ಹೆರಿಗೆ ರಜೆ ಕಂಪನಿ ಕೊಟ್ಟರೆ ಸಾಕು, 7 ವಾರದ ಸಂಬಳ ಸರ್ಕಾರ ಕೊಡುತ್ತೆ

ನವದೆಹಲಿ, ನವೆಂಬರ್ 16: ಮಹಿಳೆಯರನ್ನು ನೌಕರಿಗೆ ತೆಗೆದುಕೊಳ್ಳಲು ಕೆಲವು ಕಂಪನಿಗಳು ಹಿಂದೇಟು ಹಾಕುತ್ತವೆ ಯಾಕೆಂದರೆ ಆಕೆಯ ಮದುವೆ, ಹೆರಿಗೆ ಇನ್ನೂ ಹಲವು ರಜೆಗಳನ್ನು ಕೊಡಬೇಕು ಎಂದು.

ಆದರೆ ಕೇಂದ್ರ ಸರ್ಕಾರ ಹೊಸ ನಿಯಮವೊಂದನ್ನು ಜಾರಿಗೆ ತಂದಿದ್ದು ಕಂಪನಿಗೆ ನೀವು ರಜೆ ಕೊಡಿ ನಾವು ಏಳು ತಿಂಗಳ ಸಂಬಳವನ್ನು ಅವರಿಗೆ ನೀಡುತ್ತೇವೆ ಎಂದು ಸೂಚನೆ ನೀಡಿದೆ.

ಹೆರಿಗೆಗೆ ತೆರಳುವ ಮಹಿಳಾ ನೌಕರರಿಗೆ 26 ವಾರಗಳ ರಜೆ ನೀಡಬೇಕು ಎಂದು ಕೇಂದ್ರ ಸರ್ಕಾರ ನಿಯಮ ಮಾಡಿತ್ತು. ಇದರಲ್ಲಿ ಮೊದಲ ಏಳು ವಾರಗಳ ವೇತನವನ್ನು ತಾವೇ ಭರಿಸುವುದಾಗಿ ಈಗ ಕೇಂದ್ರ ಹೇಳಿದೆ.

ಈ ಕುರಿತು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಈ ಯೋಜನೆ ಎಲ್ಲಾ ಸರ್ಕಾರಿ ಹಾಗೂ ಖಾಸಗಿ ವಲಯಕ್ಕೂ ಅನ್ವಯಿಸುತ್ತೆ ಎಂದು ತಿಳಿಸಿದೆ. ರಾಜ್ಯ ಸರ್ಕಾರಗಳು ಕಾರ್ಮಿಕ ಕಲ್ಯಾಣ ಸೆಸ್ ಬಳಕೆ ಮಾಡುವಲ್ಲಿ ಹಿಂದೆ ಬಿದ್ದಿದೆ.

ಹೀಗಾಗಿ ಇದರಿಂದಲೇ 15,000 ರೂಪಾಯಿಗಿಂತಲೂ ಹೆಚ್ಚು ವೇತನ ಪಡೆಯುತ್ತಿರುವ ನೌಕರರಿಗೆ ನೀಡುವ ರಜೆಯಲ್ಲಿ 7 ವಾರಗಳ ವೇತನವನ್ನು ನೀಡುವುದಾಗಿಯೂ ಕೇಂದ್ರ ಸರ್ಕಾರ ಪ್ರಕಟಿಸಿತ್ತು. ಹಿಂದಿದ್ದ 12 ವಾರಗಳ ಮೆಟರ್ನಿಟಿ ಲೀವ್ ಅವಧಿಯನ್ನು 26 ವಾರಗಳಿಗೆ ಏರಿಕೆ ಮಾಡಲಾಗಿತ್ತು.

ಇನ್ನುಮುಂದೆ ಮಹಿಳೆಯರು ನೆಮ್ಮದಿಯಿಂದ ಕೆಲಸಕ್ಕೆ ಹೋಗಬಹುದಾಗಿದೆ. ಕೇಂದ್ರ ಸರ್ಕಾರವು ಏಳು ವಾರದ ರಜೆಯನ್ನು ಭರಿಸಿದರೆ ಗರ್ಭಿಣಿ ತಮ್ಮ ಆರೋಗ್ಯವನ್ನು ಉತ್ತಮವಾಗಿ ಕಾಪಾಡಿಕೊಳ್ಳಲು ಸಾಧ್ಯವಾಗುತ್ತದೆ.

English summary

In a bid to help women on maternity leave retain their jobs, the government may dip into labour welfare cess collected by states to reimburse employers providing maternity benefits to female staff, officials familiar with the matter said.