Virat Kohli: ಆರ್ಸಿಬಿ ಬಿಡಲು ಯೋಚಿಸಿದ್ದರೇ ವಿರಾಟ್ ಕೊಹ್ಲಿ?
ವಿರಾಟ್ ಕೊಹ್ಲಿ ಸದ್ಯ ಕ್ರಿಕೆಟ್ ಜಗತ್ತಿನ ಶ್ರೇಷ್ಠ ಬ್ಯಾಟರ್ ಎಂದೇ ಹೆಸರು ಮಾಡಿದವರು. ಏಕದಿನ, ಟಿ20, ಟೆಸ್ಟ್ ಯಾವುದೇ ಮಾದರಿಯಾದರೂ ಆಡಲು ಸಿದ್ದ ಎನ್ನುವ ವಿರಾಟ್ ಕೊಹ್ಲಿ, ಅತ್ಯಂತ ಜನಪ್ರಿಯ ಕ್ರಿಕೆಟಿಗ. 2008ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಸೇರಿಕೊಂಡ ಅವರು ಇದುವರೆಗೂ ತಂಡದ ಭಾಗವಾಗಿದ್ದಾರೆ.
17 ವರ್ಷದಿಂದ ಆರ್ಸಿಬಿ ತಂಡಕ್ಕಾಗಿ ಆಡುತ್ತಿರುವ ಕೊಹ್ಲಿ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಇದುವರೆಗೂ ಕಪ್ ಗೆಲ್ಲಲು ವಿಫಲವಾಗಿದ್ದರು ಆರ್ಸಿಬಿ ತಂಡದ ಜನಪ್ರಿಯತೆ ಮಾತ್ರ ಕಡಿಮೆಯಾಗಿಲ್ಲ. ಹಾಗಾದ್ರೆ ಕೊಹ್ಲಿ ಆರ್ಸಿಬಿ ತೊರೆಯುವ ಯೋಚನೆ ಮಾಡಿದ್ರಾ? ಬೇರೆ ಫ್ರಾಂಚೈಸಿಗಳು ಕೊಹ್ಲಿಗೆ ಆಫರ್ ಕೊಟ್ಟಿಲ್ವಾ? ಇದೆಲ್ಲದರ ಬಗ್ಗೆ ಸ್ವತಃ ಕೊಹ್ಲಿ ಮಾಹಿತಿ ನೀಡಿದ್ದಾರೆ.
ಕಳೆದ ವರ್ಷ ಆರ್ಸಿಬಿ ಫ್ರಾಂಚೈಸಿಯ ಸಂದರ್ಶನದಲ್ಲಿ ಮಾತನಾಡಿದ ಕೊಹ್ಲಿ, ತಮಗೆ ಅನೇಕ ಫ್ರಾಂಚೈಸಿಗಳು ಆಫರ್ ನೀಡಿದ್ದಾಗಿ ಬಹಿರಂಗಪಡಿಸಿದ್ದರು. ಇನ್ನೊಂದು ತಂಡವನ್ನು ಸೇರಲು ಯೋಚಿಸಿದ್ದೀರಾ ಎನ್ನುವ ಪ್ರಶ್ನೆಗೆ ಉತ್ತರಿಸಿದ ಅವರು, ಹಲವು ಫ್ರಾಂಚೈಸಿಗಳು ಆಹ್ವಾನ ನೀಡಿದ್ದಾಗಿ ಹೇಳಿದರು.
ವಿರಾಟ್ ಕೊಹ್ಲಿ ಹೇಳಿದ್ದೇನು?
ಹಲವಾರು ಫ್ರಾಂಚೈಸಿಗಳು ಹೇಗೆ ಸಂಪರ್ಕಿಸಿದರು ಎಂಬುದನ್ನು ಬಹಿರಂಗಪಡಿಸಿದರು. ಆದರೆ, ಅವರು ಬೆಂಗಳೂರು ಫ್ರಾಂಚೈಸಿ ಜೊತೆಗೆ ಉಳಿಯಲು ನಿರ್ಧಾರ ಮಾಡಿದರು.
"ತುಂಬಾ ಪ್ರಾಮಾಣಿಕವಾಗಿ ಹೇಳಬೇಕೆಂದರೆ ನಾನು ಅದರ ಬಗ್ಗೆ ಯೋಚಿಸಿದೆ. ಹೌದು, ನಾನು ಅದರಿಂದ ದೂರ ಸರಿಯುವುದಿಲ್ಲ. ಹೇಗಾದರೂ ಹರಾಜಿಗೆ ಬರಲು, ನನ್ನ ಹೆಸರನ್ನು ಹಾಕಲು ನನ್ನನ್ನು ಹಲವು ಬಾರಿ ಸಂಪರ್ಕಿಸಲಾಗಿದೆ." ಎಂದು ಹೇಳಿದರು.
