T20 World Cup: ಅಕ್ಟೋಬರ್ 6ರಂದು ಭಾರತ-ಪಾಕಿಸ್ತಾನ ಮುಖಾಮುಖಿ; ಟಿ20 ವಿಶ್ವಕಪ್ ವೇಳಾಪಟ್ಟಿ ಪ್ರಕಟ!

Published: Monday, August 26, 2024, 22:27 [IST]

ಬಾಂಗ್ಲಾದೇಶದಲ್ಲಿ ದಂಗೆ ನಡೆಯುತ್ತಿರುವ ಕಾರಣ ಅಲ್ಲಿ ನಡೆಯಬೇಕಿದ್ದ ಮಹಿಳಾ ಟಿ20 ವಿಶ್ವಕಪ್ ಈಗ ಯುಎಇಗೆ ಸ್ಥಳಾಂತರಿಸಲಾಗಿದೆ. ಯುಎಇಗೆ ಟಿ20 ವಿಶ್ವಕಪ್ ಸ್ಥಳಾಂತರದ ಬಗ್ಗೆ ಐಸಿಸಿ ಖಚಿತಪಡಿಸಿದ ಬೆನ್ನಲ್ಲೇ ಇದೀಗ ಪರಿಷ್ಕೃತ ವೇಳಾಪಟ್ಟಿಯನ್ನು ಪ್ರಕಟಿಸಿದೆ. ಅಕ್ಟೋಬರ್ 3ರಂದು ಪಂದ್ಯಾವಳಿಗೆ ಚಾಲನೆ ಸಿಗಲಿದ್ದು, ಅಕ್ಟೋಬರ್ 20ರಂದು ಫೈನಲ್ ಪಂದ್ಯ ನಡೆಯಲಿದೆ. ದುಬೈ ಮತ್ತು ಶಾರ್ಜಾ ಕ್ರೀಡಾಂಗಣದಲ್ಲಿ ಎಲ್ಲಾ ಪಂದ್ಯಗಳು ನಡೆಯಲಿವೆ.

ಮಹಿಳಾ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಒಟ್ಟು 24 ಪಂದ್ಯಗಳು ನಡೆಯಲಿದ್ದು, ಅಕ್ಟೋಬರ್ 20 ರಂದು ದುಬೈನಲ್ಲಿ ಫೈನಲ್ ಪಂದ್ಯ ನಡೆಯಲಿದೆ. ಒಟ್ಟು 10 ತಂಡಗಳು ಈ ವಿಶ್ವಕಪ್‌ನಲ್ಲಿ ಸ್ಪರ್ಧಿಸಲಿವೆ.

ICC Unveils Revised Women s T20 World Cup Schedule India vs Pakistan Clash

ಭಾರತ ತಂಡದ ಜೊತೆ ಆರು ಬಾರಿಯ ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯಾ, ಸಾಂಪ್ರದಾಯಿಕ ಎದುರಾಳಿಗಳಾದ ಪಾಕಿಸ್ತಾನ, ನ್ಯೂಜಿಲೆಂಡ್ ಮತ್ತು ಏಷ್ಯಾಕಪ್ ವಿಜೇತ ಶ್ರೀಲಂಕಾ ತಂಡಗಳು ಎ ಗುಂಪಿನಲ್ಲಿ ಆಡಲಿವೆ. ಬಿ ಗುಂಪಿನಲ್ಲಿ ದಕ್ಷಿಣ ಆಫ್ರಿಕಾ, ವೆಸ್ಟ್ ಇಂಡೀಸ್, ಇಂಗ್ಲೆಂಡ್, ಆತಿಥೇಯ ಬಾಂಗ್ಲಾದೇಶ ಮತ್ತು ಸ್ಕಾಟ್ಲೆಂಡ್ ಸೇರಿವೆ.

ಅಕ್ಟೋಬರ್ 3ರಂದು ಗುರುವಾರ ನಡೆಯುವ ಮೊದಲ ಪಂದ್ಯದಲ್ಲಿ ಬಾಂಗ್ಲಾದೇಶ ಮತ್ತು ಸ್ಕಾಟ್ಲೆಂಡ್ ತಂಡಗಳು ಮುಖಾಮುಖಿಯಾಗಲಿವೆ. ಅಕ್ಟೋಬರ್ 4ರಂದು ಭಾರತ ಟಿ20 ವಿಶ್ವಕಪ್‌ನ ತಮ್ಮ ಮೊದಲ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಎದುರಿಸಲಿದ್ದು ದುಬೈನಲ್ಲಿ ಈ ಪಂದ್ಯ ನಡೆಯಲಿದೆ.

ಭಾರತ-ಪಾಕಿಸ್ತಾನ ಪಂದ್ಯ ಯಾವಾಗ?

ಇನ್ನು ಬಹುನಿರೀಕ್ಷಿತ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯ ಅಕ್ಟೋಬರ್ 6ರಂದು ನಡೆಯಲಿದೆ. ದುಬೈನಲ್ಲಿ ಈ ಪಂದ್ಯ ನಡೆಯಲಿದ್ದು, ಸ್ಥಳೀಯ ಕಾಲಮಾನ 3.30ಕ್ಕೆ ಪಂದ್ಯ ಆರಂಭವಾಗಲಿದೆ.

