ಪ್ರಧಾನಿ ಮೋದಿ ಸಂಪುಟದ ಅತೀ ಕಿರಿಯ ಸಚಿವೆ ಸ್ಮೃತಿ ಇರಾನಿ
ನವದೆಹಲಿ, ಮೇ 31: ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಎರಡನೆಯ ಅವಧಿಯ ಎನ್ ಡಿಎಯ ಸರ್ಕಾರದ ಸಚಿವ ಸಂಪುಟ ರಚನೆಯಾಗಿದ್ದು, ಈಗಾಗಲೇ ಸಚಿವರಿಗೆ ಖಾತೆಯನ್ನೂ ಹಂಚಲಾಗಿದೆ.
ಉತ್ತರ ಪ್ರದೇಶದ ಅಮೇಥಿ ಕ್ಷೇತ್ರದಲ್ಲಿ ರಾಹುಲ್ ಗಾಂಧಿ ಅವರ ವಿರುದ್ಧ ಕಣಕ್ಕಿಳಿದು ಗೆಲುವು ಸಾಧಿಸಿದ್ದ ಸ್ಮೃತಿ ಇರಾನಿ ಅವರಿಗೆ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಖಾತೆಯ ಜವಾಬ್ದಾರಿ ನೀಡಲಾಗಿದೆ.
43 ವರ್ಷ ವಯಸ್ಸಿನ ಈ ಮೂಲಕ ಸ್ಮೃತಿ ಇರಾನಿ ಅವರು ಮೋದಿ ಸಂಪುಟದ ಅತೀ ಕಿರಿಯ ಸಚಿವರ ಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡಿದ್ದಾರೆ.
44 ವರ್ಷ ವಯಸ್ಸಿನ ಅನುರಾಗ್ ಸಿಂಗ್ ಠಾಕೂರ್, 46 ವರ್ಷ ವಯಸ್ಸಿನ ಮನ್ಶುಕ್ ಮಾಂಡವೀಯ ಮತ್ತು 47 ವರ್ಷ ವಯಸ್ಸಿನ ಕಿರಣ್ ರಿಜುಜು, 48 ವರ್ಷ ವಯಸ್ಸಿನ ರಾಮೇಶ್ವರ್ ತೆಲಿ ಮತ್ತು ದೇಬಶ್ರೀ ಚೌಧರಿ ಅವರು ಕ್ರಮವಾಗಿ ನಂತರದ ಸ್ಥಾನಗಳನ್ನು ಪಡೆದಿದ್ದಾರೆ.
ಲೋಕ ಜನಶಕ್ತಿ ಪಕ್ಷದ 73 ವರ್ಷ ವಯಸ್ಸಿನ ರಾಮ್ ವಿಲಾಸ್ ಪಾಸ್ವಾನ್ ಅತೀ ಹಿರಿಯ ಸಚಿವರಾಗಿದ್ದರೆ, 71 ವರ್ಷ ವಯಸ್ಸಿನ ಥಾವರ್ ಚಂದ್ ಗೆಹ್ಲೋಟ್ ಮತ್ತು ಕುಮಾರ್ ಗಂಗಾವರ್ ನಂತರದ ಸ್ಥಾನಗಳನ್ನು ಪಡೆದಿದ್ದಾರೆ.
Click it and Unblock the Notifications
Sign in with Google