ವಿಡಿಯೋ: ಮುಂಬೈ ರೈಲು ಚಾಲಕನ ಸಮಯಪ್ರಜ್ಞೆಯಿಂದ ಉಳಿತು ಜೀವ
ಮುಂಬೈ ಜನವರಿ 2: ಆತ್ಮಹತ್ಯೆಗೆ ಯತ್ನಿಸುತ್ತಿದ್ದ ವ್ಯಕ್ತಿಯೋರ್ವ ರೈಲು ಚಾಲಕನ ಸಮಯ ಪ್ರಜ್ಞೆಯಿಂದ ಪಾರಾದ ಘಟನೆ ಮುಂಬೈನ ಸೆವ್ರಿ ನಿಲ್ದಾಣದಲ್ಲಿ ನಡೆದಿದೆ. ರೈಲು ಚಾಲಕ ಕೆಲವು ಸೆಕೆಂಡುಗಳ ಕಾಲ ರೈಲನ್ನು ನಿಲ್ಲಿಸಲು ತಡಮಾಡಿದ್ದರೆ ವ್ಯಕ್ತಿಯ ಜೀವಕ್ಕೆ ಅಪಾಯವಾಗುತ್ತಿತ್ತು. ಆದರೆ ರೈಲು ಚಾಲಕ ತುರ್ತು ಬ್ರೇಕ್ ಹಾಕುವ ಮೂಲಕ ಅವರ ಪ್ರಾಣ ಉಳಿದಿದೆ. ವ್ಯಕ್ತಿಯನ್ನು ತಲುಪಲು ರೈಲು ಕೇವಲ 9 ಸೆಕೆಂಡುಗಳ ಅಂತರವಿತ್ತು. ನಂತರ ಮೂವರು ಮಹಿಳಾ ಭದ್ರತಾ ಸಿಬ್ಬಂದಿ ಸ್ಥಳಕ್ಕೆ ಬಂದು ಆತ್ಮಹತ್ಯೆಗೆ ಪ್ರಯತ್ನಿಸುತ್ತಿದ್ದ ವ್ಯಕ್ತಿಯನ್ನು ಹಳಿಗಳ ಮೇಲಿನಿಂದ ಹೊರಕರೆದುಕೊಂಡು ಬಂದಿದ್ದಾರೆ. ಕೂದಲೆಳೆ ಅಂತರದಲ್ಲಿ ಪಾರಾದ ಈ ಘಟನೆಯ ವಿಡಿಯೋವನ್ನು ಸ್ವತಃ ರೈಲ್ವೆ ಸಚಿವಾಲಯ ಟ್ವಿಟರ್ನಲ್ಲಿ ಹಂಚಿಕೊಂಡಿದೆ. ಆ ವ್ಯಕ್ತಿಗೆ ಯಾವುದೇ ತೊಂದರೆಯಾಗಿಲ್ಲ ಎಂದು ಬರೆದಿದೆ.
ಸಮಯ ಪ್ರಜ್ಞೆ ಮೆರೆದ ರೈಲು ಚಾಲಕ
ರೈಲ್ವೆ ಸಚಿವಾಲಯ ಮುಂಬೈನ ಸೆವ್ರಿ ನಿಲ್ದಾಣದ ವೀಡಿಯೊವನ್ನು ತನ್ನ ಟ್ವಿಟರ್ ಹ್ಯಾಂಡಲ್ನಲ್ಲಿ ಹಂಚಿಕೊಂಡಿದೆ. ರೈಲು ಮುಂಬೈನ ಸೆವ್ರಿ ನಿಲ್ದಾಣವನ್ನು ತಲುಪಲಿರುವಾಗ, ವ್ಯಕ್ತಿಯೊಬ್ಬ ಉದ್ದೇಶಪೂರ್ವಕವಾಗಿ ಟ್ರ್ಯಾಕ್ ಮೇಲೆ ಮಲಗುವುದು ಸೆರೆಯಾಗಿದೆ. ಮನನೊಂದು ಪ್ರಾಣ ಕೊಡುವ ಉದ್ದೇಶದಿಂದ ರೈಲ್ವೆ ಟ್ಯಾಕ್ ಮೇಲೆ ವ್ಯಕ್ತಿ ಮಲಗಿದ್ದಾನೆ ಎಂದು ತಿಳಿದು ಬಂದಿದೆ. ಏಕಾಏಕಿ ಬ್ರೇಕ್ ಹಾಕುವುದು ಕಷ್ಟದ ಕೆಲಸವಾದರೂ ಚಾಲಕ ಸಮಯಕ್ಕೆ ಸರಿಯಾಗಿ ರೈಲನ್ನು ನಿಲ್ಲಿಸಿದ್ದಾನೆ. ಇದರಿಂದ ವ್ಯಕ್ತಿಯ ಪ್ರಾಣ ಉಳಿದಿದೆ. ತುರ್ತು ಬ್ರೇಕ್ ಹಾಕಿದರೂ ರೈಲು ಸುರಕ್ಷಿತವಾಗಿದೆ. ಇಲ್ಲಿ ಚಾಲಕ ಸಮತೋಲನವನ್ನು ಕಾಪಾಡಿದ್ದಾನೆ. ವಿಡಿಯೋವನ್ನು ಕಂಡು ರೈಲ್ವೆ ಸಚಿವಾಲಯ ಚಾಲಕನ್ನು ಪ್ರಶಂಶಿಸಿದೆ.