ದಿನಾಂಕ	ದಿನ	ತಂಡ 1	ತಂಡ 2	ಸ್ಥಳ	ಸಮಯ (IST)
ಅಕ್ಟೋಬರ್ 3	ಗುರುವಾರ	ಬಾಂಗ್ಲಾದೇಶ	ಸ್ಕಾಟ್ಲೆಂಡ್	ಶಾರ್ಜಾ	ಮಧ್ಯಾಹ್ನ 3.30
ಅಕ್ಟೋಬರ್ 3	ಗುರುವಾರ	ಪಾಕಿಸ್ತಾನ	ಶ್ರೀಲಂಕಾ	ಶಾರ್ಜಾ	ಸಂಜೆ 7.30
ಅಕ್ಟೋಬರ್ 4	ಶುಕ್ರವಾರ	ದಕ್ಷಿಣ ಆಫ್ರಿಕಾ	ವೆಸ್ಟ್ ಇಂಡೀಸ್	ದುಬೈ	ಮಧ್ಯಾಹ್ನ 3.30
ಅಕ್ಟೋಬರ್ 4	ಶುಕ್ರವಾರ	ಭಾರತ	ನ್ಯೂಜಿಲೆಂಡ್	ದುಬೈ	ಸಂಜೆ 7.30
ಅಕ್ಟೋಬರ್ 5	ಶನಿವಾರ	ಬಾಂಗ್ಲಾದೇಶ	ಇಂಗ್ಲೆಂಡ್	ಶಾರ್ಜಾ	ಮಧ್ಯಾಹ್ನ 3.30
ಅಕ್ಟೋಬರ್ 5	ಶನಿವಾರ	ಆಸ್ಟ್ರೇಲಿಯಾ	ಶ್ರೀಲಂಕಾ	ಶಾರ್ಜಾ	ಸಂಜೆ 7.30
ಅಕ್ಟೋಬರ್ 6	ಭಾನುವಾರ	ಭಾರತ	ಪಾಕಿಸ್ತಾನ	ದುಬೈ	ಮಧ್ಯಾಹ್ನ 3.30
ಅಕ್ಟೋಬರ್ 6	ಭಾನುವಾರ	ವೆಸ್ಟ್ ಇಂಡೀಸ್	ಸ್ಕಾಟ್ಲೆಂಡ್	ದುಬೈ	ಸಂಜೆ 7.30
ಅಕ್ಟೋಬರ್ 7	ಸೋಮವಾರ	ಇಂಗ್ಲೆಂಡ್	ದಕ್ಷಿಣ ಆಫ್ರಿಕಾ	ಶಾರ್ಜಾ	ಸಂಜೆ 7.30
ಅಕ್ಟೋಬರ್ 8	ಮಂಗಳವಾರ	ಆಸ್ಟ್ರೇಲಿಯಾ	ನ್ಯೂಜಿಲೆಂಡ್	ಶಾರ್ಜಾ	ಸಂಜೆ 7.30
ಅಕ್ಟೋಬರ್ 9	ಬುಧವಾರ	ದಕ್ಷಿಣ ಆಫ್ರಿಕಾ	ಸ್ಕಾಟ್ಲೆಂಡ್	ದುಬೈ	ಮಧ್ಯಾಹ್ನ 3.30
ಅಕ್ಟೋಬರ್ 9	ಬುಧವಾರ	ಭಾರತ	ಶ್ರೀಲಂಕಾ	ದುಬೈ	ಸಂಜೆ 7.30
ಅಕ್ಟೋಬರ್ 10	ಗುರುವಾರ	ಬಾಂಗ್ಲಾದೇಶ	ದಕ್ಷಿಣ ಆಫ್ರಿಕಾ	ಶಾರ್ಜಾ	ಸಂಜೆ 7.30
ಅಕ್ಟೋಬರ್ 11	ಶುಕ್ರವಾರ	ಆಸ್ಟ್ರೇಲಿಯಾ	ಪಾಕಿಸ್ತಾನ	ದುಬೈ	ಸಂಜೆ 7.30
ಅಕ್ಟೋಬರ್ 12	ಶನಿವಾರ	ನ್ಯೂಜಿಲೆಂಡ್	ಶ್ರೀಲಂಕಾ	ಶಾರ್ಜಾ	ಮಧ್ಯಾಹ್ನ 3.30
ಅಕ್ಟೋಬರ್ 12	ಶನಿವಾರ	ಬಾಂಗ್ಲಾದೇಶ	ದಕ್ಷಿಣ ಆಫ್ರಿಕಾ	ದುಬೈ	ಸಂಜೆ 7.30
ಅಕ್ಟೋಬರ್ 13	ಭಾನುವಾರ	ಇಂಗ್ಲೆಂಡ್	ಸ್ಕಾಟ್ಲೆಂಡ್	ಶಾರ್ಜಾ	ಮಧ್ಯಾಹ್ನ 3.30
ಅಕ್ಟೋಬರ್ 13	ಭಾನುವಾರ	ಭಾರತ	ಆಸ್ಟ್ರೇಲಿಯಾ	ಶಾರ್ಜಾ	ಸಂಜೆ 7.30
ಅಕ್ಟೋಬರ್ 14	ಸೋಮವಾರ	ಪಾಕಿಸ್ತಾನ	ನ್ಯೂಜಿಲೆಂಡ್	ದುಬೈ	ಸಂಜೆ 7.30
ಅಕ್ಟೋಬರ್ 15	ಮಂಗಳವಾರ	ಇಂಗ್ಲೆಂಡ್	ವೆಸ್ಟ್ ಇಂಡೀಸ್	ದುಬೈ	ಸಂಜೆ 7.30
ಅಕ್ಟೋಬರ್ 17	ಗುರುವಾರ	ಸೆಮಿಫೈನಲ್		ದುಬೈ	ಸಂಜೆ 7.30
ಅಕ್ಟೋಬರ್ 18	ಶುಕ್ರವಾರ	ಸೆಮಿಫೈನಲ್		ಶಾರ್ಜಾ	ಸಂಜೆ 7.30
ಅಕ್ಟೋಬರ್ 20	ಭಾನುವಾರ	ಫೈನಲ್		ದುಬೈ	ಸಂಜೆ 7.30