• search
  • Live TV
ಮೈಸೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಮೈಸೂರಿನಲ್ಲಿ ಅಮೃತ, ಶಿವನನ್ನು ನೋಡಿ ಬನ್ನಿ

|

ಮೈಸೂರು, ಜು. 2 : ಮೈಸೂರು ಮೃಗಾಲಯದ ಆಕರ್ಷಣೆ ಮತ್ತಷ್ಟು ಹೆಚ್ಚಾಗಿದೆ. ಜಯಚಾಮರಾಜೇಂದ್ರ ಮೃಗಾಲಯದಲ್ಲಿ ಬುಧವಾರದಿಂದ ಅಮೃತ ಮತ್ತು ಶಿವ ಎಂಬ ಹುಲಿಗಳನ್ನು ಸಾರ್ವಜನಿಕರ ವೀಕ್ಷಣೆಗೆ ಮುಕ್ತಗೊಳಿಸಲಾಗಿದೆ.

ಅಮೃತ ಎಂಬ ಹೆಣ್ಣು ಹುಲಿ ಮತ್ತು ಶಿವ ಎಂಬ ಗಂಡು ಹುಲಿಯನ್ನು ಬುಧವಾರ ಮೊದಲ ಬಾರಿಗೆ ಸಾರ್ವಜನಿಕರ ವೀಕ್ಷಣೆಗೆ ಮುಕ್ತಗೊಳಿಸಲಾಗಿದೆ ಎಂದು ಮೃಗಾಲಯದ ಕಾರ್ಯ ನಿರ್ವಾಹಕ ನಿರ್ದೇಶಕ ಬಿ.ಪಿ.ರವಿ ಹೇಳಿದ್ದಾರೆ. ಹಲವು ದಿನಗಳಿಂದ ಬೋನಿನಲ್ಲಿದ್ದ ಇವುಗಳನ್ನು ಮಂಗಳವಾರ ಸಂಜೆ ಬೋನಿನಿಂದ ಹೊರಗೆ ಬಿಡಲಾಗಿದೆ.

ಎರಡು ಹುಲಿಗಳ ಪೈಕಿ ನಾಗರಹೊಳೆ ಹುಲಿ ಸಂರಕ್ಷಣಾ ಅರಣ್ಯ ಪ್ರದೇಶದಲ್ಲಿ ಸೆರೆ ಹಿಡಿಯಲಾಗಿದ್ದ ಹುಲಿಗೆ ಅಮೃತ ಎಂದು ಹೆಸರಿಡಲಾಗಿತ್ತು. ಸುಮಾರು ಒಂದು ವರ್ಷ ಈ ಹುಲಿ ಬೋನಿನಲ್ಲಿತ್ತು. ಈ ಹುಲಿಯ ಮುಂಗಾಲಿಗೆ ಗಾಯವಾಗಿದ್ದರಿಂದ ಇದನ್ನು ಇಷ್ಟು ದಿನ ಹೊರಗೆ ಬಿಟ್ಟಿರಲಿಲ್ಲ. [ರಜೆ ದಿನಗಳಲ್ಲಿ ಮೈಸೂರು ಮೃಗಾಲಯ ಸ್ವಲ್ಪ ದುಬಾರಿ]

ಇನ್ನು ಶಿವ ಎಂಬ ಹುಲಿ ಕರ್ನಾಟಕದ ಜನರಿಗೆ ಚಿರಪರಿಚಿತವಾಗಿದ್ದು, ಬಂಡೀಪುರ ರಾಷ್ಟ್ರೀಯ ಉದ್ಯಾನದ ಅರಣ್ಯದಂಚಿನಲ್ಲಿ ಸೆರೆ ಸಿಕ್ಕ ಈ ಹುಲಿ ನರಭಕ್ಷಕ ಎಂಬ ಹಣೆ ಪಟ್ಟಿ ಹೊತ್ತುಕೊಂಡಿತ್ತು. ಶಿವನಿಗೂ ವಯಸ್ಸಾಗಿರುವುದರಿಂದ ಹೆಚ್ಚು ಕಾಲ ಅದನ್ನು ಆವರಣದಲ್ಲಿ ಬಿಡುವಂತಿಲ್ಲ ಎಂದು ಸಿಬ್ಬಂದಿಗಳು ಹೇಳಿದ್ದಾರೆ. [ಮೈಸೂರು ಮೃಗಾಲಯದ ವೆಬ್ ಸೈಟ್ ನೋಡಿ]

ನೀರಿನಲ್ಲಿ ಮಿಂದೆದ್ದ ಹುಲಿಗಳು : ಮಂಗಳವಾರ ಸಂಜೆ ಬೋನಿನ ಗೇಟ್ ತೆರೆಯುತ್ತಿದ್ದಂತೆ ಹೊರಗಡೆ ಬರಲು ಹೆದರಿದ ಹುಲಿಗಳು ಬೋನಿನಲ್ಲೇ ಸುತ್ತಾಡುತ್ತಿದ್ದವು. ನಂತರ ಹೊರಗೆ ಬಂದ ಅವುಗಳು ಆವರಣದಲ್ಲಿದ್ದ ನೀರಿನ ಕೊಳದಲ್ಲಿ ಮಿಂದೆದ್ದವು.

ಜೂ.19ರಂದು ಇಸ್ರೇಲ್ ನ ರಾಮತ್ ಗಾನ್ ಮೃಗಾಲಯದಿಂದ ತರಲಾದ ಎಳೆಯ ವಯಸ್ಸಿನ ನಾಲ್ಕು ಜೀಬ್ರಾಗಳನ್ನು ಸಾರ್ವಜನಿಕರ ದರ್ಶನಕ್ಕೆ ಮುಕ್ತಗೊಳಿಸಲಾಗಿತ್ತು. [ಮೃಗಾಲಯಕ್ಕೆ ನಾಲ್ಕು ಹೊಸ ಅತಿಥಿಗಳು]

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Tigress Amrita and Shiva were let in to open paddock/moat area for the first time on trial basis from Wednesday in Sri Chamarajendra Zoological Gardens Mysore.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more