ವಿಡಿಯೋ: ಶಿವಭಕ್ತರ ಗೂಂಡಾಗಿರಿಗೆ ಕಾರು ಜಖಂ

ನವದೆಹಲಿ, ಆಗಸ್ಟ್ 08: ಶಿವಭಕ್ತರ ಗುಂಪೊಂದು ದೆಹಲಿಯ ಮೋತಿ ನಗರದಲ್ಲಿ ಕಾರೊಂದರ ಮೇಲೆ ದಾಳಿ ಮಾಡಿ ದೊಣ್ಣೆ, ಕಬ್ಬಿಣದ ಸರಳುಗಳಿಂದ ಹೊಡೆದು ಜಖಂಗೊಳಿಸಿದೆ.

'ಕನ್ವರಿಯಾ' ಎಂದು ಕರೆಯುವ ಶಿವಭಕ್ತರ ಗುಂಪಿನ ಒಬ್ಬ ವ್ಯಕ್ತಿಗೆ ಕಾರು ತಾಗಿದ್ದಕ್ಕೆ ಕಾರಿನಲ್ಲಿದ್ದ ದಂಪತಿಯೊಂದಿಗೆ ವಾಗ್ವಾದ ನಡೆಸಿದ ಕನ್ವರಿಯಾಗಳು ಆ ನಂತರ ದೊಣ್ಣೆ, ಕಬ್ಬಿಣದ ಸರಳುಗಳಿಂದ ಹೊಡೆದು ಕಾರನ್ನು ಸಂಪೂರ್ಣ ಜಖಂ ಗೊಳಿಸಿದ್ದಾರೆ. ಅಲ್ಲದೆ ಎಲ್ಲರೂ ಸೇರಿ ಕಾರನ್ನು ತಳ್ಳಿ ಕೆಡವಿದ್ದಾರೆ.

ಕನ್ವರಿಯಾಗಳು ಕಾರಿನ ಮೇಲೆ ದಾಳಿ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಘಟನೆಯ ಬಗ್ಗೆ ಬಗೆ -ಬಗೆ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ.

ಕಾರು ಜಖಂ ಮಾಡಿ ಸುಮ್ಮನಾಗದ ಕನ್ವರಿಯಾಗಳು, ಕಾರಿಗೆ ಬೆಂಕಿ ಹಚ್ಚಲು ಸಹ ಪ್ರಯತ್ನಿಸಿದ್ದಾರೆ. ಈ ಘಟನೆಯಲ್ಲಿ ಕಾರಿನಲ್ಲಿದ್ದ ದಂಪತಿಗಳಿಗೆ ಯಾವುದೇ ಗಾಯಗಳಾಗಿಲ್ಲ. ಆದರೆ ಆ ದಂಪತಿ ಈವರೆಗೆ ಪೊಲೀಸರಿಗೆ ದೂರು ನೀಡಿಲ್ಲ.

#WATCH: A group of 'kanwariyas' vandalise a car in Delhi's Moti Nagar after it brushed past them while driving. The people in the car got off safely. No injuries were reported. Police says no formal complaint has been filed by the victims (07.08.2018) pic.twitter.com/rKc6VJMZnh

— ANI (@ANI) August 8, 2018

ದೆಹಲಿ ಪೊಲೀಸರೆ ದೂರು ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುವುದಾಗಿ ಹೇಳಿದ್ದಾರೆ.

English summary

A group of 'kanwariyas' vandalise a car in Delhi's Moti Nagar after it brushed past them while driving. The people in the car got off safely.