ತುಸು ನಿಟ್ಟುಸಿರು ಬಿಟ್ಟ ದೆಹಲಿ ಜನತೆ: ಭಾರೀ ಏರಿಕೆಗೊಂಡಿದ್ದ ಟೊಮ್ಯಾಟೊ ಬೆಲೆ ಕೊಂಚ ಇಳಿಕೆ

ದೆಹಲಿ, ಜುಲೈ 13: ರಾಷ್ಟ್ರ ರಾಜಧಾನಿಯಲ್ಲಿ ಭಾನುವಾರ ಕೆಜಿಗೆ 70 ರುಪಾಯಿ ತಲುಪಿದ್ದ ಟೊಮ್ಯಾಟೊ ಬೆಲೆ ಸೋಮವಾರ ಕೊಂಚ ಇಳಿಕೆ ಸಾಧಿಸಿದೆ. ದೆಹಲಿಯ ಅಸಂಘಟಿತ ಚಿಲ್ಲರೆ ಮಾರುಕಟ್ಟೆಗಳಲ್ಲಿ ಮಾತ್ರವಲ್ಲದೆ, ಮದರ್ ಡೈರಿಯ ಸಫಾಲ್ ಚಿಲ್ಲರೆ ತರಕಾರಿ ಮಳಿಗೆಗಳಲ್ಲಿ ಮತ್ತು ಬಿಗ್‌ಬಾಸ್ಕೆಟ್ ಮತ್ತು ಗ್ರೋಫರ್ಸ್‌ನ ರಿಟೈಲ್‌ಗಳಲ್ಲೂ ಜೂನ್ 1 ರಿಂದ ವಾರಕ್ಕೊಮ್ಮೆ ಬೆಲೆಗಳು ಪ್ರತಿ ಕೆ.ಜಿ.ಗೆ 10 ರುಪಾಯಿ ಹೆಚ್ಚಾಗಿದೆ.

ಪೂರೈಕೆ ಕೊರತೆ ಹೆಚ್ಚಾಗಿದ್ದು, ಸದ್ಯ ದೆಹಲಿಯ ಚಿಲ್ಲರೆ ಮಾರುಕಟ್ಟೆಗಳಲ್ಲಿ ಪ್ರತಿ ಕೆಜಿ ಟೊಮ್ಯಾಟೊಗೆ 45 ರಿಂದ 50 ರುಪಾಯಿಗೆ ಮಾರಾಟ ಮಾಡಲಾಗುತ್ತಿದೆ. ಇನ್ನು ರಿಟೇಲ್ ಶಾಪ್‌ಗಳಲ್ಲಿ, ಶಾಪಿಂಗ್‌ ಮಾಲ್‌ಗಳಲ್ಲಿ ಪ್ರತಿ ಕೆಜಿಗೆ 47 ರಿಂದ 64 ರುಪಾಯಿವರೆಗೆ ದರವಿದೆ.

ಭಾನುವಾರ ಬಿಗ್‌ಬಾಸ್ಕೆಟ್ ಟೊಮೆಟೊವನ್ನು ಪ್ರತಿ ಕೆ.ಜಿ.ಗೆ 60-66 ರೂ.ಗಳಲ್ಲಿ ಮತ್ತು ಗ್ರೋಫರ್ಸ್ ಅನ್ನು ಪ್ರತಿ ಕೆ.ಜಿ.ಗೆ 53-55 ರೂ.ಗೆ ಮಾರಾಟ ಮಾಡುತ್ತಿತ್ತು.

ಟೊಮ್ಯಾಟೊ ಉತ್ಪಾದಕ ರಾಜ್ಯಗಳಿಂದ ಕಳೆದ ಕೆಲವು ವಾರಗಳಲ್ಲಿ ಆಗಮನವು ತಡವಾಗುತ್ತಿದ್ದು, ಸಗಟು ಮಂಡಳಿಗಳಲ್ಲಿಯೂ ಬೆಲೆಗಳು ಹೆಚ್ಚಾಗುತ್ತಿವೆ ಎಂದು ವ್ಯಾಪಾರಿಗಳು ಹೇಳಿದ್ದರು.

ದಕ್ಷಿಣ ಭಾರತದ ಟೊಮ್ಯಾಟೊ ಉತ್ಪಾದನಾ ರಾಜ್ಯಗಳಲ್ಲಿ ಕೋವಿಡ್-19 ಪ್ರಕರಣಗಳ ಹೆಚ್ಚಳವು ಬೆಳೆ ಕೊಯ್ಲು ಮಾಡುವುದನ್ನು ನಿರ್ಬಂಧಿಸಿದೆ ಎಂದು ವ್ಯಾಪಾರಿಗಳು ಉಲ್ಲೇಖಿಸಿದ್ದಾರೆ.

English summary

Retail tomato prices Rs 50-60 per kg on Monday in the national capital due to tight supply of the key kitchen staple during the lean period, a trade report said.