ವೈರಲ್ ವಿಡೀಯೋ: ಕೇಜ್ರಿವಾಲ್ ಕೆಮ್ಮು ಅಣಕಿಸಿದ ಬಿಜೆಪಿ ಕಾರ್ಯಕರ್ತರು

ನವದೆಹಲಿ, ಡಿಸೆಂಬರ್ 28: ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ಭಾಷಣ ಆರಂಭಿಸುತ್ತಿದ್ದಂತೆಯೇ ಬಿಜೆಪಿ ಕಾರ್ಯಕರ್ತರು ಕೆಮ್ಮುವ ಮೂಲಕ ಅವರನ್ನು ಅಣಕಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ದೆಹಲಿಯ ವಿಜ್ಞಾನ ಭವನವೊಂದರಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಬಿಜೆಪಿಯ ಹಲವು ಗಣ್ಯರೂ ಭಾಗವಹಿಸಿದ್ದರು. ಕೆಮ್ಮಿನ ಸಮಸ್ಯೆಯಿಂದ ಬಳಲುತ್ತಿರುವ ಕೇಜ್ರಿವಾಲ್ ಅವರನ್ನು ಕಾರ್ಯಕರ್ತರು ಕೆಮ್ಮಿ ಅಣಕಿಸುತ್ತಿದ್ದಂತೆಯೇ ಕೆಲ ಕಾಲ ಕೇಜ್ರಿವಾಲ್ ಸುಮ್ಮನಾದರು. ಔನವಾಗಿರುವಂತೆ ಕಾರ್ಯಕರ್ತರಲ್ಲಿ ಮನವಿ ಮಾಡಿದರು. ಆದರೂ ಕೇಳದ ಕಾರ್ಯಕರ್ತರು ಕೆಮ್ಮುವುದನ್ನು ಮುಂದುವರಿಸಿದರು. ಇದರಿಂದ ಕೇಜ್ರಿವಾಲ್ ಪೇಚಿಗೆ ಸಿಲುಕಿದರು.

#WATCH BJP workers troll Delhi CM Arvind Kejriwal, start coughing when he begins to talk. Union Minister Nitin Gadkari intervened and Kejriwal began. pic.twitter.com/tABmZJcreS

— ANI (@ANI) December 28, 2018

ಕೂಡಲೆ ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅವರು ಮಧ್ಯಪ್ರವೇಶಿಸಿ ಕಾರ್ಯಕರ್ತರು ಮೌನವಾಗಿರಬೇಕು, ಸಭ್ಯತೆ ಕಾಯ್ದುಕೊಳ್ಳಬೇಕು. ಇದು ಬಹಳ ಮಹತ್ವದ ಕಾರ್ಯಕ್ರಮ, ಗಂಭೀರವಾಗಿರಿ ಎಂದು ಹೇಳುತ್ತಿದ್ದಂತೆಯೇ ಕಾರ್ಯಕರ್ತರು ಸುಮ್ಮನಾದರು.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು ಕೆಲವರು ಬಿಜೆಪಿ ಕಾರ್ಯಕರ್ತರ ವರ್ತನೆಯನ್ನು ವಿರೋಧಿಸಿದ್ದರೆ, ಕೆಲವರು ಕೇಜ್ರಿವಾಲ್ ಅವರನ್ನು ಅಣಕಿಸಿದ್ದಾರೆ.

English summary

Viral Video: Many from the audience interrupted Delhi Chief Minister Arvind Kejriwal's speech by imitating coughing action. As soon as Kejriwal, who was speaking at an official event, began his speech, some members of the audience started making noises that interrupted the address.