"ನಂತರ ನಾನು ಯೋಚಿಸಿದೆ, ಪ್ರತಿಯೊಬ್ಬರೂ ಬದುಕುತ್ತಾರೆ ನಂತರ ಸಾಯುತ್ತಾರೆ, ಜೀವನ ಮುಂದುವರೆಯುತ್ತದೆ. . ಟ್ರೋಫಿಗಳನ್ನು ಗೆದ್ದ ಅನೇಕ ಮಹಾನ್ ವ್ಯಕ್ತಿಗಳು ಇದ್ದರೂ, ಯಾರೂ ಕೂಡ ನಿಮ್ಮನ್ನು ಟ್ರೋಫಿ ಜೊತೆ ಸಂಬೋಧಿಸುವುದಿಲ್ಲ, ಯಾರು ನಿಮ್ಮನ್ನು ಐಪಿಎಲ್ ಚಾಂಪಿಯನ್ ಅಥವಾ ವಿಶ್ವಕಪ್ ಚಾಂಪಿಯನ್ ಎಂದು ಕರೆಯುವುದಿಲ್ಲ, ನೀವು ಒಳ್ಳೆಯವರಾಗಿದ್ದರೆ ಜನ ನಿಮ್ಮನ್ನು ಮೆಚ್ಚುತ್ತಾರೆ, ನೀವು ಕೆಟ್ಟವರಾಗಿದ್ದರೆ, ಅವರು ನಿಮ್ಮಿಂದ ದೂರವಿರುತ್ತಾರೆ ಮತ್ತು ಅಂತಿಮವಾಗಿ ಅದುವೇ ಜೀವನ" ಎಂದು ಕೊಹ್ಲಿ ಆರ್ಸಿಬಿ ಜೊತೆ ಉಳಿಯುವ ನಿರ್ಧಾರ ಮಾಡಿದರು.
ಯಾವುದೇ ಫ್ರಾಂಚೈಸಿಗಳು ನಂಬದಿರುವಾಗ ತನ್ನ ಮೇಲೆ ನಂಬಿಕೆ ಇಟ್ಟಿದ್ದು ಆರ್ಸಿಬಿ, ಐಪಿಎಲ್ ಟ್ರೋಫಿ ಗೆಲ್ಲುವ ತಂಡಕ್ಕೆ ಸೇರುವುದಕ್ಕಿಂತ, ನಂಬಿಕೆ ಇಟ್ಟ ತಂಡದ ಜೊತೆ ಇರುವುದು ಹೆಚ್ಚು ಮುಖ್ಯವಾಗಿದೆ ಎಂದು ಹೇಳಿದರು.
ನಾನು ನನ್ನ ಜೀವನವನ್ನು ಹೇಗೆ ಅನುಸರಿಸುತ್ತೇನೆ ಎಂಬುದಕ್ಕೆ ಆರ್ಸಿಬಿ ಯೊಂದಿಗಿನ ನಿಷ್ಠೆಯು ನನಗೆ ತುಂಬಾ ದೊಡ್ಡದಾಗಿದೆ. ಮೊದಲ ಮೂರು ವರ್ಷಗಳಲ್ಲಿ ಈ ಫ್ರಾಂಚೈಸಿ ನನಗೆ ಅವಕಾಶಗಳ ವಿಷಯದಲ್ಲಿ ಏನು ನೀಡಿದೆ ಮತ್ತು ಅದು ಅತ್ಯಂತ ವಿಶೇಷವಾಗಿದೆ ಏಕೆಂದರೆ ನಾನು ಹೇಳಿದಂತೆ ಅನೇಕ ತಂಡಗಳು ನನ್ನನ್ನು ಬೆಂಬಲಿಸಲಿಲ್ಲ, ಅವರು ಮಾಡಲಿಲ್ಲ. ನನ್ನನ್ನು ನಂಬಲಿಲ್ಲ ಎಂದು ಹೇಳಿದ್ದಾರೆ.
ಇಂತಹ ದೊಡ್ಡ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ, ಅವರ ಪತ್ನಿ ಅನುಷ್ಕಾ ಶರ್ಮಾ ಅವರ ಅಭಿಪ್ರಾಯ ಮಾತ್ರ ತನಗೆ ಮುಖ್ಯವಾಗಿದೆ ಎಂದು ಕೊಹ್ಲಿ ಬಹಿರಂಗಪಡಿಸಿದ್ದಾರೆ.
Click it and Unblock the Notifications
Sign in with Google