ಕೊರೊನಾ ಸೋಂಕಿನಿಂದ ಇಬ್ಬರು ಮುಂಬೈ ಪೊಲೀಸರು ಸಾವು
ಮುಂಬೈ, ಏಪ್ರಿಲ್ 26: ಸಾಂಕ್ರಾಮಿಕ ರೋಗ ಕೊರೊನಾ ವೈರಸ್ ತಡೆಗಟ್ಟುವ ಉದ್ದೇಶದಿಂದ ಪ್ರಾಣವನ್ನು ಲೆಕ್ಕಿಸದೆ ಸಾರ್ವಜನಿಕರ ರಕ್ಷಣೆಗಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದ ಇಬ್ಬರು ಪೊಲೀಸ್ ಪೇದೆಗಳು ಸಾವನ್ನಪ್ಪಿರುವ ಘಟನೆ ಮುಂಬೈನಲ್ಲಿ ನಡೆದಿದೆ.
ಮುಖ್ಯಪೇದೆಯಾಗಿ ಕಾರ್ಯನಿರ್ವಹಿಸುತ್ತಿದ್ದ 52 ವರ್ಷದ ಸಂದೀಪ್ ಸರ್ವ್ ಅವರಿಗೆ ಕೊರೊನಾ ಸೋಂಕು ತಗುಲಿತ್ತು. ಮುಂಬೈನ ಆಸ್ಪತ್ರೆಯಲ್ಲಿ ದಾಖಲಿಸಿ ಅವರಿಗೆ ಚಿಕಿತ್ಸೆ ನೀಡಲಾಗುತ್ತಿತ್ತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ಭಾನುವಾರ ಕೊನೆಯುಸಿರೆಳೆದಿದ್ದಾರೆ ಎಂದು ಮುಂಬೈ ಪೊಲೀಸ್ ಇಲಾಖೆ ಮಾಹಿತಿ ನೀಡಿದೆ.
Two of Mumbai Police's heroes – HC Chandrakant Ganapat Pendurkar and HC Sandip Surve – succumbed to the fight against Coronavirus. In the memory of the departed souls, Mumbai Police will not be uploading any tweets today. Only responses will be given. pic.twitter.com/yAAaUDGDu7
— Mumbai Police (@MumbaiPolice) April 26, 2020
ಕ್ವಾರಂಟೈನ್ ಲ್ಲಿದ್ದ ಬಾಗಲಕೋಟೆ 80 ಪೊಲೀಸರ ವರದಿ ನೆಗೆಟಿವ್
ಅದಕ್ಕೂ ಮುಂಚೆ ಮತ್ತೊಬ್ಬ ಮುಖ್ಯಪೇದೆ ಚಂದ್ರಕಾಂತ್ ಗಣಪತ್ ಪೆಂಡುರ್ಕರ್ ಕೂಡ ಕೊರೊನಾ ಸೋಂಕಿಗೆ ಬಲಿಯಾಗಿದ್ದಾರೆ. ಮುಂಬೈನ ವಾರ್ಲಿಯಲ್ಲಿ ಈ ಪೊಲೀಸ್ ಸಿಬ್ಬಂದಿ ವಾಸಿಸುತ್ತಿದ್ದರು ಎಂಬ ಮಾಹಿತಿ ಇದೆ.
ಇಬ್ಬರು ಪೊಲೀಸ್ ಸಾವಿಗೆ ಮಹಾರಾಷ್ಟ್ರ ಸಿಎಂ ಉದ್ಧವ್ ಠಾಕ್ರೆ ಸಂತಾಪ ಸೂಚಿಸಿದ್ದಾರೆ. 'ಇಬ್ಬರು ಪೊಲೀಸರು ಪ್ರಾಣ ತ್ಯಾಗ ಮಾಡಿರುವುದು ನೋವಿನ ಸಂಗತಿ. ಅವರಿಗೆ ನಾವು ಗೌರವ ಸಲ್ಲಿಸುತ್ತೇನೆ. ಸರ್ಕಾರದ ನಿಯಮ ಪ್ರಕಾರ, ಅವರ ಕುಟುಂಬಗಳಿಗೆ ಬೆಂಬಲ ನೀಡಲಾಗುವುದು'' ಎಂದಿದ್ದಾರೆ.
It is painful that 2 of our policemen have sacrificed their lives. I pay homage to them. Their families will be supported as per the government policy: Maharashtra CM Uddhav Thackeray pic.twitter.com/jKyiZFdTEI
— ANI (@ANI) April 26, 2020
ಈ ಇಬ್ಬರು ಪೊಲೀಸ್ ಪೇದೆಗಳ ಸಾವಿಗೆ ಮುಂಬೈ ಪೊಲೀಸ್ ಇಲಾಖೆ ಸಂತಾಪ ಸೂಚಿಸಿದೆ. ಕೊರೊನಾ ಹೋರಾಟದಲ್ಲಿ ಮೃತಪಟ್ಟ ಇಬ್ಬರು ವಾರಿಯರ್ಸ್ಗೆ ಸಲ್ಯೂಟ್ ಮಾಡಿದೆ. ಇನ್ನು ಅಗಲಿದ ಪೊಲೀಸರಿಗೆ ನೆನಪಿನಲ್ಲಿ ಮುಂಬೈ ಪೊಲೀಸ್ ಟ್ವಿಟ್ಟರ್ ಖಾತೆಯಲ್ಲಿ ಇಂದು ಯಾವುದೇ ಪೋಸ್ಟ್ ಹಾಕದಿರಲು ನಿರ್ಧರಿಸಿದೆ.
ಬೆಂಗಳೂರಿನಲ್ಲಿ ಪೊಲೀಸರಿಗೆ ಮಾನಸಿಕ ಒತ್ತಡ ನಿರ್ವಹಣೆ ತರಬೇತಿ
ವರದಿಗಳ ಪ್ರಕಾರ, ಮಹಾರಾಷ್ಟ್ರದಲ್ಲಿ ಈವರೆಗೂ 96 ಜನ ಪೊಲೀಸ್ ಇಲಾಖೆಯ ಸಿಬ್ಬಂದಿಗಳಿಗೆ ಕೊರೊನಾ ಪಾಸಿಟಿವ್ ಬಂದಿದೆಯಂತೆ. ಇದರಲ್ಲಿ 15 ಜನ ಆಫೀಸರ್ಸ್ ಎಂದು ಹೇಳಲಾಗಿದೆ.