ಅತ್ತೆ-ಮಾವನ ಆಸ್ತಿಯಲ್ಲಿ ಸೊಸೆ ಹಕ್ಕು ಕೇಳುವಂತಿಲ್ಲ!

ನವದೆಹಲಿ,ನ. 18 : ಪತಿಯ ಆಸ್ತಿಯಲ್ಲಿ ಪತ್ನಿ ಹಕ್ಕು ಹೊಂದಿರಬಹುದು. ಆದರೆ, ಅತ್ತೆ-ಮಾನವ ಆಸ್ತಿಯಲ್ಲಿ ಆಕೆ ಪಾಳು ಕೇಳುವಂತಿಲ್ಲ ಎಂದು ದೆಹಲಿ ನ್ಯಾಯಾಲಯವೊಂದು ಆದೇಶ ನೀಡಿದೆ. ಸರ್ಕಾರಿ ಆಸ್ಪತ್ರೆಯ ವೈದ್ಯರೊಬ್ಬರು ಅತ್ತೆ-ಮಾವನ ಆಸ್ತಿಯಲ್ಲಿನ ಪಾಲು ಕೇಳಿ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ವೇಳೆ ನ್ಯಾಯಾಲಯ ಈ ಆದೇಶ ನೀಡಿದೆ.

ಸರ್ಕಾರಿ ಆಸ್ಪತ್ರೆಯ ವೈದ್ಯೆಯೊಬ್ಬರು ಅತ್ತೆ-ಮಾವ ವಾಸಿತ್ತಿರುವ ಮನೆಯ ಹಕ್ಕು ಕೇಳಿ ಅರ್ಜಿ ಸಲ್ಲಿಸಿದ್ದರು. ಅರ್ಜಿಯ ವಿಚಾರಣೆ ನಡೆಸಿದ ನವದೆಹಲಿ ಹೆಚ್ಚುವರಿ ಸೆಷನ್ಸ್ ಜಡ್ಜ್ ಕಾಮಿನಿ ಲಾವೊ ಅವರು ತಮ್ಮ ಆದೇಶದಲ್ಲಿ, ಪತ್ನಿಯು ಪತಿಯ ಆಸ್ತಿಯ ಮೇಲೆ ಹಕ್ಕು ಹೊಂದಿದ್ದಾರೆ. ಆದರೆ, ಅವರಿಗೆ ಅತ್ತೆ-ಮಾವನ ಆಸ್ತಿಯಲ್ಲಿ ಯಾವುದೇ ಹಕ್ಕು ಇಲ್ಲ ಎಂದು ಆದೇಶ ನೀಡಿದ್ದಾರೆ.

ಅರ್ಜಿಯ ವಿಚಾರಣೆ ಸಂದರ್ಭದಲ್ಲಿ ಮಹಿಳೆ ಕೇಳಿರುವ ಅತ್ತ-ಮಾವನ ಮನೆಯಲ್ಲಿ ಆಕೆಯ ಪತಿಯ ಯಾವುದೇ ಕೊಡುಗೆ ಇಲ್ಲದಿರುವುದುದನ್ನು ನ್ಯಾಯಾಲಯ ಗಮನಿಸಿದೆ. ಮಹಿಳೆಯ ಪತಿ ಉದ್ಯೋಗದಲ್ಲಿದ್ದು, ಅನೇಕ ವರ್ಷಗಳಿಂದ ಚಂಡೀಗಢದಲ್ಲಿ ಪ್ರತ್ಯೇಕವಾಗಿ ವಾಸವಾಗಿದ್ದಾರೆ. ತಂದೆ-ತಾಯಿಯೊಂದಿಗೆ ವಾಸಿಸುತ್ತಿಲ್ಲ ಎಂಬುದನ್ನು ಗಮನಿಸಿರುವ ಕೋರ್ಟ್, ಆದೇಶ ನೀಡಿದೆ.

ವೈದ್ಯಗೆ ಮನೆಯಲ್ಲಿ ಪಾಲು ನೀಡಲು ಆಕೆಯ ಅತ್ತೆ- ಮಾವನ ಅವರು ಸಹ ಸಮಮತವ ವ್ಯಕ್ತಪಡಿಸಿಲ್ಲ. ಆದ್ದರಿಂದ ತನ್ನ ಆದೇಶದಲ್ಲಿ ಕೋರ್ಟ್ ಅತ್ತೆ-ಮಾವನಿಗೆ ಸೇರಿದ ಆಸ್ತಿಯಲ್ಲಿ ಸೊಸೆಗೆ ಯಾವುದೇ ಹಕ್ಕಿಲ್ಲ ಎಂದು ಹೇಳಿದೆ. ಮಹಿಳೆ ಮತ್ತು ಆಕೆಯ ಪತಿ ಉದ್ಯೋಗದಲ್ಲಿದ್ದಾರೆ, ಜೀವನ ನಡೆಸಲು ಸಶಕ್ತರಾಗಿದ್ದಾರೆ. ಆದ್ದರಿಂದ ಅವರಿಗೆ ಆಸ್ತಿಯ ಮೇಲೆ ಯಾವುದೇ ಅಧಿಕಾರ ಇಲ್ಲವೆಂದು ಹೇಳಿದೆ.

ಅತ್ತೆ-ಮಾವ ಅವರ ಇಚ್ಛೆಗೆ ವಿರುದ್ಧವಾಗಿ ಸೊಸೆಗೆ ಮನೆಯ ಹಕ್ಕು ನೀಡಿದರೆ, ಅಲ್ಲಿ ವಾಸಿಸುವ ಹಿರಿಯ ಜೀವಗಳ ನೆಮ್ಮದಿಗೆ ಭಂಗ ಉಂಟಾಗುತ್ತದೆ. ಆದ್ದರಿಂದ ಅವರ ಇಷ್ಟಕ್ಕೆ ವಿರುದ್ಧವಾಗಿ ಅಧಿಕಾರ ನೀಡಲು ಸಾಧ್ಯವಿಲ್ಲ ಎಂದು ಕೋರ್ಟ್ ಸ್ಪಷ್ಟಪಡಿಸಿದೆ.

English summary

A woman has a right over the property of her husband but she cannot claim a right to live in the house of her parents-in-law, a Delhi court has said. The court made the observation while dismissing an appeal of a woman, who is a doctor in a government hospital, seeking right of residence in her mother-in-law's house in which her husband does not have any share.