ಟ್ರೋಲ್ ಆದ ಈ ಪುಟ್ಟ ಹುಡುಗನ ಫೋಟೊ ಕಥೆ
ಶಿವಮೊಗ್ಗ, ನವೆಂಬರ್ 11: ನವೆಂಬರ್ 1ರಂದು ಮಕ್ಕಳು, ಶಾಲಾ ಶಿಕ್ಷಕರು ಎಲ್ಲರೂ ಕನ್ನಡ ರಾಜ್ಯೋತ್ಸವದ ಆಚರಣೆಯಲ್ಲಿ ಮಗ್ನರಾಗಿದ್ದರು. ಸಚಿವ ಈಶ್ವರಪ್ಪ ಶಿವಮೊಗ್ಗದಲ್ಲಿ ಧ್ವಜಾರೋಹಣ ಮುಗಿಸಿ ಶಾಲಾ ಮಕ್ಕಳ ನೃತ್ಯವನ್ನು ನೋಡುತ್ತಿದ್ದರು. ಈ ಸಂದರ್ಭದಲ್ಲೇ ಧ್ವಜದ ಕಟ್ಟೆ ಹತ್ತಿ ಖಾಸಗಿ ಶಾಲಾ ವಿದ್ಯಾರ್ಥಿಗಳು ನೃತ್ಯ ಮಾಡುತ್ತಿದ್ದುದನ್ನು ಗಾಂಭೀರ್ಯದಿಂದ ನೋಡುತ್ತಾ ನಿಂತಿದ್ದ ಒಬ್ಬ ಹುಡುಗ.
ಈ ಪುಟ್ಟ ಹುಡುಗನ ವಿಡಿಯೋ ಮತ್ತು ಚಿತ್ರ ತುಂಬಾ ಟ್ರೋಲ್ ಆಗಿತ್ತು. ಗತ್ತಿನಿಂದ ನೋಡುತ್ತಾ ನಿಂತಿದ್ದ ಈ ಹುಡುಗನ ಚಿತ್ರ ಸಾವಿರಾರು ಜನರಿಂದ ಮೆಚ್ಚುಗೆ ಪಡೆದಿತ್ತು. ಕನ್ನಡ ಸರ್ಕಾರಿ ಶಾಲೆಗಳ ಮಕ್ಕಳ ಧೈರ್ಯವನ್ನು ಕೊಂಡಾಡುತ್ತಾ ಹಲವು ಕಮೆಂಟ್ ಗಳೂ ಈ ಫೋಟೊಗೆ ಬಂದಿದ್ದವು. ರಾಜಾರೋಷವಾಗಿ ಧ್ವಜದ ಕಟ್ಟೆ ಹತ್ತಿ ನೃತ್ಯವನ್ನು ನೋಡುತ್ತಾ ನಿಂತಿದ್ದ ಈ ಪುಟ್ಟ ಹುಡುಗನಿಗೆ, ಅವನ ಧೈರ್ಯಕ್ಕೆ, ಆ ಮುಗ್ಧತೆಗೆ ಎಷ್ಟೋ ಮಂದಿ ಮನಸೋತಿದ್ದರು.
ಈ ಕಾರ್ಯಕ್ರಮದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಸ್ ಈಶ್ವರಪ್ಪ, ವಿಧಾನ ಪರಿಷತ್ ಸದಸ್ಯ ಆರ್ ಪ್ರಸನ್ನಕುಮಾರ್ ಹಾಗೂ ಎಲ್ಲಾ ಜಿಲ್ಲಾ ಪಂಚಾಯತ್ ಸದಸ್ಯರು ಜಿಲ್ಲಾಧಿಕಾರಿಗಳು ಸೇರಿದಂತೆ ಎಲ್ಲಾ ಸರ್ಕಾರಿ ಅಧಿಕಾರಿಗಳು ಇದ್ದರು.
ಆದರೂ ಈ ಹುಡುಗ ತನ್ನಷ್ಟಕ್ಕೆ ತಾನು ನೃತ್ಯವನ್ನು ನೋಡುತ್ತಾ ನಿಂತಿದ್ದ. ಎಎನ್ಐ ಸುದ್ದಿ ಸಂಸ್ಥೆಯ ವರದಿಗಾರ ಉದಯ್ ಸಾಗರ್ ಈ ವೀಡಿಯೋ ಮಾಡಿದ್ದು ತಮ್ಮ ಫೇಸ್ ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದರು.
Click it and Unblock the Notifications
Sign in with Google