ಟ್ರ್ಯಾಕ್ ಮೇಲೆ ಮಲಗಿದ್ದ ವ್ಯಕ್ತಿ
ರೈಲು ತನ್ನಿಂದ ಕೆಲವೇ ಮೀಟರ್ ದೂರದಲ್ಲಿದ್ದಾಗ ವ್ಯಕ್ತಿಯೊಬ್ಬರು ಆತ್ಮಹತ್ಯೆ ಮಾಡಿಕೊಳ್ಳುವ ಉದ್ದೇಶದಿಂದ ಹಠಾತ್ ಆಗಿ ಹಳಿಗಳ ಮೇಲೆ ಮಲಗಿರುವುದು ವೀಡಿಯೊದಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ. ಆದರೆ, ರೈಲು ಚಾಲಕ ಸಮಯಕ್ಕೆ ವ್ಯಕ್ತಿಯ ಉದ್ದೇಶವನ್ನು ಅರಿತುಕೊಂಡು ತುರ್ತು ಬ್ರೇಕ್ ಅನ್ನು ಬಳಸಿದರು. ಆ ವ್ಯಕ್ತಿಯಿಂದ ಕೆಲವು ಅಡಿ ದೂರದಲ್ಲಿ ರೈಲು ನಿಂತಿದೆ. ಸೇವ್ರಿ ನಿಲ್ದಾಣದಲ್ಲಿದ್ದ ರೈಲ್ವೆಯ ಮಹಿಳಾ ಭದ್ರತಾ ಸಿಬ್ಬಂದಿ ಆ ವ್ಯಕ್ತಿಯನ್ನು ನೋಡಿದ ತಕ್ಷಣ, ಅವರು ಅವನ ಕಡೆಗೆ ಓಡಿ ತಮ್ಮ ವಶಕ್ಕೆ ತೆಗೆದುಕೊಂಡಿದ್ದಾರೆ.
ಅದ್ಭುತ ಚಾಣಾಕ್ಷತನ ತೋರಿದ ಸಿಬ್ಬಂದಿ
ವಿಡಿಯೋ ಕೇವಲ 50 ಸೆಕೆಂಡ್ಗಳಲ್ಲಿ ಪೂರ್ಣಗೊಳ್ಳುತ್ತದೆ. ಆದರೆ ಇದು ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕುತ್ತಿದೆ. ರೆಕಾರ್ಡಿಂಗ್ ಸಮಯದಿಂದ, ಈ ವಿಡಿಯೊ ದಿನದ 12:45 ರ ಸಮಯ ಎಂದು ತೋರಿಸುತ್ತದೆ. ವಿಡಿಯೊದ ವಿಶ್ಲೇಷಣೆಯು ಟ್ರ್ಯಾಕ್ನಲ್ಲಿ ಮಲಗಿರುವ ವ್ಯಕ್ತಿ ಮತ್ತು ರೈಲು ನಿಲ್ಲುವ ನಡುವೆ ಕೇವಲ 9 ಸೆಕೆಂಡುಗಳನ್ನು ತೆಗೆದುಕೊಂಡಿತು ಎಂದು ತೋರಿಸುತ್ತದೆ. ಅದೇನೆಂದರೆ, ಮೋಟರ್ಮ್ಯಾನ್ ಈ ಎಚ್ಚರಿಕೆಯನ್ನು ತೋರಿಸದಿದ್ದರೆ, ಆ ವ್ಯಕ್ತಿಯ ಜೀವಕ್ಕೆ ತೊಂದರೆಯಾಗಬಹುದಿತ್ತು. ವಿಸ್ಮಯಕಾರಿ ಸಂಗತಿಯೆಂದರೆ, ನಿಲ್ದಾಣದಲ್ಲಿದ್ದ ಮಹಿಳಾ ಭದ್ರತಾ ಸಿಬ್ಬಂದಿ ಕೂಡ ಎಷ್ಟು ಜಾಗರೂಕರಾಗಿದ್ದರು ಎಂದರೆ ಅವರೂ ಕೇವಲ 10 ಸೆಕೆಂಡುಗಳಲ್ಲಿ ಅವರನ್ನು ತಲುಪಿದರು. ನಂತರ ಮೂವರು ಮಹಿಳಾ ಭದ್ರತಾ ಸಿಬ್ಬಂದಿ ಹೇಗಾದರೂ ಮಾಡಿ ವ್ಯಕ್ತಿಯನ್ನು ಠಾಣೆಗೆ ಎಳೆದೊಯ್ದರು.
