ದೆಹಲಿಯಲ್ಲಿ 792 ಕೊರೊನಾ ಸೋಂಕು, ಕೇರಳದಲ್ಲಿ 40 ಹೊಸ ಕೇಸ್

ದೆಹಲಿ, ಮೇ 27: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಇಂದು 792 ಹೊಸ ಕೊರೊನಾ ವೈರಸ್ ಕೇಸ್ ದಾಖಲಾಗಿದೆ. ಈ ಮೂಲಕ ಕೇಂದ್ರಾಡಳಿತ ಪ್ರದೇಶದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 15 ಸಾವಿರ ಗಡಿದಾಟಿದೆ.

ದೆಹಲಿಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 15,257ಕ್ಕೆ ಏರಿಕೆಯಾಗಿದೆ. 7690 ಪ್ರಕರಣಗಳು ಸಕ್ರಿಯವಾಗಿದ್ದು, 7264 ಮಂದಿ ಸೋಂಕಿನಿಂದ ಚೇತರಿಸಿಕೊಂಡು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಇದುವರೆಗೂ ದೆಹಲಿಯಲ್ಲಿ 303 ಜನರು ಮೃತಪಟ್ಟಿದ್ದಾರೆ.

ಕೇರಳದಲ್ಲಿಂದು 40 ಜನರಿಗೆ ಕೊವಿಡ್ ಸೋಂಕು ಪತ್ತೆಯಾಗಿದೆ. ಇದರಲ್ಲಿ 9 ಮಂದಿ ವಿದೇಶದಿಂದ ಮರಳಿದವರು. ಮಹಾರಾಷ್ಟ್ರದಿಂದ 16 ಮಂದಿ, ತಮಿಳುನಾಡಿನಿಂದ 5 ಮಂದಿ ಮತ್ತು ದೆಹಲಿಯಿಂದ 3 ಜನರು ರಾಜ್ಯಕ್ಕೆ ಹಿಂತಿರುಗಿದ್ದಾರೆ.

40 new #COVID19 cases reported in the state today. Of these, 9 returned from abroad, 16 returned from Maharashtra, 5 from Tamil Nadu and 3 from Delhi. The total number of positive cases in the state are 1004, of which 445 are active cases: Kerala Chief Minister Pinarayi Vijayan pic.twitter.com/Es40KgJ8kM

— ANI (@ANI) May 27, 2020

ಈವರೆಗೂ ವಿವಿಧ ದೇಶಗಳಲ್ಲಿ ಸೇರಿ 173 ಜನ ಕೇರಳದವರು ಕೊರೊನಾ ವೈರಸ್‌ನಿಂದ ಸಾವನ್ನಪ್ಪಿದ್ದಾರೆ ಎಂದು ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಮಾಹಿತಿ ನೀಡಿದ್ದಾರೆ.

ಕೇರಳದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 1004ಕ್ಕೆ ಏರಿದೆ. ಪ್ರಸ್ತುತ ರಾಜ್ಯದಲ್ಲಿ 445 ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ. ಒಟ್ಟು ಕೇರಳದಲ್ಲಿ 6 ಜನ ಪ್ರಾಣ ಕಳೆದುಕೊಂಡಿದ್ದಾರೆ.

English summary

Coronavirus Update: Delhi records 792 new cases, total crosses 15,000-mark and 40 new COVID19 cases reported in the kerala today.