ್ದಾರೆ. ಪ್ರಸ್ತುತ ಆಸ್ಟ್ರೇಲಿಯಾದಲ್ಲಿರುವ ಬಲಗೈ ವೇಗಿ ಜೋಶ್ ಹ್ಯಾಝಲ್ವುಡ್ ಏಪ್ರಿಲ್ ಮಧ್ಯದಲ್ಲಿ ಆರ್ಸಿಬಿ ಶಿಬಿರವನ್ನು ಸೇರುವ ಸಾಧ್ಯತೆಯಿದೆ.
2023ರ ಐಪಿಎಲ್ನಲ್ಲಿ ಆರ್ಸಿಬಿ ತಂಡಕ್ಕೆ ಸ್ಟಾರ್ ಆಟಗಾರರ ಅನುಪಸ್ಥಿತಿ ಎದ್ದುಕಾಣುತ್ತಿದೆ. ಪಂದ್ಯಾವಳಿ ಆರಂಭಕ್ಕೂ ಮುನ್ನ ಕೆಲವು ಆಟಗಾರರು ಹೊರಬಿದ್ದಿದ್ದರೆ, ಕೆಲವರು ಕೆಲವು ಪಂದ್ಯಗಳಿಗೆ ಲಭ್ಯವಿರುವುದಿಲ್ಲ. ಆರಂಭದಲ್ಲಿ ವಿಲ್ ಜಾಕ್ಸ್ ಅವರು 2023ರ ಐಪಿಎಲ್ 16ನೇ ಆವೃತ್ತಿಯ ಟೂರ್ನಿಯಿಂದ ಹೊರಗುಳಿದಿದ್ದರು, ನಂತರ ಸ್ಟಾರ್ ವೇಗಿ ಜೋಶ್ ಹ್ಯಾಜಲ್ವುಡ್ ಮತ್ತು ಕಳೆದ ವರ್ಷ ಮಿಂಚಿದ್ದ ಸ್ಟಾರ್ ಬ್ಯಾಟರ್ ರಜತ್ ಪಾಟಿದಾರ್ಗೆ ಗಾಯದ ಸಮಸ್ಯೆ ಎದುರಾಗಿದೆ.
ಈ ವರ್ಷದ ಆರಂಭದಲ್ಲಿ ಹಿಮ್ಮಡಿ ಗಾಯಗೊಂಡು ಬಾರ್ಡರ್-ಗವಾಸ್ಕರ್ ಟ್ರೋಫಿಯಿಂದ ದೂರವುಳಿದ ಜೋಶ್ ಹ್ಯಾಝಲ್ವುಡ್ ಅವರು ಆರ್ಸಿಬಿ ತಂಡಕ್ಕೆ ಮರಳಲು ದಿನಾಂಕವನ್ನು ಸಹ ನೀಡಿದ್ದಾರೆ. ಆಸ್ಟ್ರೇಲಿಯಾದ ವೇಗಿ ಜೋಶ್ ಹ್ಯಾಝಲ್ವುಡ್ ಅವರು ಏಪ್ರಿಲ್ 14ರಂದು ಐಪಿಎಲ್ 2023ಕ್ಕಾಗಿ ಭಾರತಕ್ಕೆ ಪ್ರಯಾಣಿಸಲಿದ್ದು, ಏಪ್ರಿಲ್ ಮೂರನೇ ವಾರದ ವೇಳೆಗೆ ಮೈದಾನಕ್ಕಿಳಿಯುವ ಭರವಸೆಯಲ್ಲಿದ್ದೇನೆ ಎಂದು ಒಪ್ಪಿಗೆ ಸೂಚಿಸಿದ್ದಾರೆ.
"ಎಲ್ಲವೂ ಯೋಜನೆಯ ಪ್ರಕಾರ ನಡೆಯುತ್ತಿದೆ. ಆದ್ದರಿಂದ ಮುಂದಿನ ಎರಡು ವಾರಗಳು ಪ್ರಮುಖವಾಗಿದ್ದು, ನಾನು ಏಪ್ರಿಲ್ 14ರಂದು ಭಾರತಕ್ಕೆ ಹೋಗುತ್ತೇನೆ. ಭಾರತದ ಮೈದಾನಗಳಲ್ಲಿ ಕೌಶಲ್ಯಗಳ ಬುದ್ಧಿವಂತಿಕೆಯಿಂದ ಆಡಲು ನಾನು ಆಶಾದಾಯಕವಾಗಿ ಹೋಗಲು ಸಿದ್ಧನಾಗಿರಬೇಕು," ಎಂದು ಜೋಶ್ ಹ್ಯಾಝಲ್ವುಡ್ ಹೇಳಿದ್ದಾರೆ.
ಇನ್ನು ತನ್ನ ಆಟದ ಹೊರೆ ನಿರ್ವಹಣೆಯ ಬಗ್ಗೆ ಮಾತನಾಡುತ್ತಾ, ಕ್ರಿಕೆಟ್ನ ಕಡಿಮೆ ಸ್ವರೂಪದಲ್ಲಿ ನಿರ್ವಹಿಸುವುದು ಸುಲಭ ಎಂದು ತಿಳಿಸಿದರು. ಏಕೆಂದರೆ ಒಬ್ಬ ಬೌಲರ್ ಏಕದಿನ ಪಂದ್ಯಗಳು ಮತ್ತು ಟೆಸ್ಟ್ಗಳಿಗಿಂತ ಭಿನ್ನವಾಗಿ ಟಿ20 ಕ್ರಿಕೆಟ್ನಲ್ಲಿ ಬೌಲಿಂಗ್ ಮಾಡಬೇಕಿದೆ ಎಂದರು.
ಜೋಶ್ ಹ್ಯಾಝಲ್ವುಡ್ ಅವರ ಗಾಯವು ಗುಣವಾಗಲು ಇನ್ನೂ ಕೆಲ ಸಮಯ ತೆಗೆದುಕೊಳ್ಳುತ್ತದೆ. ಐಪಿಎಲ್ನಲ್ಲಿ ಆಡುವುದರಿಂದ ಈ ವರ್ಷದ ಕೊನೆಯಲ್ಲಿ ನಡೆಯುವ ಆಶಸ್ಗೆ ಸಿದ್ಧರಾಗಲು ಐಪಿಎಲ್ ಸಹಾಯವಾಗಲಿದೆ ಎಂದು ಬಹಿರಂಗಪಡಿಸಿದರು.
Click it and Unblock the Notifications
Sign in with Google