|
ರೈಲು ಚಾಲಕನ ಹೆಸರು ಕೇಳಿದ ನೆಟ್ಟಿಗರು
ಟ್ವಿಟರ್ನಲ್ಲಿ ವೀಡಿಯೊವನ್ನು ಹಂಚಿಕೊಂಡ ರೈಲ್ವೇ ಸಚಿವಾಲಯವು ಶೀರ್ಷಿಕೆಯಲ್ಲಿ ಬರೆದುಕೊಂಡಿದೆ, "ರೈಲು ಚಾಲಕ ಮಾಡಿದ ಶ್ಲಾಘನೀಯ ಕೆಲಸ: ಮುಂಬೈನ ಸೆವ್ರಿ ನಿಲ್ದಾಣದಲ್ಲಿ, ರೈಲು ಚಾಲಕನ ಸಮಯ ಪ್ರಜ್ಷೆಯಿಂದ ಆತ್ಮಹತ್ಯೆಗೆ ಮುಂದಾದ ವ್ಯಕ್ತಿಯ ಪ್ರಾಣ ಉಳಿದಿದೆ. ಅವರು ತ್ವರಿತವಾಗಿ ಮತ್ತು ಬುದ್ಧಿವಂತಿಕೆಯಿಂದ ವ್ಯಕ್ತಿ ಟ್ರ್ಯಾಕ್ ಮೇಲೆ ಮಲಗಿರುವುದನ್ನು ಗಮನಿಸಿ ತುರ್ತು ಬ್ರೇಕ್ ಹಾಕಿದ್ದಾರೆ. ಹೀಗಾಗಿ ವ್ಯಕ್ತಿ ಜೀವ ಉಳಿಸಿದೆ. ವ್ಯಕ್ತಿಯ ಜೀವ ಅಮೂಲ್ಯವಾಗಿದೆ. ಮನೆಯಲ್ಲಿ ಆತನಿಗಾಗಿ ಯಾರಾದರೂ ಕಾಯುತ್ತಿದ್ದಾರೆ" ಅವರು ಪುಣ್ಯ ಮಾಡಿದ್ದಾರೆ. ಈ ವೀಡಿಯೊಗೆ ಪ್ರತಿಕ್ರಿಯೆ ನೀಡಿದ ಜನರು ರೈಲು ಚಾಲಕರು ಮತ್ತು ಭದ್ರತಾ ಸಿಬ್ಬಂದಿಯ ಬಗ್ಗೆ ತುಂಬಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಂತಹ ಶ್ಲಾಘನೀಯ ಕೆಲಸವನ್ನು ಮಾಡಿದ ಚಾಲಕ ಹೆಸರನ್ನು ಉಲ್ಲೇಖಿಸಲು ಕೆಲವು ನೆಟ್ಟಿಗರು ಕೇಳಿದ್ದಾರೆ. ಇದರಿಂದ ದೇಶವು ಈ ವೀರನ ಬಗ್ಗೆ ತಿಳಿದುಕೊಳ್ಳಬಹುದು ಎಂದಿದ್ದಾರೆ.
Click it and Unblock the Notifications
Sign in with Google