ಗೋವಾ; ಕೋವಿಡ್ ನಿಯಂತ್ರಣಕ್ಕೆ ಲಾಕ್ ಡೌನ್
ಪಣಜಿ, ಏಪ್ರಿಲ್ 28; ಕೋವಿಡ್ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನಲೆಯಲ್ಲಿ ಗೋವಾ ಸರ್ಕಾರ ಲಾಕ್ ಡೌನ್ ಘೋಷಣೆ ಮಾಡಿದೆ. ಏಪ್ರಿಲ್ 29ರ ಸಂಜೆಯಿದ ರಾಜ್ಯದಲ್ಲಿ ಲಾಕ್ ಡೌನ್ ಜಾರಿಗೆ ಬರಲಿದೆ.
ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಈ ಕುರಿತು ಮಾಹಿತಿ ನೀಡಿದ್ದಾರೆ. "ಏಪ್ರಿಲ್ 29ರ ಸಂಜೆಯಿಂದ ಮೇ 3ರ ಬೆಳಗ್ಗೆ ತನಕ ಗೋವಾದಲ್ಲಿ ಪೂರ್ಣ ಲಾಕ್ಡೌನ್ ವಿಧಿಸಲಾಗುವುದು" ಎಂದು ಹೇಳಿದ್ದಾರೆ.
"ಲಾಕ್ ಡೌನ್ ಸಮಯದಲ್ಲಿ ಅಗತ್ಯ ಸೇವೆಗಳು ಮತ್ತು ಕೈಗಾರಿಕಾ ಚಟುವಟಿಕೆಗಳನ್ನು ಮಾತ್ರ ನಿರ್ವಹಿಸಲು ಅನುಮತಿ ಇದೆ. ಈ ಅವಧಿಯಲ್ಲಿ ಸಾರ್ವಜನಿಕ ಸಾರಿಗೆಗಳ ಸಂಚಾರವೂ ಇರುವುದಿಲ್ಲ" ಎಂದು ಮುಖ್ಯಮಂತ್ರಿಗಳು ಸ್ಪಷ್ಟಪಡಿಸಿದ್ದಾರೆ.
ಗೋವಾರದಲ್ಲಿ ಲಾಕ್ಡೌನ್ ಸಮಯದಲ್ಲಿ ಕ್ಯಾಸಿನೋ, ಹೋಟೆಲ್ಗಳು ಮತ್ತು ಪಬ್ಗಳು ಮುಚ್ಚಿರುತ್ತವೆ. ಅಗತ್ಯ ಸೇವೆಗಳಿಗಾಗಿ ರಾಜ್ಯದ ಗಡಿಗಳನ್ನು ತೆರೆಯಲಾಗುತ್ತದೆ ಎಂದು ಸರ್ಕಾರ ಹೇಳಿದೆ.
ಗೋವಾದಲ್ಲಿ 2,110 ಹೊಸ ಕೋವಿಡ್- 19 ಪ್ರಕರಣಗಳು ಮತ್ತು 31 ಮಂದಿ ಮೃತಪಟ್ಟಿರುವ ವರದಿ ಬಂದ ಒಂದು ದಿನದ ನಂತರ ಲಾಕ್ ಡೌನ್ ಪ್ರಕಟಣೆ ಹೊರಬಿದ್ದಿದೆ.
Lockdown announced in state from 29th April 7 pm to the morning of 3rd May. Essential services & industrial activities allowed, public transport to remain shut. Casinos, hotels, pubs remain closed. Borders to remain open for essential service transportation: Goa CM Pramod Sawant pic.twitter.com/PXaUfT5tkG
— ANI (@ANI) April 28, 2021
ರಾಜ್ಯದಲ್ಲಿ ಈಗ ಒಟ್ಟು 81,908 ಕೊರೊನಾ ವೈರಸ್ ಪ್ರಕರಣಗಳಿದ್ದು, ಸಾವಿನ ಸಂಖ್ಯೆ 1,086 ಆಗಿದೆ. ಗುಣಮುಖರಾದವರ ಸಂಖ್ಯೆ 64,231. ಒಟ್ಟು 16,591 ಸಕ್ರಿಯ ಪ್ರಕರಣಗಳಿವೆ. ಗೋವಾ ಈವರೆಗೆ 6,32,131 ಕೋವಿಡ್- 19 ಪರೀಕ್ಷೆಗಳನ್ನು ನಡೆಸಿದೆ.
Click it and Unblock the Notifications
Sign in with Google