ಶಿವಮೊಗ್ಗದಲ್ಲಿ 2 ಕೊರೊನಾ ಶಂಕಿತ ಪ್ರಕರಣಗಳು ಪತ್ತೆ?

ಶಿವಮೊಗ್ಗ, ಮಾರ್ಚ್ 19: ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಯಲ್ಲಿರುವ ಐಸೋಲೇಷನ್ ವಾರ್ಡ್ ನಲ್ಲಿ ಇಬ್ಬರು ಮಕ್ಕಳಲ್ಲಿ ಕೊರೊನಾ ವೈರಸ್ ಇರುವ ಶಂಕೆ ಹಿನ್ನೆಲೆಯಲ್ಲಿ ದಾಖಲಿಸಲಾಗಿದೆ.

ಶಿವಮೊಗ್ಗ ನಗರದ 11 ವರ್ಷದ ಹೆಣ್ಣು ಮಗುವಿಗೆ ಐಸೋಲೇಷನ್ ನಲ್ಲಿ ನಿಗಾ ಇಡಲಾಗಿದ್ದು, ಈ ಮಗು ಪಾಲಕರೊಂದಿಗೆ 9 ದಿನದ ಹಿಂದೆ ಮೆಕ್ಕಾಗೆ ಹೋಗಿ ಬಂದಿತ್ತು. ಈ ಮಗುವಿನಲ್ಲಿ ಕೊರೊನಾ ವೈರಸ್ ಲಕ್ಷಣ ಕಂಡು ಬಂದಿರುವ ಹಿನ್ನೆಲೆಯಲ್ಲಿ ನಿಗಾ ವಹಿಸಲಾಗಿದೆ.

ಬಿಹಾರ ಮೂಲದ 11 ತಿಂಗಳ ಮಗುವಿನಲ್ಲೂ ಕೊರೊನಾ ವೈರಸ್ ಲಕ್ಷಣ ಈ ಮಗುವಿನ ಪಾಲಕರು ಕನ್ಸ್ ಸ್ಟ್ರಕ್ಷನ್ ಕೆಲಸಕ್ಕಾಗಿ ಶಿವಮೊಗ್ಗಕ್ಕೆ ಆಗಮಿಸಿದ್ದರು ಎನ್ನಲಾಗಿದ್ದು, ಈ ಮಗುವಿನಲ್ಲೂ ಕೊರೊನಾ ಲಕ್ಷಣ ಕಂಡು ಬಂದ ಹಿನ್ನೆಲೆಯಲ್ಲಿ ಕೊರೊನಾ ವಾರ್ಡ್ ನಲ್ಲಿ ನಿಗಾದಲ್ಲಿಡಲಾಗಿದೆ.

ಈ ಮಗುವಿನ ಪಾಲಕರು ಕೊರೊನಾ ಪೀಡಿದ ರಾಜ್ಯಗಳಲ್ಲಿ ಓಡಾಡಿರುವುದರಿಂದ ಪಾಲಕರನ್ನೂ ಐಸೋಲೇಷನ್ ನಲ್ಲಿ ಇಡಲಾಗಿದೆ. ಇಬ್ಬರು ಮಕ್ಕಳ ರಿಪೋರ್ಟ್ ಗಾಗಿ ಆರೋಗ್ಯ ಇಲಾಖೆ ಅಧಿಕಾರಿಗಳು ಕಾಯುತ್ತಿದ್ದಾರೆ.

English summary

Two children in the Isolation Ward at Meggan Hospital in Shivamogga.